यूहन्ना 10:28 - बिलासपुरी नौआं नियम

²⁸ कने माह तिन्हाजो अनन्त जीवन देणा। कने सै कदीं बी नाश नीं हूणा, कने कोई बी तिन्हांजो मेरेते खोई नीं सकदा।

यूहन्ना 10:28 ပူးပေါင်းရင်းမြစ်များ

मरकुस 13:22

काँह्भई झूट्ठे मसीह झूट्ठे भविष्यवक्ता औणे, कने नशाण कने हैरानिया रे काम्म दस्से जाणे भई जे हुई सक्को, तां परमेशरा रे चुणी रयां जो बी भरमाई दो।

लूका 23:46

फेरी यीशुये जोरा ने गलाया, “हे पिता, हऊँ अपणिया आत्मा जो तेरे हत्था च देआं!” इतणा बोलीने तिन्हे अपणे प्राण छड्डीते।

यूहन्ना 10:29

तिन्हौं जे मेरे पिते, मिन्जो दित्तिरा, सै सबनीं ते खास ये कने कोई तिन्हाजो पिता रे हत्था ते गवाई नीं सकदा।

यूहन्ना 11:25

यीशुये तिसाने बोल्या, “हऊँ सै आ सै जे मूईरयां लोकां जो न्याय रे दिन जीवना च वापस लैई औवां; सै जे माह पर विश्वास कराँ, भले इ सै मरी जो, तिस जिऊंदा रैहणा,

यूहन्ना 14:19

थोड़े बगता ते बाद, संसारा मिन्जो नीं देखणा, पर तुहां मिन्जो देखणा, तुहां जिऊंदेयां रैहणा काँह्भई हऊँ बी जिऊंदा।

यूहन्ना 17:2

तैं मिन्जो सारयां लोकां पर अधिकार दित्तिरा, भई हऊँ तिन्हां सब्बीं जो अनन्त जीवन देऊं।

यूहन्ना 18:9

ये इस इ खातर हुया, भई तिसरी पैहले री गलाई रियां गल्लां पूरी हुई सक्को, तियां जे तिने बोल्या था, “मैं तिन्हां चते, सै जे तैं मिन्जो दित्तिरे थे, किसी जो बी नीं गवाया।”

यूहन्ना 3:36

इस खातर सै जे कोई परमेशरा रे पुत्रा पर विश्वास करां, तिसजो इ अनन्त जीवन मिलणा; पर सै माहणु जे परमेशरा रे पुत्रा री गल्ल नीं मनदा, तिस्सो अनन्त जीवन नीं मिलणा, पर परमेशरा तिसजो अनन्त काल री सजा देणी।”

यूहन्ना 4:14

पर सै जे कोई तिस पाणिये जो पींगे, सै जे माह तिस्सो देणा, तिस फेरी कदीं प्यासे नीं रैहणां; बल्कि सै पाणी जे हऊँ तिस्सो देंगा, सै तिसच इक पाणिये रा सोता बणी जाणा सै जे तिस्सो अनन्त जीवन देंगा।”

यूहन्ना 5:24

हऊँ तुहांजो सच्च बोलां, सै जे मेरा बचन सुणीने मेरे भेजणे औल़े पर विश्वास कराँ, सै अनन्त काल रा जीवन पां; कने तिस पर सजा रा हुक्म नीं हुन्दा, पर सै अनन्त काल रिया मौती ते बचीने पैहले तेई नईया जिन्दगिया च दाखल हुई चुक्कीरा।

यूहन्ना 6:27

तिसा रोटिया खातर मेहणत नीं करा सै जे सड़ी जाईं, पर तिसा खातर मेहणत करा सै जे अनन्त जीवन देआं, सै जे माहणुये रे पुत्रा यनि मांह तुहांजो देणी; काँह्भई पिता यनि परमेशरे मिन्जो इ अधिकार दित्तिरा।”

