यूहन्ना 11:25 - बिलासपुरी नौआं नियम

²⁵ यीशुये तिसाने बोल्या, “हऊँ सै आ सै जे मूईरयां लोकां जो न्याय रे दिन जीवना च वापस लैई औवां; सै जे माह पर विश्वास कराँ, भले इ सै मरी जो, तिस जिऊंदा रैहणा,

यूहन्ना 11:25 ပူးပေါင်းရင်းမြစ်များ

लूका 23:43

यीशुये तिसने गलाया, “हऊँ चाँह भई तू जाणी लो, आज्ज तू मेरे सौगी स्वर्ग लोका च हूणा।”

यूहन्ना 1:4

ये सैई वचन आ तिने जे हरेक प्राणिये जो जीवन दित्या कने सै अहां पर परमेशरा रिया सच्चाईया जो तियां प्रगट कराँ जियां जे ज्योति अन्धकारा रियां चिज़ां जो प्रगट कराँ इ।

यूहन्ना 14:19

थोड़े बगता ते बाद, संसारा मिन्जो नीं देखणा, पर तुहां मिन्जो देखणा, तुहां जिऊंदेयां रैहणा काँह्भई हऊँ बी जिऊंदा।

यूहन्ना 14:6

यीशुये तिसजो गलाया, “हऊँ इ हाया सै जे लोकां जो अपणे पिता ले लेई जां, हऊँ तिन्हांजो तिसरे बारे च सच्चाई दस्सां, कने हऊँ इ तिन्हांजो अनन्त जीवन देआं, कोई बी मेरे बगैर पिता लौ नीं जाई सकदा।

यूहन्ना 3:16

“काँह्भई परमेशरे संसारा रे लोकां ने इतणा प्यार कित्या भई तिने अपणे इकलौते पुत्रा जो तिन्हांरे खातर बलिदान करित्या, ताकि हर इक माहणु सै जे तिस पर विश्वास करो, सै नाश नीं हो, पर अनन्त जीवन पाओ।

यूहन्ना 3:36

इस खातर सै जे कोई परमेशरा रे पुत्रा पर विश्वास करां, तिसजो इ अनन्त जीवन मिलणा; पर सै माहणु जे परमेशरा रे पुत्रा री गल्ल नीं मनदा, तिस्सो अनन्त जीवन नीं मिलणा, पर परमेशरा तिसजो अनन्त काल री सजा देणी।”

यूहन्ना 5:21

काँह्भई तियां जे पिता मूईरयां जो ठवाल़ीने तिन्हांजो नौंईं जिन्दगी देआं, तियां इ पुत्र बी तिन्हौं जे चाँह तिन्हौं जिन्दगी देआं।

यूहन्ना 5:26

काँह्भई जिसा रितिया ने पिता परमेशर अप्पूँ च जीवन रखां, तियां इ तिने पुत्रा जो बी ये अधिकार दित्या भई अप्पूँ च जीवन रक्खूँ;

यूहन्ना 6:35

यीशुये तिन्हांने गलाया, “जीवना री रोटी हऊँ इ : सै जे मेरले औंगा तिस कदीं भूखे नीं रैहणा कने सै जे माह पर विश्वास करगा, तिस कदीं प्यासे नीं हूणा।

यूहन्ना 6:44

तिने पिते जे हऊँ भेज्जिरा, बिणा तिसरिया मर्जिया ते मेरले कोई नीं आई सकदा, तदुआं तक जे पिता, तिसरे दिला च, मेरले औणे री इच्छा पैदा करीने तिस्सो खिंजी नीं लो; कने माह न्याय रे दिन सै मूईरयां चते दोबारा जिऊंदा करीने ठवाल़णे।

प्रेरितां 3:15

कने तुहें अनन्त जीवन देणे औल़े जो मारीत्या, तिस्सो जे परमेशरे मूईरेयां चते ज्यूंदा कित्या, कने अहें इसा गल्ला रे गवाह थे।

