यूहन्ना 12:41 - बिलासपुरी नौआं नियम

⁴¹ यशायाह ये गल्लां इस खातर बोलियां भई तिने खुद यीशुये री महिमा देक्खी, कने तिने तिसरे बारे च गल्लां बी कित्ती यां।

यूहन्ना 12:41 ပူးပေါင်းရင်းမြစ်များ

लूका 24:27

फेरी यीशुये मूसा ते कने सारे भविष्यवक्तयां ते शुरु करीने सारे पवित्रशास्त्रा चते अपणे बारे च लिखी रियां गल्लां रा मतलब, तिन्हांजो समझाईत्या।

यूहन्ना 1:14

कने वचन शरीरा रा रुप लेईने आया; तिने अनुग्रह कने सच्चाईया ने भरी ने अहांरे बिच बास कित्या, कने अहें तिसरी येढ़ि महिमा देक्खी, तेढ़ी जे पिता रे इकलौते पुत्रा री महिमा हुआं इ।

यूहन्ना 1:18

परमेशरा जो किने बी कदीं नीं देख्या, इकलौता पुत्र सै जे मसीह यीशु आ, तिसरा जे पिता ने बड़ा गैहरा रिश्ता, तिने इ अपणे पिता जो अहां सब्बीं पर परगट कित्या।

यूहन्ना 14:9

यीशुये तिस्सो गलाया, “फिलिप्पुस, क्या हऊँ तुहांजो सौगी लम्बे वगता तक नीं रया, कने तुहें मेरे बारे च हुण मनी जाणदे? तिने जे मिन्जो देखील्या तिने पिता जो देखील्या। तुहें काँह बोलां ये, भई ‘अहांजो पिता जो दस?’

यूहन्ना 5:39

तुहें पवित्रशास्त्रा च टोल़ां ये, काँह्भई तुहें समझां ये भई तिसच तुहांजो अनन्त जीवन मिलां, पर ये सारे पवित्रशास्त्र मेरी इ गवाही दें;

प्रेरितां 10:43

तिसरे सब भविष्यवक्ता गवाही देआंये भई जो कोई तिस पर विश्वास करगा, तिस्सो तिसरे नौआं रे जरिये पापां री माफी मिलणी।”

2 कुरिन्थियों 4:6

काँह्भई पवित्रशास्त्र बोलां, “परमेशरे जोतिया जो अन्धकारा च चमकणे रा हुक्म दित्या।” हुण परमेशर अहांरे दिलां च चमकीरा, ताकि परमेशरा री महिमा यीशु मसीह च दिखीरी, ये अहें तुहौं दस्सी सक्को।

इब्रानियों 1:3

पुत्र इ तिसरिया महिमा रा तेज आ कने सै हर तरह ते परमेशरा साई आ, सैई अपणे सामर्था रे वचना ने सारी सृष्टिया जो सम्भाल़ां। सै लोकां रे पापां जो माफ करीने आदर कने अधिकारा रिया जगह सै जे स्वर्गा च पिता परमेशरा रे सज्जे पासे जाई बैट्ठीरा।

1 पतरस 1:11

मसीह रा आत्मा तिन्हां च था कने तिन्हांजो दस्यारां था भई मसीहे कियां दुख सैहणा कने तिस्सो महान आदर दित्या जाणा। इस खातर तिन्हें ये पता लगाणे री खोज कित्ती भई मसीह कुण हूणा कने ये कदीं हूणा।

प्रकाशितवाक्य 19:10

फेरी तिसरी अराधना करने खातर हऊँ तिसरे पैराँ पर पैईग्या। तिने मेरने गलाया, “देख, येढ़ा मत करा! हऊँ तेरा कने तेरे साथी विश्वासियां साई इक दास इ हाया, सै जे यीशुये री गवाही देणे पर मजबूत आ। परमेशरा री अराधना कर; काँह्भई यीशु मसीह री गवाही भविष्यवाणिया री आत्मा इ।”