यूहन्ना 11:8 - बिलासपुरी नौआं नियम

⁸ चेलयां तिसने बोल्या, “गुरू जी, किछ दिन पैहले यहूदी अगुवे तूह पर पत्थराव करने री कोशिश करी रां थे, कने तू फेरी बी तित्थी जोई जाया राँ।”

यूहन्ना 11:8 ပူးပေါင်းရင်းမြစ်များ

मत्ती 23:7

बज़ाराँ च सै आदरा सौगी नमस्कार कराणा चाँये, कने माहणुआं ते गुरू बलवाणा तिन्हांजो खरा लगां।

मत्ती 23:8

पर तुहें लोकां ते अप्पूँजो गुरू नीं बुल्वायां, काँह्भई तुहांरा सच्चा गुरू त बस इक इ हाया; कने तुहें सारे अप्पूँ चियें भाई भैणा साई ये।

यूहन्ना 10:31

फेरी यहूदियें तिसजो मारने खातर दोबारा पत्थर चक्के।

यूहन्ना 10:39

तां फेरी भीं तिन्हे तिस्सो पकड़ने री कोशिश कित्ती पर सै तिन्हांते दूर चलिग्या।

यूहन्ना 11:19

इस खातर भाईये रिया मौती पर मार्था कने मरियमा जो शान्ति देणे खातर यहूदा प्रदेशा ते बौहत सारे लोक आईरे थे।

यूहन्ना 4:31

इस बिच तिसरे चेले तिसते बिनती करने लगे, “गुरू जी, किछ खाई लैं।”

यूहन्ना 8:59

फेरी इस पर लोकें यीशुये जो मारने खातर पत्थर चक्के, पर सै तिन्हां वलाते हटया कने मन्दरा ते निकल़ीने दूर चलिग्या।

प्रेरितां 20:24

पर हऊँ अपणे प्राणां जो बी किछ नीं समझदा भई तिस्सो प्यारा जाणुं, पर येढ़ा भई हऊँ अपणी दौड़ा जो कने तिसा सेवा जो पूरी करूँ, सै जे परमेशरा रे अनुग्रह ते खुशखबरिया री गवाही देणे खातर प्रभु यीशुये ते पाईरी।