यूहन्ना 1:45 - बिलासपुरी नौआं नियम

⁴⁵ फिलिप्पुस जो नतनएल मिलया कने तिने तिसने गलाया, “तिसरे बारे च जे मूसे व्यवस्था च कने भविष्यवक्तयां बी लिखिरा, सै अहांजो मिलीग्या; सै यूसुफ रा पुत्र, नासरत रा रैहणे औल़ा यीशु आ।”

यूहन्ना 1:45 ပူးပေါင်းရင်းမြစ်များ

मत्ती 10:3

फिलिप्पुस, बरतुल्मै, थोमा, टैक्स लेणे औल़ा मत्ती, हलफई रा पुत्र याकूब कने तद्दै।

मत्ती 13:55

क्या ये तिस लकड़िया रे मिस्त्रीये राई मुण्डु निआं? कने क्या इसरिया मौआ रा नौं मरियम कने इसरे भाईयां रे नौं याकूब, यूसुफ, शमौन कने यहूदा नींये?

मत्ती 2:23

कने नासरत नौआं रे नगरा च जाईने बसीग्या, ताकि सै बचन पूरा ओ, सै जे भविष्यवक्तयां यीशुये रे बारे च दस्या था : भई “तिस्सो लोकां जाणना भई सै नासरत नगरा ते आ।”

मत्ती 21:11

लोकें गलाया, “ये गलील रे नासरत नगरा रा भविष्यवक्ता यीशु आ।”

मरकुस 14:67

कने पतरसा जो आग्ग सेकदा हुआ देखीने तिस्सो घूरीने देख्या कने बोलणे लगी, “तू बी त तिस नासरी यीशुये सौगी था।”

मरकुस 6:3

तिन्हें ये बोल्लीने तिसरा अपमान कित्या, क्या ये सिर्फ इक लकड़िया रा मिस्त्री निआं? सै जे मरियम रा पुत्र, याकूब, योसेस, यहूदा कने शमौना रा भाई आ। क्या इस रियां बैहणीं येत्थी अहांरे बिच नीं रैहन्दियां?” इस खातर तिन्हें तिसजो ग्रहण नीं कित्या।

लूका 18:37

तिन्हें तिस्सो दस्या भई नासरत गाँवां रा यीशु जाईराँ।

लूका 2:4

इस खातर भई यूसुफ दाऊद रे टबरा कने कुलबे रा था, तां सै बी गलील प्रदेशा रे नासरत नगरा ते यहूदिया प्रदेशा बिच दाऊद राजे रे शहर बैतलहम जो गया,

लूका 2:48

तिसजो देखीने यीशुये रे माता-पिता बड़े हैरान हुए कने तिसरी माते तिसजो गलाया, “पुत्रा, तैं अहां सौगी येढ़ा काँह कित्या? तिज्जो टोल़दे-टोल़दे तेरे पिता रे कने मेरे प्राण त कट्ठे हुईगरे थे।”

लूका 24:27

फेरी यीशुये मूसा ते कने सारे भविष्यवक्तयां ते शुरु करीने सारे पवित्रशास्त्रा चते अपणे बारे च लिखी रियां गल्लां रा मतलब, तिन्हांजो समझाईत्या।

लूका 24:44

फेरी यीशुये गलाया, “ताहली जे हऊँ तुहांजो इ था, तिस वगत मैं तुहांजो गलाया था भई मूसा री व्यवस्था कने भविष्यवक्तयां रियां कतावां च कने भजन संहिता च मेरे बारे च सै जे लिखिरा, सै सारी गल्लां पूरियां हुणियां।”

लूका 3:23

जिस बगत यीशुये लोकां च अपणी सेवा शुरु किति, तिस बगत सै लगभग तिआं साल्लां रा था। कने लोक तिस्सो यूसुफा रा पुत्र समझां थे, भई यूसुफ त एली रा पुत्र था।

लूका 4:22

कने सारयां लोकें यीशुये री सराहना कित्ती, कने तिसरे मुँआं ते निकल़णे औल़े अनुग्रह रे वचन सुणीने सै सब हैरान हुईगे; कने गलाणे लगे, “क्या ये यूसुफा रा पुत्र निआं?”

