यूहन्ना 12:1 - बिलासपुरी नौआं नियम

¹ यीशु फसह रे त्योहारा ते छे दिन पैहले बैतनिय्याह च आया तित्थी जे लाजर था, तिस्सो जे यीशुये मूईरयां चते जिऊंदा कित्या था।

यूहन्ना 12:1 ပူးပေါင်းရင်းမြစ်များ

मत्ती 21:17

फेरी सै तिन्हाजो छड्डिने यरूशलेम नगरा ते बाहर बैतनिय्याह गाँवां जो गया कने तित्थी तिने रात बताई।

मरकुस 11:11

कने सै यरूशलेम पुज्जी ने मन्दरा च आया, कने चऊँ पासयां सब्बीं चीज़ा जो देखीने बाराँ चेलयां सौगी बैतनिय्याह गाँवां जो गया, काँह्भई सांझ हुईगरी थी।

लूका 24:50

फेरी यीशु तिन्हाजो यरूशलेम नगरा ते बाहर बैतनिय्याह तक लैईया, कने अपणे हत्थां जो स्वर्गा खौ चक्की ने, चेलयां जो आशीष दित्ति।

लूका 7:37

कने देक्खा, तिस नगरा री इक पापी जनाना ये जाणीने भई यीशु फरीसिये रे घरें रोटी खाणे बैठिरा, संगमरमरा रिया शीशिया च बौहत मैंहगा इत्र ल्याई।

यूहन्ना 11:1

लाजर नौआं रा इक माहणु बमार पैईग्या। सै मरियम कने तिसारी बैहण मार्था रे गाँव बैतनिय्याह रा बसिन्दा था।

यूहन्ना 11:43

ये बोलणे ते बाद तिने ऊच्ची अवाज़ च हाक पाई, “लाजर, बाहर निकल़ी औ!”

यूहन्ना 11:44

सै जे मरीगरा था सै कफणा ते हाथ पैर बन्धोई रेई बाहर निकल़ी आया, कने तिसरा मुँह पर्ने कने लिपटीरा था। यीशुये लोकां ने बोल्या, “इस्सो खोली देआ कने जाणे देआ।”

यूहन्ना 11:55

यहूदियां रा फसह रा त्योहार नेड़े था, कने बौहत लोक फसह ते पैहले इ गाँवां ते यरूशलेम नगरा जो गये भई यहूदी नियमा रे मुतावक सै अप्पूँजो पवित्र करो।

यूहन्ना 12:12

दुज्जे दिन बौहती लोकें त्योहारा रे आईरे थे सुणया भई यीशु यरूशलेम जो आय राँ।

यूहन्ना 12:20

तित्थी किछ यूनानी थे सै जे इस त्योहारा च अराधना करने खातर यरूशलेम आईरे थे।

यूहन्ना 12:9

यहूदी लोकां री इक बड्डी भीड़ा जो ताहली जे ये पता लगया भई यीशु ऊत्थी बैतनिय्याह च था, तां लोक तिसने मिलणे जो आए। सै न सिर्फ यीशुये जो बल्कि तिस लाजरा जो बी देखणे खातर आए थे, तिस्सो जे यीशुये मूईरयां चते जिऊंदा कित्या था।