यूहन्ना 1:9 - बिलासपुरी नौआं नियम

⁹ सच्ची ज्योति इस संसारा च औणे औल़ी थी सै जे हर इक माहणुये जो अपणे ज्ञाना च चमकांई।

यूहन्ना 1:9 ပူးပေါင်းရင်းမြစ်များ

मत्ती 6:23

पर जे तू लगातार बुराई करदा रैहन्गा, तां इक दिन येढ़ा औणा ध्याड़ी जे तू अन्हे हुई जाणा; इस खातर तिसजो जे तू ज्योति समझां सै हकीकत च अन्धकार आ, अन्धकारा च रैहणा त बुरा, पर अन्धकारा च रैईने ये सोचणा भई हऊँ ज्योतिया चा सै होर बी जादा बुरा!”

लूका 11:36

जे तू अपणी पूरी जिन्दगी परमेशरा रिया सच्चाई रे मुतावक जीआं, तां तू हरेक चीज़ा जो सही ढंगा ने जाणने रे लायक हुई जाणा भई परमेशर तूते क्या चाँह; ये तिस इक्की कमरे साई हूणा तिसच जे दिऊए री तेज रोशनी चमकयां राईं, सै जे तुहांजो हर चीज़ साफ देखणे लायक बणांई।”

यूहन्ना 1:4

ये सैई वचन आ तिने जे हरेक प्राणिये जो जीवन दित्या कने सै अहां पर परमेशरा रिया सच्चाईया जो तियां प्रगट कराँ जियां जे ज्योति अन्धकारा रियां चिज़ां जो प्रगट कराँ इ।

यूहन्ना 1:7

सै गवाह बणीने आया भई सै लोकां जो ज्योतिया रे बारे च गवाही देई सक्को, ताकि सारे लोक तिसरे जरिये तिस पर विश्वास करी सक्को।

यूहन्ना 12:46

हऊँ संसारा च जोत बणीने आईरा, इस खातर भई सै जे मेरे पर विश्वास करगा सै अन्धेरे च नीं रौ।

यूहन्ना 14:6

यीशुये तिसजो गलाया, “हऊँ इ हाया सै जे लोकां जो अपणे पिता ले लेई जां, हऊँ तिन्हांजो तिसरे बारे च सच्चाई दस्सां, कने हऊँ इ तिन्हांजो अनन्त जीवन देआं, कोई बी मेरे बगैर पिता लौ नीं जाई सकदा।

यूहन्ना 15:1

यीशुये गलाया, “हऊँ अँगूरा रिया बेली साई आ; कने मेरा पिता तिसरा माली आ।

यूहन्ना 6:32

यीशुये तिन्हाजो गलाया, “हऊँ तुहां ते सच्च बोलां भई मूसे सै रोटी तुहांजो स्वर्गा ते नीं दित्ति, पर मेरा पिता तुहांजो सच्ची रोटी स्वर्गा ते देआं।

यूहन्ना 7:12

कने लोकां च तिसरे बारे गुप-चुप कई सारी गल्लां हुईयां मते जणे बोलीराँ थे, “सै बड़ा खरा माहणु आ।” कने कई बोल्लां थे, “नां, सै लोकां जो भटकां।”

1 यूहन्ना 1:8

जे अहें येढ़ा बोलिये भई अहें कोई पाप नीं कित्या, तां अहें खुद अप्पूँजो धोखा दें, कने अहें विश्वास नीं करदे भई तिने जो किछ बोल्या सै सच्च आ।

1 यूहन्ना 2:8

फेरी बी हऊँ तुहांजो इक होर नया हुक्म लिखिराँ, ये सच्च त यीशु मसीह च कने तुहांरे जीवना च दिखाई देआं, काँह्भई बुराईया रा अन्धेरा तुहांरिया जिन्दगिया ते घटदा जाया राँ कने जोतिया साई परमेशरा री सच्चाई तुहांरिया जिन्दगिया च लोकां जो दिस्या राँई।

1 यूहन्ना 5:20

पर अहांजो पता भई परमेशरा रा पुत्र यीशु मसीह संसारा च आईरा कने तिने अहांजो ये समझाईतरा भई अहें तिस सच्चे परमेशरा जो पछयाणी लो; कने अहें तिस चे सै जे सच्चा, यनि तिसरे पुत्र यीशु मसीह च रैं, सैई सच्चा परमेशर कने अनन्त जीवन आ।