यूहन्ना 11:54 - बिलासपुरी नौआं नियम

⁵⁴ फेरी यीशुये तिस बगता ते यहूदियां रे सामणे खुल्लेआम औणा जाणा बन्द करित्या, फेरी सै सुनसान इलाके च एप्रैम गाँवां जो चलिग्या; कने अपणयां चेलयां सौगी तित्थी रैहणे लगया।

यूहन्ना 11:54 ပူးပေါင်းရင်းမြစ်များ

यूहन्ना 10:40

फेरी यीशु यरदन नदिया पार चलिग्या, तिसा जगह जे यूहन्ना पैहले बपतिस्मा देआं था, कने तित्थी रैया।

यूहन्ना 18:20

यीशुये जबाब दित्या, “मैं सदा लोकां च रईने सारयां ने खुल्लेआम गल्ल-बात किति; मैं यहूदी सभा घराँ कने मन्दरा च तित्थी जे सारे लोक कट्ठे हुआं ये, सदा उपदेश दित्या। मैं कदीं बी लुखी-छिपिने किछ नीं गलाया।

यूहन्ना 7:1

इन्हां गल्लां ते बाद यीशु गलील प्रदेशा च घुमदा रैया; काँह्भई यहूदी अगुवे तिस्सो मारने रा जतन करीराँ थे, इस खातर सै यहूदिया प्रदेशा च घुमणा नीं चाहन्दा था।

यूहन्ना 7:10

पर ताहली जे तिसरे भाई त्योहारा च चलिये तां सै अप्पूँ बी गया, पर सै सामणे नीं, छुपीने गया था।

यूहन्ना 7:13

तां बी यहूदी अगुवेयां रे डरा रे मारे कोई बी माहणु तिसरे बारे च खुल्ही ने नीं बोल्ली पां था।

यूहन्ना 7:4

काँह्भई येढ़ा कोई नीं हूणा सै जे मशहूर हूणा चाओ, कने लुक्खीने काम्म करो। जे तू चमत्कारा रे काम्म कराँ, तां अप्पूँजो सारे संसारा रे सामणे परगट कर।”