यूहन्ना 6:37

सै किछ जे पिता मिन्जो देआं सै सारा मेरलौ इ औणा, कने तिस जे मेरले औणा तिसजो मांह कदीं नीं त्यागणा।

यूहन्ना 6:47

हऊँ तुहांजो सच्च बोलां भई सै जे विश्वास कराँ अनन्त जीवन तिसरा इ हाया।

यूहन्ना 6:68

शमौन पतरसे तिस्सो जबाब दित्या, “प्रभु जी, अहें किसलौ जाईये? अनन्त जीवन देणे औल़ियां गल्लां त तेरले इ हाया।

प्रेरितां 7:59

सै स्तिफनुसा पर पत्थर मारदे रै, कने सै येढ़ा बोलीने प्राथना करदा रैया, “हे प्रभु यीशु, मेरी आत्मा जो लईले।”

रोमियो 5:17

काँह्भई ताहली जे इक्की माहणुये रे पापा रिया वजह ने सारे लोक मरे, तां हकीकत च सै लोक जे अनुग्रह कने धार्मिकता रे बरदान यीशु मसीह रे जरिये बौहत जादा पायें, सै लोक जिऊंदा रैहणे कने इक माहणु यीशु मसीह रे जरिये राज करगे।

रोमियो 5:2

अहांरे विश्वासा रिया वजह ते मसीहे अहांजो इस अनुग्रह च लन्दया तित्थी जे हुण अहें पुज्जीरे, अहें इसा गल्ला ते खुश हुआं ए भई अहांजो परमेशरा रिया महिमा च भागी हुणे री आशा इ।

रोमियो 5:21

भई तियां जे सारयां लोकें पाप कित्या कने सै सारे मरीगे, तियां इ परमेशरा रा अनुग्रह अहां पर राज कराँ कने परमेशरे अहांजो अहांरे प्रभु यीशु मसीह रिया वजह ते धर्मी बणाया। इसरा मतलब अहांजो अनन्त जीवन मिलणा।

रोमियो 5:9

काँह्भई हुण तां जे अहें तिसरे खून्ना रिया वजह ते धर्मी बणिगे, तां हुण तिसरे जरिये न्याय रे दिन परमेशरा रिया सजा ते जरूर बची जांणे।

रोमियो 6:23

काँह्भई पापा री मजदूरी त मौत इ, पर परमेशरा रा बरदान अहांरे प्रभु मसीह यीशुये च अनन्त जीवन आ।

रोमियो 8:1

इस खातर हुण सै जे मसीह यीशु पर विश्वास कराँ ए, तिन्हां पर सजा रा कोई हुक्म निआं।

रोमियो 8:29

काँह्भई तिन्हांजो जे तिने पैहले ते चुणीरा कने तैह कित्या भई सै तिसरे पुत्रा साई बणी जाओ ताकि तिसरा पुत्र कई भाईयां च पैहला हूणा।

फिलिप्पियां 1:6

मिन्जो इसा गल्ला रा पूरा भरोसा भई परमेशरे तुहां लोकां च इक येढ़ा बधिया काम्म शुरु कित्या, सैई तिस्सो यीशु मसीह रे वापस औणे रे दिना तक पूरा करदे रैंहगे।

2 थिस्सलुनीकियां 2:13

अरे साथी विश्वासियो, कने प्रभुये रे प्यारे लोको, अहांजो तुहांरे खातर लगातार परमेशरा रा धन्यवाद करना चाहिन्दा, काँह्भई परमेशरे तुहांजो शुरु तेई पवित्र आत्मा रे जरिये पापा ते लग करीने कने सच्चाईया च तुहांरे विश्वासा रिया वजह ने छुटकारे खातर चुणीलरा।

1 तिमुथियुस 1:16

पर माह पर इस खातर दया हुई भई मुझ सब ते बड़े पापिये च यीशु मसीह अपणी पूरी सहनशीलता दस्सो, भई सै जे लोक तिस पर अनन्त जीवना खातर विश्वास करगे तिन्हां खातर हऊँ इक आर्दश बणुँ।

