यूहन्ना 11:40 - बिलासपुरी नौआं नियम

⁴⁰ यीशुये तिसाजो बोल्या, “क्या मैं तेरने नीं बोल्या था भई जे तू विश्वास करगी, तां परमेशरा री महिमा जो देखगी।”

यूहन्ना 11:40 ပူးပေါင်းရင်းမြစ်များ

मत्ती 17:20

यीशुये तिन्हांजो दस्या, “काँह्भई तुहां च विश्वासा री कमी, हऊँ तुहांजो सच्च बोलां, जे तुहां च राईया रे दाणे जितना बी विश्वास हुन्दा, तां तुहें इस पहाड़ा ने बोल्ली सक्कां ये, येत्थीते हटिने ओतखा चली जा, कने तिस चली जाणा; तुहें किछ बी करी सक्कां ये।

मरकुस 9:23

यीशुये तिस्सो गलाया, “ये नीं बोलणा जे तुहें करी सक्कां ये, काँह्भई परमेशरा पर विश्वास करने औल़यां खातर सै सब किछ करी सक्कां।”

यूहन्ना 1:14

कने वचन शरीरा रा रुप लेईने आया; तिने अनुग्रह कने सच्चाईया ने भरी ने अहांरे बिच बास कित्या, कने अहें तिसरी येढ़ि महिमा देक्खी, तेढ़ी जे पिता रे इकलौते पुत्रा री महिमा हुआं इ।

यूहन्ना 11:4

यीशुये ताहली जे ये सुणया तां सै बोलां, “इसा बमारिया री वजह मौत नीं; पर ये बमारी परमेशरा री महिमा परगट करने खातर इ भई इसते परमेशरा रे पुत्रा जो महिमा मिलो।”

यूहन्ना 12:41

यशायाह ये गल्लां इस खातर बोलियां भई तिने खुद यीशुये री महिमा देक्खी, कने तिने तिसरे बारे च गल्लां बी कित्ती यां।

यूहन्ना 9:3

यीशुये जबाब दित्या, “न त इने पाप कित्तिरा था, न इसरे मौ-बुढ़यां; पर ये इस खातर अन्हा जम्मया भई परमेशरा रे काम्म इसच परगट हो।

रोमियो 6:4

ताहली जे अहें बपतिस्मा लेआ था, तां अहें मसीह ने सौगी मारे गये थे कने गड्डे गये थे ताकि अहें इक नई जिन्दगी जी सक्को, तियां जे मसीह पिता परमेशरा रिया महिमा रे जरिये मूईरयां चते जिऊंदा हुया था।

2 कुरिन्थियों 3:18

पर ताहली जे अहें सब अपणे खुल्हे चेहरे ने प्रभुये री महिमा रा ध्यान कराँ ये, तां परमेशर अहौं हौल़यां-हौल़यां अपणे स्वरूपा च बधदी हुई महिमा सौगी बदल़ां, ये महिमा प्रभु तेई मिलां इ, सै जे पवित्र आत्मा।

2 कुरिन्थियों 4:6

काँह्भई पवित्रशास्त्र बोलां, “परमेशरे जोतिया जो अन्धकारा च चमकणे रा हुक्म दित्या।” हुण परमेशर अहांरे दिलां च चमकीरा, ताकि परमेशरा री महिमा यीशु मसीह च दिखीरी, ये अहें तुहौं दस्सी सक्को।