यूहन्ना 10:24 - बिलासपुरी नौआं नियम

²⁴ तिस बगत यहूदियें आईने सै घेरील्या कने बोलणे लगे, “तू अहांजो कदुआं तक सोचणे पर मजबूर करदे रैहणा? जे तू मसीह आ, तां अहांने साफ-साफ बोल्ली दे।”

यूहन्ना 10:24 ပူးပေါင်းရင်းမြစ်များ

मत्ती 11:3

कने तिसने बोल्या, “क्या तूई मसीह आ तिसजो जे परमेशरे भेजणे रा वायदा कित्तिरा, या अहें किसी होरी रा इन्तजार करिये?”

मरकुस 8:32

तिने ये गल्ल तिन्हांने साफ-साफ बोल्ली ती। इस पर पतरस तिस्सो कण्डे नेईने डांटणे लगया;

लूका 3:15

सारे लोक उम्मीद करी रां थे भई मसीहे बड़े छोड़ औणा, सै येढ़ा जाणने जो बड़े इच्छुक थे भई क्या यूहन्ना इ सै मसीहा त निआं?

यूहन्ना 1:19

यूहन्ने री गवाही येई, भई ताहली जे यहूदी अगुवेयां यरूशलेम ते याजकां कने लेवियां जो तिसते ये पुछणे खातर भेज्या भई “तू कुण आ?”

यूहन्ना 10:31

फेरी यहूदियें तिसजो मारने खातर दोबारा पत्थर चक्के।

यूहन्ना 10:33

यहूदियें तिस्सो जबाब दित्या, “भलाईया रे कम्मां खातर अहें तिज्जो पत्थर नीं मारया करदे पर परमेशरा री निंध्या करने रिया बजह ने; कने इस खातर भई तू माहणु हुईने अप्पूँजो परमेशर बणाईराँ।”

यूहन्ना 16:25

“ये सब गल्लां मैं तुहांजो कहाणिया रे जरिये दस्सियां : पर सै बगत आयाराँ ताहली जे माह उदाहरणा च तुहांजो किछ मनी गलाणा, पर पिता परमेशरा रे बारे च सारियां गल्लां साफ-साफ दसणियां।

यूहन्ना 8:25

यहूदी अगुवेयां तिसते पुच्छया, “तू कुण आ?” यीशुये तिन्हांजो जबाब दित्या, “तदुआं ते जे मैं उपदेश देणा शुरु कित्या, हऊँ तुहांजो दसदा आईरा भई हऊँ कुण आ!

यूहन्ना 8:53

क्या तू अहांरे पूर्वज अब्राहमा ते बड्डा, सै जे मरीगरा? क्या तू भविष्यवक्तयां ते बड्डा सै जे मरीगरे। तिज्जो क्या लगां भई तू हाया?”

यूहन्ना 9:22

तिसरयां मौ-बुढ़यां ये गल्लां इस खातर बोल्ली काँह्भई सै यहूदी अगुवेयां ते डराँ थे, काँह्भई तिन्हां च इसा गल्ला रा येक्का हुई चुक्कीरा था, भई जे कोई यीशुये जो मसीह मन्नो, तां सै यहूदी सभा घर ते बाहर कड्डी दित्या जाओ।

2 कुरिन्थियों 3:12

इस खातर अहें अपणिया इसा आशा रिया वजह ने भरोसे ने बोलां ये।