यूहन्ना 1:46 - बिलासपुरी नौआं नियम

⁴⁶ फेरी नतनएले तिसते पुच्छया, “क्या कोई खरी चीज़ नासरत ते बी निकल़ी सक्कां इ?” फिलिप्पुसे तिसने गलाया, “जाईने देक्खी लें।”

यूहन्ना 1:46 ပူးပေါင်းရင်းမြစ်များ

मत्ती 10:3

फिलिप्पुस, बरतुल्मै, थोमा, टैक्स लेणे औल़ा मत्ती, हलफई रा पुत्र याकूब कने तद्दै।

मत्ती 2:23

कने नासरत नौआं रे नगरा च जाईने बसीग्या, ताकि सै बचन पूरा ओ, सै जे भविष्यवक्तयां यीशुये रे बारे च दस्या था : भई “तिस्सो लोकां जाणना भई सै नासरत नगरा ते आ।”

लूका 12:57

“तुहें अप्पूँ इ इसा गल्ला रा फैसला काँह नीं करी लेंदे भई क्या करना ठीक आ?

यूहन्ना 1:44

फिलिप्पुस बैतसैदा नगरा रा निवासी था। तित्थी अन्द्रियास कने पतरस बी रैयां थे।

यूहन्ना 1:45

फिलिप्पुस जो नतनएल मिलया कने तिने तिसने गलाया, “तिसरे बारे च जे मूसे व्यवस्था च कने भविष्यवक्तयां बी लिखिरा, सै अहांजो मिलीग्या; सै यूसुफ रा पुत्र, नासरत रा रैहणे औल़ा यीशु आ।”

यूहन्ना 12:21

तिन्हें गलील प्रदेशा रे बैतसैदा नगरा रे रैहणे औल़े फिलिप्पुसा ले जाईने विनती कित्ती, “श्रीमान! अहें यीशुये ने मिलणा चांये।”

यूहन्ना 14:8

फिलिप्पुसे तिस्सो गलाया, “हे प्रभु, अहांजो पिता परमेशरा रे दर्शण कराई दे तां अहांजो सन्तोख हुई जाणाँ।”

यूहन्ना 4:29

“आईने, इक्की येढ़े माहणुये जो देक्खा, तिने मेरे बारे च बौहत सारियां गल्लां दस्सीत्या सै जे मैं किति रियां थी। किति येई मसीह त निआं?”

यूहन्ना 6:5

फेरी यीशुये बौहत लोकां री भीड़ अपणे खौ औन्दी देक्खी, कने फिलिप्पुसा ने गलाया भई “अहां इन्हांरे खाणे खातर रोटी किति ते खरीदी ने लौणी?”

यूहन्ना 6:7

फिलिप्पुसे तिसजो जबाब दित्या, “दो सौ दिनार आम माहणुये रे खातर तकरीवन दो सौ दिनां री मजदूरी थी, रोटिया रिया कमिया रे दौरान (इतणे जादा लोकां रे खातर आस-पास रे गाँवां ते रोटी कठेरी सक्कां ये ) इक दिना री मजदूरी सिर्फ इक्की परिवारा जो ख्वाई सक्कां इ।”

यूहन्ना 7:52

तिन्हे तिसजो जबाब दित्या, “क्या तू बी गलीली आ? पवित्रशास्त्रा जो पढ़, तां तिज्जो पता चलना भई गलील प्रदेशा ते कदीं कोई भविष्यवक्ता नीं औणा।”

1 थिस्सलुनीकियां 5:21

सब्बीं गल्लां जो परखो; सै जे खरियां इया तिन्हौं ग्रहण करीने तिन्हांरा पालन करा।