यूहन्ना 11:33 - बिलासपुरी नौआं नियम

³³ यीशुये ताहली जे मरियमा जो कने तिसा सौगी आईरे यहूदी लोकां जो रोंदे कने बिलखदे देख्या, तां तिसरी आत्मा तड़फी गी। सै बौहत परेशान था,

यूहन्ना 11:33 ပူးပေါင်းရင်းမြစ်များ

मरकुस 3:5

यीशुये तिन्हांरे अड़ियल स्वाभावा ते उदास हुईने बड़े गुस्से ने तिन्हांरी तरफ देख्या, कने तिस माहणुये जो गलाया, “अपणा हात्थ मेरी तरफ कर।” तियां जे तिने हात्थ अग्गे कित्या, सै ठीक हुईग्या।

मरकुस 9:19

ये सुणीने यीशुये तिन्हांजो जवाब देईने गलाया, “इस जुगा रे अविश्वासी लोको, हऊँ कितणे वगता तक तुहां सौगी रैहन्गा? कने कदुआं तक तुहांरी सैहन्गा? तिस मुण्डुये जो मेरले ल्यावा।”

यूहन्ना 11:19

इस खातर भाईये रिया मौती पर मार्था कने मरियमा जो शान्ति देणे खातर यहूदा प्रदेशा ते बौहत सारे लोक आईरे थे।

यूहन्ना 11:31

फेरी यहूदी लोक सै जे मरियमा सौगी घरें थे कने तिसाजो शान्ति देया राँ थे, तिन्हें देख्या भई मरियम छोड़चा ने उट्ठीकने बाहर चलीगी, इस खातर सै तिसारे पिच्छे-पिच्छे ये सोच्चीने गये भई सै रोणे जो कब्रा पर जाया राँई।

यूहन्ना 11:34

कने बोल्या, “तुहें तिस्सो किति दफनाईरा?” तिन्हें तिस्सो बोल्या, “हे प्रभु, औआ कने देक्खा।”

यूहन्ना 11:35

यीशुये रिया आक्खीं ते परौल़े निकल़णे लगे।

यूहन्ना 11:38

फेरी यीशु अपणे मना च इक बार भीं बौहत जादा परेशान हुया कने कब्रा पर आया। ये कब्र इक गुफा साई थी कने गुफा रा दरवाजा इक्की पत्थरा ने ढक्कीरा था।

यूहन्ना 12:27

“हुण मेरा जी घबराया राँ। इस खातर हुण हऊँ क्या बोलूं? ‘हे पिता, मिन्जो इस दुखा रिया घड़िया ते बचा?’ काँह्भई हऊँ इस इ वजह ते इस संसारा च आया ताकि दुख सहूँ।

यूहन्ना 13:21

ताहली जे यीशु ये बोल्ली चुक्कया, फेरी तिसरा मन व्याकुल हुईग्या कने येढ़ा बोलदे हुए अपणे चेलयां जो दस्या, “हऊँ तुहांजो सच-सच बोलां भई तुहां चते इ इक्की मिन्जो धोखा देईने पकड़वाणा।”

रोमियो 12:15

खुश रैहणे औल़यां ने खुश रौआ, कने रोणे औल़यां ने रोआ।

इब्रानियों 4:15

काँह्भई यीशु मसीह सै जे अहांरा महायाजक आ सै अहां री हरेक कमजोरिया जो समझां; काँह्भई सै सब्बीं गल्लां च अहां साई शैतान्ना रे जरिये परखया गया, पर तिने कोई पाप नीं कित्या।