यूहन्ना 12:26 - बिलासपुरी नौआं नियम

²⁶ जे कोई मेरी सेवा करना चाओ, तां सै मेरे चेले बणो; कने तित्थी जे हऊँ आ, तित्थी मेरा सेवक बी हूणा। जे कोई मेरी सेवा करो, तां पिता परमेशरा तिसरा आदर करना।

यूहन्ना 12:26 ပူးပေါင်းရင်းမြစ်များ

मत्ती 16:24

फेरी यीशुये अपणे चेलयां ने बोल्या, “सै जे कोई मेरा चेला बणना चाओ, सै खुद अपणा इन्कार करो कने अपणा क्रूस चक्कीने मेरे पिछे आई जाओ।

मत्ती 25:21

तिसरे मालके तिसने गलाया, शाबाश! तू भरोसे रे लायक खरा सेबक आ, तैं थोड़िया जेईया रकमा च मेरा विश्वास जित्तिल्या; माह तिज्जो मतियां चिज़ां रा अधिकार देणा। औ कने मेरने खुशी मना।

मरकुस 8:34

तिने सारयां लोकां जो अपणे चेलयां समेत नेड़े सद्दीने तिन्हांजो गलाया, “सै जे कोई मेरा चेला बणना चाओ, सै खुद अपणा इन्कार करो कने अपणा क्रूस चक्कीने मेरे पिछे आई जाओ।

लूका 12:37

आशीषित ये सै सेवक सै जे मालका रे औन्दे इ तिसजो जागदे कने त्यार हुईरे मिलां ये। हऊँ तुहांजो सच्च बोलां, भई सै बी तिन्हां रिया सेवा खातर अपणी कमर बन्हीने तिन्हाजो रोटी खाणे बठाल़गा, कने नेड़े आईने तिन्हारी सेवा करगा।

लूका 6:46

“तां जे तुहें मेरा बोल इ नीं मनदे, तां काँह मिन्जो; ‘हे प्रभु, हे प्रभु,’ बोल्लां ये?

लूका 9:23

फेरी तिने सारयां लोकां जो गलाया, “सै जे कोई मेरा चेला बणना चाओ, सै खुद अपणा इन्कार करो कने हर रोज दुख सैहणे कने मरने रे खातर बी त्यार रौ, सै मेरा चेला बणो।

यूहन्ना 10:27

मेरी भेड्डां मेरी अवाज़ ध्याना ने सुणां इयां; हऊँ तिन्हौं जाणाँ, सै मेरे पिच्छे-पिच्छे चलां इयां;

यूहन्ना 13:16

हऊँ तुहांजो सच-सच बोलां, इक दास अपणे गुरुये ते बडा नींआ, कने नांई इक सनेहा देणे औल़ा तिसते बड्डा सै जे तिसजो भेज्जां।

यूहन्ना 14:15

“जे तुहें मेरने प्यार कराँ ये, तां तुहां मेरयां हुक्मां जो मनणा।

यूहन्ना 14:3

जे हऊँ तित्थी जाया राँ, कने तुहां खातर रैहणे री जगह बणाऊं, तां माह फेरी येत्थी आईने तुहांजो अपणे सौगी रैहणे खातर ऊत्थी लेई जांगा, ताकि तुहें बी तित्थी रौआ तित्थी जे हऊँ रौआं।”

यूहन्ना 15:20

मेरी गलाई रियां गल्लां जो याद रखा भई ‘इक दास अपणे मालका ते बडा निआं।’ इस खातर जे तिन्हें मिन्जो सताया तां तिन्हां तुहांजो बी सताणा; जे तिन्हें मेरा उपदेश मन्नया, तां तिन्हां तुहांरियां गल्लां बी मनणियां।

यूहन्ना 17:24

“हे पिता! सै लोक जे तैं मिन्जो दित्तिरे, मेरी ये इच्छा इ भई तित्थी जे हऊँ आ तित्थी सै बी रौ, काँह्भई सै मेरिया तिसा महिमा जो देक्खी सक्को सै जे तैं मिन्जो दित्ति। काँह्भई संसारा रिया सृष्टिया ते पैहले तू मिन्जो प्यार कराँ था।

