यूहन्ना 10:27 - बिलासपुरी नौआं नियम

²⁷ मेरी भेड्डां मेरी अवाज़ ध्याना ने सुणां इयां; हऊँ तिन्हौं जाणाँ, सै मेरे पिच्छे-पिच्छे चलां इयां;

यूहन्ना 10:27 ပူးပေါင်းရင်းမြစ်များ

मत्ती 16:24

फेरी यीशुये अपणे चेलयां ने बोल्या, “सै जे कोई मेरा चेला बणना चाओ, सै खुद अपणा इन्कार करो कने अपणा क्रूस चक्कीने मेरे पिछे आई जाओ।

मत्ती 17:5

सै हल्तियें गल्ल करयां इ कराँ था भई इक चमकदे हुये बद्दल़े सै ढक्कीले, कने बद्दल़ा चते अकाशवाणी हुई : भई “ये मेरा प्यारा पुत्र आ, तिसते जे हऊँ बड़ा खुश आ: इसरी सुणा।”

मत्ती 25:12

तिने जबाब दित्या, हऊँ तुहांजो सच्च-सच्च बोलां, हऊँ तुहांजो नीं जाणदा।

मत्ती 7:23

फेरी मांह तिन्हांने खुल्लेआम गलाई देणा, भई मैं कदीं नीं स्वीकार कित्या भई तुहें मेरे अपणे : “हे कुकर्म करने औल़यो, मेरे लाते दफा हुई जवा।”

मरकुस 10:21

यीशुये तिस खौ देखीने तिसने प्यार कित्या, कने तिस्सो गलाया, “इक गल्ल इ सै जे तैं हुण तक नीं कित्ती; घरा जो जा, जो किछ तेरा तिस्सो बेच्चीने गरीबां जो बंडी दे तिज्जो स्वर्गा च धन मिलणा, कने आईने मेरा चेला बण।”

मरकुस 8:34

तिने सारयां लोकां जो अपणे चेलयां समेत नेड़े सद्दीने तिन्हांजो गलाया, “सै जे कोई मेरा चेला बणना चाओ, सै खुद अपणा इन्कार करो कने अपणा क्रूस चक्कीने मेरे पिछे आई जाओ।

लूका 13:27

पर तिस बोलणा, हऊँ तुहांजो बोलां, ‘हऊँ तुहांजो नीं जाणदा तुहें किति रे। ओ कुकर्म करने औल़यो, तुहें सब मेरते दूर हुई जावा।’

लूका 9:23

फेरी तिने सारयां लोकां जो गलाया, “सै जे कोई मेरा चेला बणना चाओ, सै खुद अपणा इन्कार करो कने हर रोज दुख सैहणे कने मरने रे खातर बी त्यार रौ, सै मेरा चेला बणो।

यूहन्ना 10:14

अच्छा गवाल़ा हऊँ आ; हऊँ अपणियां भेड्डां जो जाणाँ, कने मेरियां भेड्डां मिन्जो जाणाँ इयां।

यूहन्ना 10:16

मेरियां होर बी भेड्डां इयां, सै जे इसा भेडशाला री नीं। मिन्जो सै बी लौणे जरूरी आ। सै मेरी अवाज़ पैहचाण गियां, फेरी सब्बीं रा इक इ झुण्ड कने इक इ गवाल़ा हूणा।

यूहन्ना 10:8

सै जितने जे मेरते पैहले आईरे थे, सब चोर कने डाकू ये, पर मेरियें भेड्डें तिन्हारी नीं सुणी।

यूहन्ना 12:26

जे कोई मेरी सेवा करना चाओ, तां सै मेरे चेले बणो; कने तित्थी जे हऊँ आ, तित्थी मेरा सेवक बी हूणा। जे कोई मेरी सेवा करो, तां पिता परमेशरा तिसरा आदर करना।

यूहन्ना 21:22

यीशुये तिस्सो गलाया, जे हऊँ चाऊँ भई मेरे औणे तक सै जिऊंदा रौ, तां इसते तिज्जो क्या? पर तू मेरा चेला बण।

यूहन्ना 5:25

“हऊँ तुहांजो सच्च बोलां भई सै बगत औणे औल़ा बल्कि आई चुक्कीरा, तिसच जे आत्मिक तरिके ने मूईरयां लोकां परमेशरा रे पुत्रा रा यनि मेरा बचन सुणना, कने सै जे सुणगे तिन्हां अनन्त जीवन पाणा।

यूहन्ना 8:12

फेरी यीशुये भीं लोकां ने गलाया, “संसारा री जोति हऊँ आ; सै जे मेरे पिच्छे चलगा कदीं अन्धेरे च नीं रैहन्गा, पर तिस सै जोति पाणी सै जे अनन्त जीवन देईं।”

यूहन्ना 8:43

तुहें समझी नीं सकदे भई हऊँ क्या बोलीराँ? येढ़ा इस खातर आ काँह्भई तुहें मेरा सन्देश सुणने जो इन्कार कराँ ये।

प्रेरितां 3:23

पर हरेक माहणु, सै जे तिस भविष्यवक्ता री नीं सुणो, सै लोकां बिच नाश कित्या जाणा।

1 कुरिन्थियों 8:3

पर जे कोई परमेशरा ने प्यार रखां, तां परमेशर तिस माहणुये जो जाणाँ।

गलातियां 4:9

पर हुण परमेशरा सौगी तुहांरा रिश्ता, कने मिन्जो बोलणा चाहिन्दा भई परमेशरे तुहां सौगी रिश्ता बनाणे च पैहल कित्ती, तां तुहें तिन्हां कमजोर कने नकम्मी परम्परा खा जो कजो वापस जाया राँये? क्या तुहें भीं ते तिन्हांरे दास बणने री इच्छा कराँ ये?

2 तिमुथियुस 2:19

फेरी बी परमेशरे सै जे पक्की निऊं बणाईरी, सै मजबूत खढ़ीरी कने तिस पर ये लिखिरा : “प्रभु अपणे लोकां जो जाणाँ,” कने “सै जे कोई बोलां भई सै प्रभुये रा सै बुराईयां ते दूर रौ।”

इब्रानियों 3:7

इस खातर तेढ़ा जे पवित्र आत्मा बोलां, “जे तुहें आज्ज परमेशरा री अवाज़ सुणो,

प्रकाशितवाक्य 14:4

ये सै लोक ये, सै जे कदीं औरतां सौगी अशुद्ध नीं हुये, पर कुवारे रै; ये सैई हाये, भई तित्थी जे कित्ती मेमना जां, सै तिसरे पिच्छे हुई लेआं ये; येत परमेशर कने मेमने रे खातर पैहले फल़ा साई माहणुआं चते खरीदी लरे।

प्रकाशितवाक्य 3:20

देख, हऊँ दरवाजे पर खड़ीने भित ठल़काँ; जे कोई मेरी अवाज़ सुणी ने खोलगा, तां मांह अन्दर आईने तिसने सौगी रोटी खाणी कने तिस मेरे सौगी रोटी खाणी।