यूहन्ना 10:12 - बिलासपुरी नौआं नियम

¹² मजदूरिया पर रखीरा नौकर ताहली जे भेड़िये जो औंदे देखगा तां तिस नट्ठी जाणा। तिस भेड्डां छडी देणियां काँह्भई सै तिन्हांरा गवाल़ा नींआ कने भेड्डां तिसरियां नींआ, इस खातर भेड़िया तिन्हां पर हमला करां कने सारियां भेड्डां जो बखेरी देआं।

यूहन्ना 10:12 ပူးပေါင်းရင်းမြစ်များ

मत्ती 10:16

खबरदार! हऊँ तुहांजो असहाय भेड्डां साई लोकां रे बिच भेज्जां सै जे भेड़िये साई खतरनाक ये। इस खातर सर्पां साई चलाक कने समझदारिया ने काम्म करा, कने कबूतरां साई भोल़े-भाल़े कने खरयां गुणां जो परगट करा।

मत्ती 7:15

“झूट्ठे भविष्यवक्तयां ते बचीने रौआ! सै तुहांले आमतौर पर भेड्डां रे रुपा च औआं यें, पर हकीकत च सै खूँखार भेड़िये सै जे लोकां पर हमला करां ये।

यूहन्ना 10:13

मजदूर इस खातर नट्ठी जां भई सिर्फ तिस्सो मजदूरिया ने मतलब हुआं, कने सै भेड्डां री कोई परवाह नीं करदा।

यूहन्ना 10:2

पर सै जे दरबाजे ते अन्दरौ जां सैई आ भेड्डां रा गवाल़ा।

यूहन्ना 10:3

द्वारपाल तिसरे खातर दरवाजा खोल्ली देआं, कने भेड्डां तिसरी अवाज़ पछयाणां इयां, कने सै अपणियां भेड्डां जो नौं लेईने सद्दां कने बाहरौ लेईजां।

प्रेरितां 20:29

हऊँ जाणाँ भई मेरे जाणे ते बाद लोक सै जे फाड़णे औल़े भेड़ियां साई तुहांरे बिच्च औणा कने परमेशरा रे लोकां जो नष्ट करने री कोशिश करनी।

1 तिमुथियुस 3:3

सै पियक्कड़ कने मार-पीट करने औल़ा नीं हो पर दयालु हो, कने नां झगड़ने औल़ा, कने नां पैसे रा लालची हो।

1 तिमुथियुस 3:8

तियां इ सेवक बी ईज्जतदार कने ईमानदार हुणे चाहिन्दे, कने सै पियक्कड़ कने नीच कमाईया रे लालची नीं हो;

2 तिमुथियुस 4:10

काँह्भई देमास मिन्जो छड्डिने थिस्सलुनीके नगरा जो जाई चुक्कीरा, काँह्भई सै इस संसारा रिया चीजां जो प्रेम कराँ। क्रेसकेंस बी गलातिया प्रदेशा जो कने तीतुस दलमतिया प्रदेशा जो चलीगरे।

तीतुस 1:7

काँह्भई कलीसिया रे अगुवे जो परमेशरा रा भण्डारी हुणे रिया वजह ते निर्दोष हूणा चहिन्दा; नां हठी, नां गुस्सेबाज नां पियक्कड़, नां मारपीट करने औल़ा, नां नीच कमाईया रा लालची हो,

1 पतरस 5:2

भई परमेशरा रे तिस झुण्डा री रखवाल़ी करा सै जे तुहांरे बिच आ; ये दबावा ने नीं पर परमेशरा रिया इच्छा रे मुतावक मौज्जा ने कने नीच कमाईया रे खातर नीं, पर मन लाईने करा।

2 पतरस 2:3

सै बौहत लालची हुणे कने तुहांते पैसा लेणे रे खातर अपणी मन-घड़न्त कहाणियां सुणाईने तुहांजो धोखा देणा। परमेशर बौहत पैहले ते ये तैह करी चुक्कीरा भई तिस तिन्हांजो सजा देणी कने सै ये करने खातर त्यार आ। तिस पक्का तिन्हांरा नाश करना।