यूहन्ना 21:22

यीशुये तिस्सो गलाया, जे हऊँ चाऊँ भई मेरे औणे तक सै जिऊंदा रौ, तां इसते तिज्जो क्या? पर तू मेरा चेला बण।

रोमियो 1:1

हऊँ पौलुस यीशु मसीह रा दास आ कने प्रेरित होणे रे खातर परमेशरा रे जरिये चुणया गया, कने परमेशरा रिया खुशखबरिया रा प्रचार करने खातर लग कित्या गया।

रोमियो 14:18

सै जे कोई इस तरिके ने मसीह री सेवा कराँ, तिसते परमेशर खुश रैयां कने लोक तिस्सो ईज्जत दें।

2 कुरिन्थियों 4:5

अहें खुद अपणा प्रचार नीं करदे बल्कि अहें ये प्रचार कराँ ये भई मसीह यीशु इ प्रभु आ, कने अहें यीशुये रिया वजह ने तुहांरे सेवक ये।

2 कुरिन्थियों 5:8

अहांजो पूरा भरोसा, इस खातर हऊँ बोलां भई अहें अपणे शरीरा जो छड्डिने प्रभु यीशुये सौगी तिसरे घरें रैहणे जो खरा समझां ये।

गलातियां 1:10

साफ तौर पर, हऊँ लोकां जो खुश करने री कोशिश नीं करदा, पर परमेशरा जो खुश करना चाँह। हकीकत च हऊँ लोकां जो खुश नीं करना चाहन्दा, जे हऊँ हुण तक लोकां जोई खुश करदा रैहन्दा, तां हऊँ मसीह रा सेवक नीं हुन्दा।

फिलिप्पियां 1:23

काँह्भई मिन्जो दुईं रे बिच चुनाव करने च कठिनाई हुई राँई। हऊँ मरना चाँह ताकि स्वर्गा च हऊँ मसीह ने सौगी रैई सक्कूँ, काँह्भई ये बौहत इ अच्छा हूणा।

कुलुस्सियां 3:24

याद रखा भई प्रभुये तुहांजो ईनाम देणा सै जे तिने अपणे लोकां रे खातर रखीरा, अपणे प्रभु मसीह री सेवा करदे रौआ।

कुलुस्सियां 4:12

इपफ्रास रा बी तुहांजो नमस्कार हो, सै जे तुहांरे नगरा चते इक आ कने यीशु मसीह रा दास आ, कने सदा तुहांरे खातर लगना ने प्राथनां च कोशिश करदा रैयां, ताकि तुहें सिद्ध हुईने पूरे विश्वासा सौगी परमेशरा रिया इच्छा च टिक्कीरे रौओ।

2 पतरस 1:1

हऊँ शमौन पतरस, यीशु मसीह रा सेबक कने प्रेरित आ। हऊँ ये चिट्ठी तुहां सब्बीं जो लिखया राँ तिन्हें जे अहांरे परमेशर कने छुटकारा करने औल़े यीशु मसीह रिया धार्मिकता रे जरिये अहां साई बौहत कीमती विश्वास पाईरा।

1 यूहन्ना 5:3

कने परमेशरा रा प्यार येआ, भई अहें तिसरे हुक्मां रा पालन करिये, सै जे मुश्कल नींये।

यहूदा 1:1

हऊँ यहूदा, यीशु मसीह रा सेवक कने याकूब रा भाई तुहांजो ये चिट्ठी लिख्या राँ, यनि जितने लोक परमेशरा रे जरिये सद्दे गईरे कने तिन्हौं जे अहांरा पिता परमेशर प्रेम कराँ कने यीशु मसीह रे जरिये सुरक्षित ये।

प्रकाशितवाक्य 14:4

ये सै लोक ये, सै जे कदीं औरतां सौगी अशुद्ध नीं हुये, पर कुवारे रै; ये सैई हाये, भई तित्थी जे कित्ती मेमना जां, सै तिसरे पिच्छे हुई लेआं ये; येत परमेशर कने मेमने रे खातर पैहले फल़ा साई माहणुआं चते खरीदी लरे।