यूहन्ना 12:27 - बिलासपुरी नौआं नियम

²⁷ “हुण मेरा जी घबराया राँ। इस खातर हुण हऊँ क्या बोलूं? ‘हे पिता, मिन्जो इस दुखा रिया घड़िया ते बचा?’ काँह्भई हऊँ इस इ वजह ते इस संसारा च आया ताकि दुख सहूँ।

यूहन्ना 12:27 ပူးပေါင်းရင်းမြစ်များ

मत्ती 11:25

तिस इ वगत यीशुये गलाया, “पिता, तू स्वर्गा कने धरतिया रा मालक आ, हऊँ तेरा धन्यवाद कराँ भई तैं इन्हां गल्लां जो ज्ञानियां कने समझदार लोकां ते छुपाई ने रखीरा, कने आम लोकां पर प्रगट कित्या।

मत्ती 11:26

हाँ, हे पिता, ये इस खातर हुया काँह्भई तिज्जो येई ठीक लगया।

मत्ती 26:42

फेरी इक बार भीं तिने जाईने प्राथना कित्ती कने गलाया, “हे मेरे पिता, जे इस तरिके ने मेरे खातर दुख सैहणा जरूरी आ, तां तेरी इच्छा पूरी ओ।”

मत्ती 26:45

फेरी यीशु अपणे चेलयां ले गया कने तिन्हांते पुच्छया, “क्या तुहें हुण बी अरामा ने सुत्तीरे? देक्खा, सै वगत आई पुज्जीरी, ताहली जे माहणुये रा पुत्र पापियां रे हवाले कित्या जाणा।

लूका 22:44

यीशु बड़ा बेचैन हुईने प्राथना करने लगया। तिसरिया आत्मा रा दर्द इतणा बधीग्या भई तिसरा परसीन्ना खून्ना रे टेपयां साई धरतिया पर टपकणे लगया।

लूका 22:53

ताहली जे हऊँ हर रोज मन्दरा च तुहांजो सौगी हुआं था, तां तुहें तिस बगत मिन्जो काँह नीं पकड़या? पर ये तुहांरा बगत आ, सै बगत, ताहली जे अन्धेरे री ताकत काम्म कराँ इ।”

यूहन्ना 11:41

तां लोकें तिस पत्थरा जो कण्डे करित्या। यीशुये स्वर्गा खा देखीने बोल्या, “हे पिता, हऊँ तेरा धन्यवाद कराँ काँह्भई तैं मेरी सुणी ली।

यूहन्ना 12:23

पर यीशुये तिन्हांजो बोल्या, “सै वगत आई गरा भई माहणुये रे पुत्रा री महिमा हो।

यूहन्ना 13:21

ताहली जे यीशु ये बोल्ली चुक्कया, फेरी तिसरा मन व्याकुल हुईग्या कने येढ़ा बोलदे हुए अपणे चेलयां जो दस्या, “हऊँ तुहांजो सच-सच बोलां भई तुहां चते इ इक्की मिन्जो धोखा देईने पकड़वाणा।”

यूहन्ना 18:37

पिलातुसे तिस्सो गलाया, तां क्या तू राजा? यीशुये जबाब दित्या, “तू बोलां भई हऊँ राजा। हऊँ इस खातर पैदा हुईने संसारा च आया भई सच्चाईया रे बारे च सखाई सक्कूँ। सै माहणु जे सच्चाईया ने प्यार रक्खां ये सै मेरा बचन सुणां ये।”

1 तिमुथियुस 1:15

ये गल्ल सच्च कने हर तरिके ने मनणे लायक इ भई मसीह यीशु पापियां रा छुटकारा करने खातर संसारा च आया, तिन्हां सब्बीं च हऊँ बड़ा पापी आ।

इब्रानियों 2:14

काँह्भई तियां जे परमेशरा रे बच्चे माहणु ये, तियां इ यीशु बी तिन्हां साई माहणु बणया। परमेशरे ये इस खातर कित्या ताकि तिसरिया मौती रे जरिये शैतान्ना जो नाश करी सक्को, तिसले जे मौती रा अधिकार था।

इब्रानियों 5:7

ताहली जे यीशु इस संसारा च था तां तिसरे जीवन काला च ऊच्चिया अवाज़ा च पुकारदे हुये कने रोन्दे हुये आँसुआं ने परमेशरा रे सामणे प्राथना कने विनती कित्ती सै जे तिस्सो मौती ते बचाई सक्कां था; काँह्भई सै नम्र कने परमेशरा रे प्रति समर्पित था इस खातर परमेशरे तिसरी प्राथना सुणीने तिसजो जबाब दित्या।