यूहन्ना 12:13 - बिलासपुरी नौआं नियम

¹³ इस खातर तिने खजूरा रियां डालियां लईयां कने तिसने मिलणे जो चलीपे, कने बोलणे लगे, “परमेशरा री जय हो!” “आशीषित आ सै माहणु सै जे प्रभुये रे नौआं ते औआं।” “आशीषित आ इस्राएल रा राजा!”

यूहन्ना 12:13 ပူးပေါင်းရင်းမြစ်များ

मत्ती 23:39

काँह्भई हऊँ तुहांजो बोलां, भई हुण ते तदुआं तक जे तुहें नीं बोलगे, भई परमेशर तिस्सो आशीष देओ, सै जे परमेशरा रे अधिकारा ने औंआं, तदुआं तक तुहां मिन्जो फेरी कदीं नीं देखणा।”

मत्ती 27:42

“इने होरीं जो बचाया, कने खुद अप्पूँजो नीं बचाई सकदा। येत इस्राएल रा राजा आ। ये हुण क्रूसा ते थल्ले उतरी जाओ जे तां अहें इस्सो मन्नी जांगे।

यूहन्ना 1:49

नतनएले तिसजो जबाब दित्या, “गुरू, तू परमेशरा रा पुत्र आ, तू इस्राएल रा राजा।”

यूहन्ना 12:14

फेरी यीशुये जो गधे रा इक बच्चा मिलया कने तियां जे सै यरूशलेम नगरा च आया सै तिस पर बैठिग्या, तियां जे पवित्रशास्त्रा च लिखिरा तियां इ हुया:

यूहन्ना 12:15

“यरूशलेम रे लोको, घबरान्दे मता; देक्खा, तुहांरा राजा गधे रे बच्चे पर बैठीने आया रां।”

यूहन्ना 19:15

फेरी सै रड़ाये, इस्सो लेई जावा, इस्सो मारी देवा, कने इस्सो क्रूसा पर चढ़ाओ! पिलातुसे तिन्हांजो बोल्या, क्या तुहें चाँह ये भई हऊँ तुहांरे राजे जो क्रूसा पर चढ़ाऊं? इस पर मुखियायाजकें जबाब दित्या, कैसरा जो छड्डिने अहांरा कोई दुज्जा राजा निआं।

प्रकाशितवाक्य 15:3

कने सै परमेशर रे दास मूसा रा गीत, कने मेमने रा गीत गां थे, “हे सर्वशक्तिमान प्रभु परमेशर, तेरे काम्म महान कने अदभुत ये; हे युग-युग रे राजा, तेरी चाल ठीक कने सच्ची।”

प्रकाशितवाक्य 19:16

कने तिसरे कपड़े कने लत्ता पर ये नौं लिखिरा : “राजयां रा राजा कने प्रभुआं रा प्रभु।”

प्रकाशितवाक्य 7:9

इन्हां गल्लां रे बाद मैं हर इक जाति, कने कुल़, कने लोक, कने भाषा चते इक येढ़ि बड्डी भीड़ देक्खी, तिसाजो जे कोई गिणी नीं सकदा था। सै चिट्टे कपड़े पैहनीने कने अपणे हत्थां च खजूरा रियां डाल़ियां लेईरी संघासणा रे सामणे कने मेमने रे सामणे खढ़िरे;