2 तिमुथियुस 1:12

कने इसा वजह ने हऊँ इन्हां गल्लां रा दुख सैया राँ, फेरी बी हऊँ शर्मान्दा निआं, काँह्भई तिस पर जे मैं विश्वास कित्तिरा, हऊँ तिस्सो जाणाँ कने मिन्जो ये निश्चा भई तिने मिन्जो जो किछ दित्तिरा, सै तिसरिया रक्षा करने च तिस दिना तक समर्थी आ।

इब्रानियों 7:25

इस खातर सै जे यीशुये रे जरिये परमेशरा ले औयें, सै तिन्हांरा पूरी तरह छुटकारा करी सक्कां, काँह्भई यीशु तिन्हां खातर विनती करने जो हमेशा जीवित आ।

1 पतरस 1:5

परमेशर अपणिया सामर्था रे जरिये तुहांजो सुरक्षित रखां, काँह्भई तुहें मसीह पर विश्वास कराँ ये कने तिस तुहांजो लगातार आखिरी दिना तक सुरक्षित रखी रखणा, फेरी तुहां जाणना भई परमेशरे तुहांरा पूरे तरिके ने पापाँ ते कने मौती ते छुटकारा कित्तिरा।

1 यूहन्ना 1:2

परमेशरे तिस्सो संसारा च भेज्या, कने अहें तिस्सो देक्खीरा, कने तुहांजो तिस अनन्त जीवना रे बारे च दस्या कने घोषणा कित्ती सै जे पिता परमेशरा सौगी था कने हुण अहांरे बिच रैहणे रे खातर आया)।

1 यूहन्ना 2:19

सै मसीह रा बरोध करने औल़े अहांरा साथ छड्डी ने चली गरे, पर सै अहांरे अपणे नीं थे। जे सै अहांरे अपणे हुन्दे, तां अहांने सौगी रैहन्दे। पर सै अहांजो छड्डी गरे ताकि परमेशर अहांजो ये दस्सी सक्को भई तिन्हां चते कोई बी अहांरा निआं।

1 यूहन्ना 2:25

कने तिने अहांजो अनन्त जीवन देणे रा बादा कित्तिरा।

1 यूहन्ना 5:11

कने सै गवाही येई भई परमेशरे अहांजो अपणे पुत्रा रे जरिये अनन्त जीवन दित्या।

यहूदा 1:1

हऊँ यहूदा, यीशु मसीह रा सेवक कने याकूब रा भाई तुहांजो ये चिट्ठी लिख्या राँ, यनि जितने लोक परमेशरा रे जरिये सद्दे गईरे कने तिन्हौं जे अहांरा पिता परमेशर प्रेम कराँ कने यीशु मसीह रे जरिये सुरक्षित ये।

यहूदा 1:21

तुहांजो ये जाणदे हुये लगातार जीणा चाहिन्दा भई परमेशर तुहांजो प्यार कराँ। अहांरा प्रभु यीशु मसीह तुहांजो अनन्त जीवन देणे तक तुहें उम्मीदा सौगी इन्तजार करा। तिस ये करना काँह्भई सै तुहांजो प्यार कराँ।

यहूदा 1:24

परमेशर तुहांजो रुढ़णे ते बचाणे च सक्षम आ, सै तुहांजो निर्दोष कने आनन्द दायक बनाणे च सक्षम आ, ताहली जे सै तुहांजो अपणिया महिमा च तिसरे सामणे खड़ा हुणे खातर ल्यौआं। तिने अहांरे प्रभु यीशु मसीह रे जरिये अहांरा छुटकारा कित्तिरा। महिमा, गौरव, प्राक्रम कने अधिकार वगता रे शुरु ते तिसरा इ हाया कने हुण बी तिसरा इ हाया कने जुगां-जुगां तक तिसरा इ रैहणा। आमीन।