यूहन्ना 1:27 - बिलासपुरी नौआं नियम

²⁷ यनिके ये सैई हाया तिस जे मेरते बाद तुहांजो प्रचार करना, हऊँ तिसरे मुकावले किछ बी नींआ, सै इतणा खास आ भई हऊँ इक्की सेवका रा सब्बीं ते छोट्टा काम्म तिस खातर करना चाओ, तां बी लायक नींआ।”

यूहन्ना 1:27 ပူးပေါင်းရင်းမြစ်များ

मत्ती 3:11

“हऊँ त तुहांजो तुहांरे मन बदलने खातर पाणिये ते बपतिस्मा देआं, पर तिस जे मेरते बाद प्रचार करने औणा, सै माहते जादा सामर्थी आ; कने हऊँ तिसरे मुकावले किछ बी नींआ, हऊँ इक्की सेवका रा सब्बीं ते छोट्टा काम्म तिस खातर करना चाऊँ, तां तिस बी लायक नींआ। तिस तुहांजो पवित्र आत्मा कने अग्गी ते बपतिस्मा देणा।

मरकुस 1:7

कने ये प्रचार कराँ था, भई “मेरते बाद प्रचार करने जो सै औणे औल़ा सै जे माहते जादा सामर्थी आ; कने हऊँ तिसरे मुकावले किछ बी नींआ, हऊँ इक्की सेवका रा सब्बीं ते छोट्टा काम्म तिस खातर करना चाऊँ, तां तिस बी लायक नींआ।

लूका 3:16

तां यूहन्ने येढ़ा बोलीने तिन्हारे सवाला रा जवाब दित्या, “हऊँ त तुहांजो पाणिये च बपतिस्मा देआं, पर सै औणे औल़ा सै जे मेरते बी सामर्थी आ; हऊँ तिसरे मुकावले किछ बी नींआ, हऊँ इक्की सेवका रा सब्बीं ते छोट्टा काम्म तिस खातर करना चाओ, तां बी लायक नींआ। तिस तुहांजो पवित्र आत्मा कने अग्गी च बपतिस्मा देणा।

यूहन्ना 1:15

यूहन्ने तिसरे बारे च गवाही दित्ति, कने जोरा ने बोल्या, “येई हाया सै, तिसरा जे मैं बखान कित्या भई सै जे मेरे बाद तुहांजो प्रचार करने आई कराँ, सै सामर्था च माहते बधी नेआ, काँह्भई सै माहते पैहले था।”

यूहन्ना 1:30

ये सैई आ तिसरे बारे च मैं गलाया था, ‘इक माहणु तिस जे मेरे बाद तुहांजो प्रचार करना सै सामर्था च माह्ते बी बड्डा, काँह्भई सै माह्ते पैहले था।’

यूहन्ना 10:41

मते सारे लोक तिसले आई ने तिसजो बोल्लां थे, “यूहन्ने त कोई बी चमत्कार नीं कित्ते पर यूहन्ने इस माहणुये रे बारे च जो किछ गलाया था, सै सब सच्च निकल़या।”

प्रेरितां 13:25

परमेशरे यूहन्ने जो सै जे काम्म दित्तिरा था सै तकरीवन पूरा होणे इ औल़ा था, तां तिन्हें गलाया, ‘तुहें मिन्जो क्या समझां यें? देखो हऊँ मसीह निआं! पर मेरे बाद इक औणे औल़ा, सै जे मेरते बी सामर्थी आ, हऊँ तिसरे मुकावले किछ बी नींआ, हऊँ इक्की सेवका रा सब्बीं ते छोट्टा काम्म तिस खातर करना चाओ, तां बी लायक नींआ।’

प्रेरितां 19:4

पौलुसे गलाया, “यूहन्ने ये बोलीने मन फिराणे रा बपतिस्मा दित्या भई सै जे मेरे बाद औणे औल़ा, तिस पर यनि यीशु मसीह पर विश्वास करयों।”