यूहन्ना 11:55 - बिलासपुरी नौआं नियम

⁵⁵ यहूदियां रा फसह रा त्योहार नेड़े था, कने बौहत लोक फसह ते पैहले इ गाँवां ते यरूशलेम नगरा जो गये भई यहूदी नियमा रे मुतावक सै अप्पूँजो पवित्र करो।

यूहन्ना 11:55 ပူးပေါင်းရင်းမြစ်များ

मत्ती 26:1

ताहली जे यीशु ये सारी गल्लां करी बैट्ठया तां अपणे चेलयां जो बोलणे लगया,

मत्ती 26:2

“तुहें लोक जाणाँ ये भई दुईं दिनां बाद फसह रा त्योहार आ, कने माहणुये रा पुत्र क्रूसा पर चढ़ाये जाणे खातर पकड़वाया जाणा।”

मरकुस 14:1

दुईं दिना ते बाद लोक फसह कने अखमीरी रोटिया रा त्योहार मनाणे जो त्यार थे। तिन्हें दिनें मुखियायाजक कने शास्त्री इसा गल्ला रिया टोल़ा च थे भई यीशुये जो कियां धोखे ने पकड़ीने मारया जाओ;

लूका 22:1

बिणा मलेड़े औल़ा रोटियां रा त्योहार, तिसरी पैहल जे फसह रे त्योहारा ते हुआं इ, नेड़े आईगरा था।

यूहन्ना 12:1

यीशु फसह रे त्योहारा ते छे दिन पैहले बैतनिय्याह च आया तित्थी जे लाजर था, तिस्सो जे यीशुये मूईरयां चते जिऊंदा कित्या था।

यूहन्ना 13:1

फसह रे त्योहारा ते पैहले, यीशुये जाणील्या भई, सै बगत नेड़े आ ताहली जे तिस इस संसारा जो छड्डिने पिता परमेशरा लौ चली जाणा। तिने संसारा च सै जे तिसरे अपणे लोक थे कने सै जे तिसने प्यार कराँ थे, तिन्हांने बौहत सारा प्यार जताया।

यूहन्ना 18:28

फेरी सै सवेरे रे बगत यीशुये जो कैफा रे घरा ते रोम रे राजपाल पिलातुस ले मैहला जो लईगे, पर यहूदी लोकां चते कोई बी राजपाला रे मैहला च जान्दा, तां सै अपवित्र हुई जान्दा कने तिस्सो फसह री रोटी खाणे री अनुमति नीं मिलदी।

यूहन्ना 2:13

यहूदियां रा फसह रा त्योहार नजदीक आईरा था, कने यीशु यरूशलेम नगरा जो गया।

यूहन्ना 2:6

यहूदी रितिया रे मुताबक ऊथी पाणी भरने रे पत्थरा रे छे मटके रखीरे थे, सै मटके तियां इ थे जियां जे यहूदी शुद्धी करने खातर कम्मां च इस्तेमाल कराँ थे। हर मटके च कोई अस्सी ते इक सौ बीह लीटर तक पाणी औआं था।

यूहन्ना 5:1

इन्हां गल्लां ते बाद यहूदियां रा इक त्योहार हुया, कने यीशु यरूशलेम नगरा जो गया।

यूहन्ना 6:4

यहूदियां रा फसह रा त्योहार नजदीक आईरा था।

प्रेरितां 21:24

तिन्हांजो सौगी नेईने अप्पूँजो पवित्र हुणे री विधि पूरा कर; कने तिन्हांजो खर्चा दे भई सै सिर मुंडवाओ। तां सब्बीं जो पता लगी जाणा भई सै जे गल्लां तिन्हें तेरे बारे च सुणी रियां, तिन्हां च किछ बी सच्चाई नीं, पर तू अप्पूँ इ व्यवस्था जो मन्नीने तिसारे मुतावक चलां।

प्रेरितां 21:26

तां दुज्जे दिन पौलुस तिन्हां माहणुआं सौगी जाईने, अप्पूँजो पवित्र कित्या तां फेरी सै ये दसणे खातर मन्दरा च गया, भई पवित्र हुणे रे दिन कदीं पूरे होणे कने कदीं तिन्हां चते हरेक खातर चढ़ावा चढ़ाया जाये।

प्रेरितां 24:18

तिस इ वगत तिन्हें मिन्जो मन्दरा च, पवित्र होणे रे रीति रिवाजा जो पूरा करदे हुये देख्या तिसा जगह नांत कोई भीड़ थी नांई कोई शोर था। पर तित्थी आसिया प्रदेशा रे किछ यहूदी थे, तिन्हे जे दंगा कित्या था,

1 कुरिन्थियों 11:28

इस खातर माहणु अप्पूँजो परखी लौ कने इसा रितिया ते इसा रोटिया चते खाओ, कने इस कटोरे चते पीओ।

याकूब 4:8

परमेशरा रे नेड़े औआ, तां तिस बी तुहांरे नेड़े औणा। अरे पापियो! अपणयां पापां जो अपणे जीवना ते दूर करा, कने दोगले माहणुओ, अपणे मना जो पवित्र करा।