रोमियो 4:17

तियां जे पवित्रशास्त्र बोलां, भई “अब्राहम कई जातियां रा पूर्वज हूणा।” ये वायदा अब्राहमा ने इस खातर कित्या गया था, काँह्भई तिसरा विश्वास परमेशरा पर था, सै जे मूईरयां जो जिन्दगी देआं कने नई चीजां री सृष्टि कराँ।

रोमियो 8:2

काँह्भई पवित्र आत्मे अहांजो जीवन देआं सै जे यीशु मसीह ते औआं कने मिन्जो पाप कने मौती ते अजाद करी देआं।

1 कुरिन्थियों 15:18

फेरी सै विश्वासी जे मसीह च मरी चुक्कीरे, सै बी नाश हुये।

1 कुरिन्थियों 15:29

हुण जे मुड़दयां रा भीं ते जिऊंदा हूणा हाया इ निआं, तां सै लोक जे मूईरयां खातर बपतिस्मा लैं, सै क्या करगे? जे मूईरे लोक जिऊंदा नीं हुये तां फेरी लोक कजो तिन्हांरे खातर बपतिस्मा लैं?

2 कुरिन्थियों 4:14

काँह्भई अहें जाणाँ ये भई तिने जे प्रभु यीशुये जो मूईरयां चते जिऊंदा कित्या, परमेशरा अहांजो बी यीशुये सौगी रैहणे खातर जिऊंदा करना कने तुहां सौगी अपणे सामणे खड़ा करना।

फिलिप्पियां 1:23

काँह्भई मिन्जो दुईं रे बिच चुनाव करने च कठिनाई हुई राँई। हऊँ मरना चाँह ताकि स्वर्गा च हऊँ मसीह ने सौगी रैई सक्कूँ, काँह्भई ये बौहत इ अच्छा हूणा।

फिलिप्पियां 3:10

हऊँ मसीह जो जाणना चाँह कने तिसा सामर्था जो महसूस करना चाँह तिसे जे मसीह जो मूईरयां चते जिऊंदा कित्या। तिने सै जे दुख सैया हऊँ बी तेढ़ा इ दुख सैईने तिसरा सहभागी हूणा चाँह, कने तियां जे सै मरया तियां इ हऊँ बी मरना चाँह।

1 थिस्सलुनीकियां 4:14

काँह्भई जे अहें विश्वास कराँ ये भई यीशु मरया कने जी बी उट्ठया, तां तियां इ परमेशर तिन्हौं बी सै जे यीशुये च मरी चुक्कीरे, यीशुये सौगी स्वर्गा च नेणे।

प्रकाशितवाक्य 1:18

हऊँ जिन्दगिया रा सोता; हऊँ मरी चुक्कीरा था, पर हुण हऊँ हमेशा खातर जीवित आ। मौत कने अधोलोका रियां चाबियाँ मेरले इयां।

प्रकाशितवाक्य 20:5

तदुआं तक जे ये हज़ार साल पूरे नीं हुये तदुआं तका बाकी मरीरे नीं जिऊंदा हुये। ये पैहले लोक थे सै जे मूईरयां चते जिऊंदा हुईरे।

प्रकाशितवाक्य 21:4

कने तिस तिन्हांरियां आक्खीं ते सारे आंसु पुंजी देणे; इसते बाद मौत नीं रैहणी, कने नां दुख, नां वलाप, नां पीड़ा रैहणी; काँह्भई पुराणियां गल्लां बीती गियां।”

प्रकाशितवाक्य 22:1

फेरी स्वर्गदूते मिन्जो बिल्लौर साई साफ जीवना रे पाणिये री इक नदी दस्सी, सै जे परमेशर कने मेमने रे संघासणा ते निकल़ीने,

प्रकाशितवाक्य 22:17

कने परमेशरा रा आत्मा कने दुल्हन दोन्नो बोलां ये, “औ!” कने सुणने औल़ा बी बोल्लो, “औ!” कने सै जे प्यासा हो, सै आओ कने सै जे कोई चाओ, सै जीवना रा पाणी मुफ्ता च लेओ।