यूहन्ना 12:31 - बिलासपुरी नौआं नियम

³¹ हुण इस संसारा रे लोकां रा न्याय करने रा वगत आईगरा, कने हुण परमेशरा इस संसारा पर राज करने औल़े शैतान्ना रिया शक्तिया जो खत्म करी देणा;

यूहन्ना 12:31 ပူးပေါင်းရင်းမြစ်များ

मत्ती 12:28

हऊँ बुरीआत्मां जो परमेशरा रे आत्मे रिया शक्तिया ने नकाल़ां, इसते ये सिद्ध हुया भई परमेशरा रा राज तुहांरे नेड़े आई पुज्जीरा।”

यूहन्ना 14:30

कने जादा हऊँ तुहांजो ये गल्लां नीं करी सकदा काँह्भई इस संसारा पर राज करने औणे औल़ा शैतान; माह पर तिसरा कोई अधिकार नींआ।

यूहन्ना 3:19

सजा रे हुक्मा री वजह येई भई जोति इसा दुनिया च आई कने लोकें अन्धेरे जो जोतिया ते जादा प्यारा समझया, काँह्भई तिन्हांरे काम्म बुरे थे।

यूहन्ना 9:39

फेरी यीशुये गलाया, “हऊँ इस संसारा च इस न्याय जो करने आईरा, ताकि सै जे नीं देखदे सै देखणे लगो कने सै जे देक्खां ये सै अन्हे हुई जाओ।”

प्रेरितां 26:18

भई तू तिन्हांजो इसा गल्ला रा एहसास करवाई दो भई सच्च क्या? कने झूट्ठा पर विश्वास करने रे बजाय परमेशरा रिया सच्चाईया पर विश्वास करा; ये सब इस खातर ताकि सै पापां री माफी कने मांह पर विश्वास करने ते पवित्र कित्तिरे लोकां सौगी बिरासत पाई सक्को।’

1 कुरिन्थियों 1:20

किति आ ज्ञानी, किति आ शास्त्री कने किति आ इस जुगा रा विवादी? क्या परमेशरे संसारा रे सारे ज्ञान्ना जो मूर्खता साबित नीं कित्या?

1 कुरिन्थियों 1:21

काँह्भई तंजे परमेशरा रे ज्ञाना रे मुतावक संसारे ज्ञाना ते परमेशरा जो नीं जाणया, तां परमेशरा जो ये खरा लगया भई इस प्रचारा रिया मूर्खता रे जरिये विश्वास करने औल़यां जो छुटकारा देओ।

2 कुरिन्थियों 4:4

इस संसारा रे इश्वरे (शैताने) तिन्हां अविश्वासी लोकां री बुद्धि अन्ही करी तरी, इसी खातर सै मसीह रे बारे री उत्तम खुशखबरिया कने तिसरी महिमा समझदे नींये। मसीह परमेशरा रा स्वरूप आ।

इफिसियां 6:12

काँह्भई अहांरी लड़ाई लहू कने मास्सा ने बणाईरे माहणुआं ने नीं, पर प्रधानां, अधिकारियां, कने इस संसारा रे अन्धकारा रे हाकिमां कने तिस दुष्टता री आत्मिक सेनां सौगी सै जे अम्बरा चियां।

कुलुस्सियां 2:15

परमेशरे क्रूसा रे जरिये शासकां कने अधिकारियां जो हराया कने क्रूसा रे जरिये तिन्हां पर जय पाईने तिन्हांरा लोकां रे सामणे तमाशा बणाया।

इब्रानियों 2:14

काँह्भई तियां जे परमेशरा रे बच्चे माहणु ये, तियां इ यीशु बी तिन्हां साई माहणु बणया। परमेशरे ये इस खातर कित्या ताकि तिसरिया मौती रे जरिये शैतान्ना जो नाश करी सक्को, तिसले जे मौती रा अधिकार था।

1 यूहन्ना 3:8

सै माहणु जे पाप कराँ, सै शैतान्ना रिया तरफा ते आ, काँह्भई शैतान शुरु तेई पाप करदा आया; इस खातर परमेशरा रा पुत्र प्रगट हुया, भई सै शैतान्ना रे कम्मां जो नाश करो।

1 यूहन्ना 4:4

मेरे प्यारे बच्चो, तुहें परमेशरा रे लोक ये, कने तुहें झूट्ठे भविष्यवक्तयां पर जीत पाईरी; काँह्भई सै पवित्र आत्मा जे तुहां चा, सै संसारा च रैहणे औल़े शैतान्ना ते महान आ।

1 यूहन्ना 5:19

अहें जाणाँ ये भई अहें परमेशरा रे बच्चे, कने सारा संसार तिस शैतान्ना रे बशा चा।