यूहन्ना 12:35 - बिलासपुरी नौआं नियम

³⁵ फेरी यीशुये तिन्हांने बोल्या, “जोति तुहांरे बिच हल्तियें किछ वगत होर रैहणी, तदुआं तका जे जोति तुहांले इ अग्गे बधदे रौआ, किति येढ़ा नीं हो भई अन्धेरा तुहांजो घेरी लो; सै जे अन्धेरे च चलां सै नीं जाणदा भई सै कितो जाया राँ।

यूहन्ना 12:35 ပူးပေါင်းရင်းမြစ်များ

लूका 18:37

तिन्हें तिस्सो दस्या भई नासरत गाँवां रा यीशु जाईराँ।

यूहन्ना 11:10

पर जे कोई राति जो चलो तां सै ठोकर खां, काँह्भई राति जो लोय नीं हुन्दी।”

यूहन्ना 11:9

यीशुये जबाब दित्या, “क्या इक्की दिना च बारा घण्टे नीं हुंदे? जे कोई दिना रे उजाले च चलो तां सै ठोकर नीं खांदा, काँह्भई सै सूरजा रिया लोई जो देखां।

यूहन्ना 12:36

तदुआं तका जे जोति तुहांले इ, जोतिया पर विश्वास करा, तिसते जे तुहें जोतिया रे बच्चे बणी सक्‍को।” ये गल्लां बोलीने यीशु चलिग्या कने तिन्हांते दूर रैहणे लगया।

यूहन्ना 12:46

हऊँ संसारा च जोत बणीने आईरा, इस खातर भई सै जे मेरे पर विश्वास करगा सै अन्धेरे च नीं रौ।

यूहन्ना 16:16

“थोड़े बगता तक तुहां मिन्जो नीं देखणा, कने तिसते बाद, थोड़े बगता बाद तुहां मिन्जो फेरी देखणे लगणा।”

यूहन्ना 7:33

इस पर यीशुये गलाया, “हऊँ होर थोड़िया देरा तक तुहां सौगी आ, तिसते बाद माह तिसलौ बापस चली जाणा तिने जे हऊँ भेज्जिरा।

यूहन्ना 8:12

फेरी यीशुये भीं लोकां ने गलाया, “संसारा री जोति हऊँ आ; सै जे मेरे पिच्छे चलगा कदीं अन्धेरे च नीं रैहन्गा, पर तिस सै जोति पाणी सै जे अनन्त जीवन देईं।”

2 कुरिन्थियों 3:14

पर इस्राएली लोकां रे मन कठोर हुईगरे थे, कने आज्ज तक ताहली जे सै पुराणिया वाचा जो पढ़ां ये, तां तिन्हांरे मना पर सैई परदा पैईरा रैयां, पर सै परदा सिर्फ मसीह पर विश्वास करने रे जरिये इ हटाया जां।

गलातियां 6:10

इस खातर तियां जे कोई मौका मिलो, अहांजो सारयां ने भलाई करनी चाहिन्दी, खास कर अपणे विश्वासी भाईयां सौगी।

इफिसियां 5:8

ये हऊँ इस खातर बोल्ली कराँ भई इक बगत था ताहली जे तुहें अन्धकारा च थे, पर हुण तुहें प्रभुये च ज्योति ये; इस खातर ज्योतिया रे बच्चयां साई जीओ।