यूहन्ना 12:42 - बिलासपुरी नौआं नियम

⁴² तां बी अधिकारियां चते बौहतीं तिस पर विश्वास कित्या, पर सै फरीसियां रिया वजह ते यीशुये जो सब्बीं रे सामणे इस खातर नीं ग्रहण करां थे, भई सै किति यहूदी सभा घर चते तिन्हाजो कड्डी नीं देओ;

यूहन्ना 12:42 ပူးပေါင်းရင်းမြစ်များ

मत्ती 10:32

“सै जे कोई माहणुआं रे सामणे बिणा डरे ये मन्नी लो भई हऊँ तेरा चेला, तां हऊँ बी तिस्सो स्वर्गा च रैहणे औल़े अहांरे पिता रे सामणे अपणा चेला मन्नी लेंगा।

लूका 12:8

“हऊँ तुहांजो इसा गल्ला रा भरोसा देयां भई सै जे कोई मिन्जो माहणुआं रे सामणे मन्नी लेंगा, तां हऊँ माहणुये रा पुत्र, तिस माहणुये जो परमेशरा रे स्वर्गदूतां रे सामणे मन्नी लेंगा।

लूका 23:13

पिलातुस राजपाले मुखियायाजकां, यहूदी नेतयां कने लोकां जो बी सद्दीने कट्ठा कित्या कने तिन्हांने गलाया,

लूका 6:22

परमेशरा तुहांजो आशीष देणी, ताहली जे माहणुये रे पुत्रा रिया वजह ने लोकां तुहांजो बैर करना, कने तिस पर विश्वास करने औल़यां जो बुरा समझीने नकाल़ी देणा, कने तुहांरी निंध्या करनी, कने तुहांरा नौं बुरा जाणीने कटी देणा।”

यूहन्ना 11:45

इसते बाद मरियमा सौगी आईरे यहूदियां चते बौहत लोकें यीशुये रे इस कम्मा जो देखीने तिस पर विश्वास कित्या,

यूहन्ना 12:11

काँह्भई तिसरिया वजह ते बौहत सारे यहूदी लोकें अपणे अगुवेयां जो छड्डिने यीशुये पर विश्वास कित्या।

यूहन्ना 16:2

तिन्हां तुहांजो यहूदी सभा घराँ चते कडी देणा : सचमुच इ सै बगत आया रां ताहली जे तुहां चते किसी जो बी मारीने तिन्हां येई सोचणा, भई सै परमेशरा री ही इच्छा पूरी करया रायें।

यूहन्ना 19:38

इसते बाद अरिमतियाह गाँवां रे यूसुफे सै जे यीशुये रा चेला था, (पर यहूदी अगुवेयां रे डरा ते इसा गल्ला जो लुकोई रक्खां था) तिने पिलातुसा ते विनती किति, भई यीशुये रिया लाशा जो तित्थी ते नेणे रा हुक्म देओ। पिलातुसे तिस्सो इजाजत दईती, कने सै तित्थी आईने तिसरिया लाशा जो लईग्या।

यूहन्ना 3:2

सै रात के बगत यीशुये ले आया कने बोल्या, गुरू जी, हऊँ जाणाँ भई तुहें परमेशरा रिया तरफा ते अहांजो सखाणे आईरे, काँह्भई सै चमत्कार जे तुहें दस्सां ए तिस्सो परमेशरा रिया सहायता ते बगैर कोई बी नीं दस्सी सकदा।

यूहन्ना 7:13

तां बी यहूदी अगुवेयां रे डरा रे मारे कोई बी माहणु तिसरे बारे च खुल्ही ने नीं बोल्ली पां था।

यूहन्ना 7:31

फेरी भीं भीड़ा चते बौहत लोकें तिस पर विश्वास कित्या कने बोलणे लगे, “मसीहे ताहली जे औणा तां तिस क्या इसते बी जादा चमत्कारी नशाण दसणे सै जे इने दस्से?”

यूहन्ना 9:22

तिसरयां मौ-बुढ़यां ये गल्लां इस खातर बोल्ली काँह्भई सै यहूदी अगुवेयां ते डराँ थे, काँह्भई तिन्हां च इसा गल्ला रा येक्का हुई चुक्कीरा था, भई जे कोई यीशुये जो मसीह मन्नो, तां सै यहूदी सभा घर ते बाहर कड्डी दित्या जाओ।

यूहन्ना 9:34

तिन्हें तिसजो जबाब दित्या, “तू त तदका जे जम्मीरा तदका इ पापी आ, कने हुण तू अहांजो क्या सखाणे लगीरा?” कने तिन्हे तिसजो धक्के देईने यहूदी सभा घरा ते बाहर कड्डित्या।

प्रेरितां 5:41

सै इस गल्ला ते खुश हुईने महासभा रे सामणे ते चलीगे, भई अहें यीशुये रे खातर बदनाम हुणे लायक त बणे।

रोमियो 10:10

काँह्भई अहांरे विश्वासा रे जरिये माहणु परमेशरा रियां नज़राँ च धर्मी बणां कने अपणे मुँआं ते स्वीकार करने रे जरिये अहें छुटकारा पाया।

1 यूहन्ना 4:15

सै जे कोई ये मन्नी लेआं भई “यीशु मसीह परमेशरा रा पुत्र आ,” तां परमेशर तिसच बणीरा रैयां, कने सै परमेशरा च।

1 यूहन्ना 4:2

परमेशरा रे आत्मे जो तुहें इयां पछयाणी सक्कां ये: भई सै जे कोई आत्मा मन्नी लेईं भई यीशु मसीह माहणुये रे रुपा च धरतिया पर आया, सै परमेशरा रिया तरफा ते आ।