यूहन्ना 11:43 - बिलासपुरी नौआं नियम

⁴³ ये बोलणे ते बाद तिने ऊच्ची अवाज़ च हाक पाई, “लाजर, बाहर निकल़ी औ!”

यूहन्ना 11:43 ပူးပေါင်းရင်းမြစ်များ

मरकुस 4:41

सै बौहत डरीगे कने अप्पूँ चियें गलाये, “ये कुण आ तिसरा हुक्म जे नां सिर्फ बुरीआत्मा, पर तूफान कने छालियां बी मन्नां ये?”

यूहन्ना 11:42

हऊँ जाणा भई तू सदा मेरी सुणा, पर सै जे भीड़ चऊँ पासयां खढ़िरी थी, ये तिन्हां रिया वजह ते मैं तिन्हांरे खातर ऊच्चिया अवाजा च बोल्या, तिसते जे सै ये विश्वास करी सक्को भई तैं मिन्जो भेज्जिरा।”

यूहन्ना 11:44

सै जे मरीगरा था सै कफणा ते हाथ पैर बन्धोई रेई बाहर निकल़ी आया, कने तिसरा मुँह पर्ने कने लिपटीरा था। यीशुये लोकां ने बोल्या, “इस्सो खोली देआ कने जाणे देआ।”

यूहन्ना 12:1

यीशु फसह रे त्योहारा ते छे दिन पैहले बैतनिय्याह च आया तित्थी जे लाजर था, तिस्सो जे यीशुये मूईरयां चते जिऊंदा कित्या था।

यूहन्ना 12:9

यहूदी लोकां री इक बड्डी भीड़ा जो ताहली जे ये पता लगया भई यीशु ऊत्थी बैतनिय्याह च था, तां लोक तिसने मिलणे जो आए। सै न सिर्फ यीशुये जो बल्कि तिस लाजरा जो बी देखणे खातर आए थे, तिस्सो जे यीशुये मूईरयां चते जिऊंदा कित्या था।

प्रेरितां 3:12

येढ़ा देखीने पतरसे लोकां जो गलाया, “इस्राएली लोको, तुहें इस माहणुये पर हैरान काँह हुये रायें? कने अहां खौ इयां काँह देख्या रायें। क्या तुहें येढ़ा सोच्चया राँये भई अहें इ अपणिया शक्तिया या भगतिया ते इस्सो चलने-फिरने लायक बणाया?

प्रेरितां 3:6

तां पतरसे गलाया, “चाँदी कने सोना त मेरले निआं, पर जो किछ मेरले आ तिस्सो हऊँ तिज्जो देआं; यीशु मसीह नासरिये रे नौआं ते उट्ठ कने चल फिर।”

प्रेरितां 9:34

पतरसे तिस्सो गलाया, “ओ एनियास! यीशु मसीह तिज्जो ठीक कराँ। उट्ठ, कने अपणे बिस्तरे जो कठेर।” तां सै झटपट उट्ठीने खड़ा हुई गया।

प्रेरितां 9:40

तां पतरसे सब्बीं जो बाहर कड्डी त्या, कने गोडयां टेक्कीने प्राथना किति कने लाशा खौ देखीने गलाया, “हे तबीता, उट्ठ।” तां तिसे अपणिया आक्खीं खोली तियां; कने पतरसा खौ देखीने उट्ठीने बैठिगी।