यूहन्ना 13:11 - बिलासपुरी नौआं नियम

¹¹ यीशु जाणा था भई तिस्सो पकड़वाणे औल़ा कुण आ, इसा वजह ने तिने बोल्या, भई तुहें सारे शुद्ध नींये।

यूहन्ना 13:11 ပူးပေါင်းရင်းမြစ်များ

यूहन्ना 13:18

हऊँ तुहां सब्बीं रे बारे च येढ़ा नीं बोल्या करदा; मिन्जो मेरयां चेलयां रा पता, काँह्भई मैं तुहांजो चुणीलरा, पर ये इस खातर हुईरां भई पवित्रशास्त्रा च सै जे लिखिरा सै पूरा हुई जाओ, तिने जे मित्र हुईने मेरे सौगी रोटी खाद्दि सै मेरा दुश्मण बणीग्या।

यूहन्ना 13:2

तंजे यीशु कने तिसरे चेले राति जो रोटी खाया राँ थे। शैताने पैहले तेई यीशुये जो धोखा देणे रे खातर शमौना रे पुत्र यहूदा इस्करियोति रे मना च पाईतरा था।

यूहन्ना 13:21

ताहली जे यीशु ये बोल्ली चुक्कया, फेरी तिसरा मन व्याकुल हुईग्या कने येढ़ा बोलदे हुए अपणे चेलयां जो दस्या, “हऊँ तुहांजो सच-सच बोलां भई तुहां चते इ इक्की मिन्जो धोखा देईने पकड़वाणा।”

यूहन्ना 13:26

यीशुये तिस्सो जवाब दित्या, “तिस्सो जे माह रोटिया रा टुकड़ा डबोई कने देणा, सैई आ।” फेरी यीशुये रोटिया रा टुकड़ा कटोरे च डबोया कने तिस्सो चक्की ने यहूदा जो दित्या सै जे शमौन इस्करियोति रा पुत्र था।

यूहन्ना 17:12

तदुआं तक जे हऊँ तिन्हांने सौगी रैया, तेरे तिस नौआं रिया सामर्था ते सै जे तैं मिन्जो दित्तिरी, मैं तिन्हांरी हिफाजत किति, कने तिन्हेंजे अपणे खातर भटकणा हि चुणया तिन्हांजो छड्डीने तिन्हां च कोई बी नाश नीं हुआ, ताकि पवित्रशास्त्रा च जो किछ लिखिरा सै सच्च ओ।

यूहन्ना 18:4

फेरी यीशु तिन्हां सारियां गल्लां जो सै जे तिस सौगी हुणे औल़ियां थिआं जाणीने अग्गे बधया कने सिपाईयां ते पुच्छणे लगया, “तुहें किस्सो टोले रायें?”

यूहन्ना 2:25

तिस्सो इसा गल्ला री कोई जरूरत नीं थी भई कोई आईने तिसजो लोकां रे बारे च दस्सो, काँह्भई लोकां रे मना च क्या, इसजो सै जाणाँ था।