यूहन्ना 1:44

फिलिप्पुस बैतसैदा नगरा रा निवासी था। तित्थी अन्द्रियास कने पतरस बी रैयां थे।

यूहन्ना 12:21

तिन्हें गलील प्रदेशा रे बैतसैदा नगरा रे रैहणे औल़े फिलिप्पुसा ले जाईने विनती कित्ती, “श्रीमान! अहें यीशुये ने मिलणा चांये।”

यूहन्ना 14:8

फिलिप्पुसे तिस्सो गलाया, “हे प्रभु, अहांजो पिता परमेशरा रे दर्शण कराई दे तां अहांजो सन्तोख हुई जाणाँ।”

यूहन्ना 18:5

तिन्हें यीशुये जो जवाब दित्या, नासरत नगरा रे यीशुये जो। यीशुये तिन्हांजो गलाया, “सै हऊँ आ।” तित्थी यहूदा खढ़िरा था, तिने जे तिस्सो धोखा दित्या।

यूहन्ना 18:7

यीशुये तिन्हांजो फेरी भीं पुच्छया, “तुहें किस्सो टोले रायें?” तिन्हें तिस्सो जवाब दित्या, नासरत रे यीशुये जो।

यूहन्ना 19:19

कने पिलातुस राजपाले दोषपत्र लिखीने क्रूसा पर लगवाया। तिसच लिखिरा था, यीशु नासरी, यहूदियां रा राजा।

यूहन्ना 21:2

शमौन पतरस, थोमा यनि दिदुमुस (तिस्सो जे जुड़वा बोलां ये), गलील जिले रे काना गाँवां रा नतनएल, कने जब्दिये रे दोन्नों पुत्र कने यीशुये रे चेलयां चते दो होर चेले तित्थी नदिया रे कनारे पर कट्ठे थे।

यूहन्ना 6:42

कने तिन्हे बोल्या, क्या ये सैई यीशु निआं, सै जे यूसुफा रा पुत्र आ, तिसरे पिता कने माता जो जे अहें जाणाँ ये? तां सै हुण कियां बोलां, भई हऊँ स्वर्गा ते आईरा?

यूहन्ना 6:5

फेरी यीशुये बौहत लोकां री भीड़ अपणे खौ औन्दी देक्खी, कने फिलिप्पुसा ने गलाया भई “अहां इन्हांरे खाणे खातर रोटी किति ते खरीदी ने लौणी?”

यूहन्ना 6:7

फिलिप्पुसे तिसजो जबाब दित्या, “दो सौ दिनार आम माहणुये रे खातर तकरीवन दो सौ दिनां री मजदूरी थी, रोटिया रिया कमिया रे दौरान (इतणे जादा लोकां रे खातर आस-पास रे गाँवां ते रोटी कठेरी सक्कां ये ) इक दिना री मजदूरी सिर्फ इक्की परिवारा जो ख्वाई सक्कां इ।”

प्रेरितां 10:38

परमेशरे कियां-कियां नासरत नगरा रे यीशुये जो पवित्र आत्मा कने सामर्था ते अभिषेक कित्या; सै भलाई करदा कने जितने लोक सै जे शैताने सताईरे थे, ठीक करदा फिरया, काँह्भई परमेशर तिसने सौगी था।

प्रेरितां 2:22

“हे इस्राएलियो, ये गल्लां सुणा: यीशु नासरी इक माहणु था तिसरा परमेशरा खा ते हुणे रा सबूत तिन्हां सामर्था रे कम्मा कने हैरानिया रे कम्मां कने चमत्काराँ ते परगट आ, सै जे परमेशरे तुहांरे बिच तिसरे जरिये करीने दस्से तिस्सो जे तुहें अप्पूँ इ जाणाँ ये।

प्रेरितां 22:8

मैं जवाब दित्या, ‘हे प्रभु, तू कुण आ?’ तिने मेरने गलाया, ‘हऊँ नासरत नगरा च रैहणे औल़ा यीशु आ, तिस्सो जे तू सताया राँ?’

प्रेरितां 26:9

“मैं बी समझया था भई नासरत च रैहणे औल़े यीशुये रे नौआं रे बरोधा च मिन्जो बौहत किछ करना चाहिन्दा।

प्रेरितां 3:6

तां पतरसे गलाया, “चाँदी कने सोना त मेरले निआं, पर जो किछ मेरले आ तिस्सो हऊँ तिज्जो देआं; यीशु मसीह नासरिये रे नौआं ते उट्ठ कने चल फिर।”