यूहन्ना 12:17 - बिलासपुरी नौआं नियम

¹⁷ भीड़ा चते तिन्हें लोकें गवाही दित्ति सै जे तिस वक्त तिस सौगी थे ताहलूं जे लाजरा जो कब्रा चते सद्दीने जिऊंदा कित्या था।

यूहन्ना 12:17 ပူးပေါင်းရင်းမြစ်များ

यूहन्ना 1:19

यूहन्ने री गवाही येई, भई ताहली जे यहूदी अगुवेयां यरूशलेम ते याजकां कने लेवियां जो तिसते ये पुछणे खातर भेज्या भई “तू कुण आ?”

यूहन्ना 1:32

फेरी यूहन्ने ये गवाही दित्ति : “मैं आत्मा जो कबूतरा साई स्वर्गा ते उतरदे देख्या, कने सै तिस पर टिकिग्या।

यूहन्ना 1:34

कने मैं देख्या, कने हऊँ तुहांजो सच्च बोलां भई येई परमेशरा रा पुत्र आ।”

यूहन्ना 11:31

फेरी यहूदी लोक सै जे मरियमा सौगी घरें थे कने तिसाजो शान्ति देया राँ थे, तिन्हें देख्या भई मरियम छोड़चा ने उट्ठीकने बाहर चलीगी, इस खातर सै तिसारे पिच्छे-पिच्छे ये सोच्चीने गये भई सै रोणे जो कब्रा पर जाया राँई।

यूहन्ना 11:42

हऊँ जाणा भई तू सदा मेरी सुणा, पर सै जे भीड़ चऊँ पासयां खढ़िरी थी, ये तिन्हां रिया वजह ते मैं तिन्हांरे खातर ऊच्चिया अवाजा च बोल्या, तिसते जे सै ये विश्वास करी सक्को भई तैं मिन्जो भेज्जिरा।”

यूहन्ना 12:9

यहूदी लोकां री इक बड्डी भीड़ा जो ताहली जे ये पता लगया भई यीशु ऊत्थी बैतनिय्याह च था, तां लोक तिसने मिलणे जो आए। सै न सिर्फ यीशुये जो बल्कि तिस लाजरा जो बी देखणे खातर आए थे, तिस्सो जे यीशुये मूईरयां चते जिऊंदा कित्या था।

यूहन्ना 19:35

तिने माहणुये जे ये गल्लां हुन्दे हुये देखियां, तिने इ इस बारे च गवाही दित्ति, ताकि तुहें बी यीशुये पर विश्वास करी सक्को। तिसरी ये गवाही सच्ची, कने सै जाणाँ भई तिने सच्च बोल्या।

यूहन्ना 21:24

ये सैई चेला सै जे इन्हां सारियां गल्लां रा गवाह कने तिने जे ये गल्लां लिखियां; अहें जाणाँ ये भई तिसरी गवाही सच्ची।

प्रेरितां 1:22

यूहन्ना रे बपतिस्मे ते लईने तिसरे अहां लाते चक्के जाणे तका सै लोक जे हमेशा अहांने सौगी रै, ठीक आ भई तिन्हां चते इक माहणु अहां सौगी तिसरे जिऊंदा हुणे रा गवाह बणी जाओ।”

प्रेरितां 5:32

अहें इन्हां गल्लां रे गवाह ये कने तियां जे पवित्र आत्मा बी, तिस्सो जे परमेशरे तिसरा हुक्म मनणे औल़यां जो दित्तिरा।”

प्रकाशितवाक्य 1:2

कने तिने जे परमेशरा रे वचन कने यीशु मसीह री गवाही, यनि जो किछ तिने देख्या था तिसरी गवाही दित्ति।