यूहन्ना 11:32 - बिलासपुरी नौआं नियम

³² ताहली जे मरियम तित्थी पुज्जी तित्थी जे यीशु था, तां यीशुये जो देखीने तिसरे पैरा पर पईगी कने बोल्या, “हे प्रभु जे तू येत्थी हुंदा तां मेरा भाई मरदा नीं।”

यूहन्ना 11:32 ပူးပေါင်းရင်းမြစ်များ

लूका 17:16

सै मुँआं रे भार यीशुये रे पैराँ पर पैईने तिसरा धन्यवाद करने लगया; कने सै इक सामरी माहणु था।

लूका 5:8

येढ़ा देखीने ताहली शमौन पतरस प्रभु यीशुये रे पैराँ च पैईया कने गलाया, “प्रभु जी, मेरे लाते चली जावा, काँह्भई हऊँ इक पापी माहणु आ कने तुहांरे सामणे रैहणे लायक निआं।”

लूका 8:41

इतणे च याईर नौआं रा इक माहणु आया, सै जे यहूदी सभा घरा रा मुखिया था, सै आया कने आईने यीशुये रे पैराँ पैईया, कने तिन्हाते विनती करने लगया भई मेरे घरा जो चल,

यूहन्ना 11:2

ये सैई मरियम थी तिसे जे प्रभुये पर इत्र मल़या था कने अपणे सिरा रे बाल़ां ने प्रभुये रे पैर साफ कित्ते थे। ये बमार लाजर इसारा भाई था।

यूहन्ना 11:21

मार्थे यीशुये जो बोल्या, “हे प्रभु, जे तू येत्थी हुंदा तां मेरा भाई नीं मरदा।

यूहन्ना 11:37

पर तिन्हां चते कईयें बोल्या, “क्या ये सै माहणु आ तिने जे अन्हेयां रियां आक्खीं ठीक कित्तियां थी, क्या ये लाजरा जो बी मरने ते नीं बचाई सकदा?”

यूहन्ना 4:49

राजे रे नोकरे तिसने गलाया, “प्रभु जी, इसते पैहले भई मेरा मुण्डु मरी जाओ, तुहें मेरे सौगी चला।”

प्रकाशितवाक्य 22:8

हऊँ सैई यूहन्ना, तिने जे ये गल्लां सुणी कने देक्खी। कने ताहली जे मैं सुणया कने देख्या, तां सै जे स्वर्गदूत मिन्जो ये गल्लां दिखां था, हऊँ तिसरे पैरा पर अराधना करने खातर मुँआं रे भार पैईग्या।

प्रकाशितवाक्य 5:14

फेरी चऊँ जिऊंदे प्राणियें आमीन बोल्या, कने प्राचीनें धरतिया पर मुँआं रे भार पैईने अराधना कित्ती।

प्रकाशितवाक्य 5:8

ताहली जे तिने कताब लेई ली, तां सै चारों प्राणी कने चौबी प्राचीनें तिस मेमने रे सामणे धरतिया पर मुँआ रे भार पैईने प्रणाम कित्या। तिन्हां चते हरेक रे हत्था च वीणा कने धूपा ने भरीरे सोने रे कटोरे थे, ये परमेशरा रे लोकां रियां प्राथनां इयां।