यूहन्ना 11:26 - बिलासपुरी नौआं नियम

²⁶ कने सै जे कोई मांह च जीआं कने मांह पर विश्वास कराँ, तिस कदीं नीं मरना। मार्था क्या तू इसा गल्ला पर विश्वास कराँ इ?”

यूहन्ना 11:26 ပူးပေါင်းရင်းမြစ်များ

मत्ती 26:53

क्या तुहें नीं सोचदे भई हऊँ अपणे पिता ने बिनती करी सक्कां कने तिन्हां इकदम स्वर्गदूतां री बारा पलटणां ते बी जादा सेना मेरले हुण भेजी देणी?

मत्ती 9:28

सै ताहली जे घरा रे अन्दर पुज्या, तां सै अन्हे तिसले आये, फेरी यीशुये तिन्हांते पुच्छया, “क्या तुहांजो विश्वास आ भई हऊँ तुहांजो ठीक करी सक्कां?” तिन्हें जबाब दित्या, “हाँ, प्रभु, अहें विश्वास कराँ ये भई तू अहांजो ठीक करी सक्कां।”

मरकुस 9:23

यीशुये तिस्सो गलाया, “ये नीं बोलणा जे तुहें करी सक्कां ये, काँह्भई परमेशरा पर विश्वास करने औल़यां खातर सै सब किछ करी सक्कां।”

यूहन्ना 10:28

कने माह तिन्हाजो अनन्त जीवन देणा। कने सै कदीं बी नाश नीं हूणा, कने कोई बी तिन्हांजो मेरेते खोई नीं सकदा।

यूहन्ना 14:10

क्या तुहांजो ये विश्वास निआं भई हऊँ पिता ने सौगी आ कने पिता मेरे सौगी आ? सै जे बचन हऊँ तुहांजो बोलां सै हऊँ अपणे खा ते नीं बोलदा; पर पिता सै जे मेरे सौगी आ हर बगत अपणा काम्म करदा रैयां।

यूहन्ना 4:14

पर सै जे कोई तिस पाणिये जो पींगे, सै जे माह तिस्सो देणा, तिस फेरी कदीं प्यासे नीं रैहणां; बल्कि सै पाणी जे हऊँ तिस्सो देंगा, सै तिसच इक पाणिये रा सोता बणी जाणा सै जे तिस्सो अनन्त जीवन देंगा।”

यूहन्ना 5:24

हऊँ तुहांजो सच्च बोलां, सै जे मेरा बचन सुणीने मेरे भेजणे औल़े पर विश्वास कराँ, सै अनन्त काल रा जीवन पां; कने तिस पर सजा रा हुक्म नीं हुन्दा, पर सै अनन्त काल रिया मौती ते बचीने पैहले तेई नईया जिन्दगिया च दाखल हुई चुक्कीरा।

यूहन्ना 6:47

हऊँ तुहांजो सच्च बोलां भई सै जे विश्वास कराँ अनन्त जीवन तिसरा इ हाया।

यूहन्ना 9:35

यीशुये सुणया भई तिन्हे तिस्सो धक्का देईने बाहर कड्डित्या, कने ताहली जे तिसने मुलाकात हुई तां गलाया, “क्या तू परमेशरा रे पुत्रा पर विश्वास कराँ?”

रोमियो 8:13

काँह्भई जे तुहें अपणे पापी स्वभावा रे मुतावक जींगे तां मरगे, पर जे तुहें पवित्र आत्मा रे मुतावक अपणे पापी स्वभावा रे कम्मां जो मारगे तां तुहां जिऊंदा रैहणा।