यूहन्ना 11:52 - बिलासपुरी नौआं नियम

⁵² कने नां सिर्फ तिन्हांरे खातर, पर इस खातर बी भई तिस परमेशरा रे होरीं बच्चयां खातर बी मरना, सै जे धरतिया पर बिखरीरे ताकि सै इक हुईजो।

यूहन्ना 11:52 ပူးပေါင်းရင်းမြစ်များ

लूका 15:8

फेरी यीशुये इक होर उदाहरण देईने बोल्या, “मन्नया भई किसी जनाना ले दस चान्दिया रे सिक्के ओ, कने तिन्हां चते जे इक गवाच्छी जाओ, तां क्या तिसा दिऊआ बाल़ीने कने सूण देई-देईने, तदुआं तक तिस सिक्के जो अपणे घरा रिया हर इक कुणियां च नीं टोल़दिया रैहणा तदुआं तक जे सै तिसाजो मिली नीं जाओ?

लूका 2:32

भई सै अन्यजातियां रे लोकां पर परमेशरा रिया सच्चाईया जो परगट करने औल़ी ज्योति आ, कने तेरे अपणयां लोकां इस्राएल रे खातर तिस आदर लेईने औणा!”

यूहन्ना 1:12

पर जितणयां जे तिस्सो ग्रहण कित्या, तिने तिन्हांजो परमेशरा री सन्तान हुणे रा अधिकार दित्या, यनिके तिन्हांजो सै जे तिस पर विश्वास रखां ये।

यूहन्ना 1:29

दुज्जे दिन यूहन्ने यीशुये जो अपणी तरफ औन्दे देखीने गलाया, “देक्खा, ये परमेशरा रा मेमना सै जे संसारा रा पाप अपणे ऊपर लेई जां।

यूहन्ना 10:16

मेरियां होर बी भेड्डां इयां, सै जे इसा भेडशाला री नीं। मिन्जो सै बी लौणे जरूरी आ। सै मेरी अवाज़ पैहचाण गियां, फेरी सब्बीं रा इक इ झुण्ड कने इक इ गवाल़ा हूणा।

यूहन्ना 12:32

कने ताहली जे हऊँ धरतिया परा ते थोड़ा ऊपर चढ़ाया जाणा, तां मांह सब्बीं लोकां री अगुवाई करनी।”

प्रेरितां 18:10

काँह्भई हऊँ तेरे सौगी आ, कने कोई तेरे परा चढ़ाई करीने तेरा नुक्शान नीं करी सकदा; काँह्भई इस नगरा च बौहत सारे लोक ये तिन्हांजे माह पर विश्वास करना।”

रोमियो 3:29

क्या परमेशर सिर्फ यहूदियां राई परमेशर हाया? क्या सै अन्यजातियां रा परमेशर निआं? हाँ, परमेशर तिन्हांरा बी आ।

रोमियो 4:17

तियां जे पवित्रशास्त्र बोलां, भई “अब्राहम कई जातियां रा पूर्वज हूणा।” ये वायदा अब्राहमा ने इस खातर कित्या गया था, काँह्भई तिसरा विश्वास परमेशरा पर था, सै जे मूईरयां जो जिन्दगी देआं कने नई चीजां री सृष्टि कराँ।

इफिसियां 1:5

काँह्भई परमेशरे अहांने प्यार कित्या इसा बजह ने तिने अहांजो यीशु मसीह रे जरिये अपणा पुत्र हुणे रा दर्जा देईने नियुक्त कित्या, येई तिसरी इच्छा कने तिसरी खुशी थी।

इफिसियां 3:11

ये तिस सनातन इच्छा रे मुतावक हुया सै जे तिने अहांरे प्रभु यीशु मसीह च पूरी कित्तिरी।

याकूब 1:1

हऊँ याकूब, परमेशर कने प्रभु यीशु मसीह रा दास आ। हऊँ ये चिट्ठी यहूदी मसीह विश्वासियां रे बारा गोत्राँ जो लिखिराँ सै जे सारे संसारा च खिण्डीरे।

1 पतरस 1:1

हऊँ पतरस, यीशु मसीह रा प्रेरित ये चिट्ठी परमेशरा रे तिन्हां चुणी रे लोकां खातर लिख्या राँ सै जे पुन्तुस, गलातिया, कप्पदूकिया, आसिया कने बितूनिया रे प्रदेशां च खिण्डीने प्रदेशियां साई रैई कराँ ए।

1 यूहन्ना 2:2

कने सैई अहांरे पापां रे प्रायश्चिता खातर इक बलिदान बणया, कने न सिर्फ अहांरे पापां रा बल्कि सारे संसारा रे पापां रा बी।

1 यूहन्ना 3:1

बचार करीने देक्खा, भई परमेशर पिता अहांने केढ़ा प्यार कित्या, भई अहें परमेशरा रे बच्चे बणी सक्को, कने सै सच्चमुच अहें हाये बी ये, इसा वजह ने संसारा रे लोक अहांजो नीं जाणदे, काँह्भई तिन्हें परमेशर पिता जो बी नीं जाणया।

1 यूहन्ना 3:10

इसते अहें जाणाँ ये भई कुण परमेशरा री सन्तान इ कने कुण शैतान्ना री सन्तान इ; सै माहणु जे धर्मा रे काम्म नीं करदा सै परमेशरा रा निआं, कने नांई सै अपणे साथी विश्वासिये ने कोई प्यार रखदा।

1 यूहन्ना 3:2

मेरे प्यारे मित्रो, हुण अहें परमेशरा री सन्तान ये कने हल्तियां तक ये प्रगट रुपा च नीं आईरा भई भविष्य च अहें क्या हुणे! जो बी हो, अहें ये जाणाँ ये भई ताहली जे मसीहे प्रगट हूणा, तां अहां बी तिसरे बराबर हूणा, काँह्भई अहां तिसजो तियां इ देखणा, तेढ़ा जे सै हाया।

प्रकाशितवाक्य 5:9

कने सै ये नया गीत गाणे लगे भई, “तू इसा कताबा जो लेणे, कने इस रियां सीलां खोलणे लायक आ; काँह्भई तैं बध हुईने अपणे खून्ना ने हरेक कुल़, भाषा, लोक कने जातियां चते परमेशरा खातर लोकां जो खरीदी लरा,