यूहन्ना 1:16 - बिलासपुरी नौआं नियम

¹⁶ तिसरिया दया री परिपूर्णता ते अहें सब्बीं आशीषां पर आशीष पाई।

यूहन्ना 1:16 ပူးပေါင်းရင်းမြစ်များ

मत्ती 13:12

काँह्भई सै जे मेरिया गल्ला जो ध्याना ने सुणा कने समझां, परमेशर तिसजो होर जादा समझणे रे लायक बणां; पर सै जे मेरिया गल्ला जो ध्याना ने नीं सुणदा कने समझदा तिस सै बी भुल्ली जाणा तिसजो जे सै पैहले ते जाणदा हो।

मत्ती 3:11

“हऊँ त तुहांजो तुहांरे मन बदलने खातर पाणिये ते बपतिस्मा देआं, पर तिस जे मेरते बाद प्रचार करने औणा, सै माहते जादा सामर्थी आ; कने हऊँ तिसरे मुकावले किछ बी नींआ, हऊँ इक्की सेवका रा सब्बीं ते छोट्टा काम्म तिस खातर करना चाऊँ, तां तिस बी लायक नींआ। तिस तुहांजो पवित्र आत्मा कने अग्गी ते बपतिस्मा देणा।

मत्ती 3:14

पर यूहन्ने प्रभु यीशुये जो मना करदे हुये बोल्या, “मिन्जो अप्पूँ तेरे हत्थों बपतिस्मा लेणे री लोड़ इ, कने तुहें बपतिस्मा लेणे जो मेरले आये?”

लूका 21:15

काँह्भई मांह तुहांजो अपणे बचावा खातर विचार कने बुद्धि देणी, भई तुहांरे सारे बरोधी तुहांरा सामना करीने येढ़ा नीं बोल्ली सक्को भई तुहें गल़त ये।

यूहन्ना 3:34

काँह्भई तिस्सो जे परमेशरे भेज्जीरा, सै परमेशरा रियां इ गल्लां बोलां; काँह्भई ये सैई आ तिसजो जे परमेशरे पवित्र आत्मा पूरे तरिके ने देई दित्तिरा।

रोमियो 5:17

काँह्भई ताहली जे इक्की माहणुये रे पापा रिया वजह ने सारे लोक मरे, तां हकीकत च सै लोक जे अनुग्रह कने धार्मिकता रे बरदान यीशु मसीह रे जरिये बौहत जादा पायें, सै लोक जिऊंदा रैहणे कने इक माहणु यीशु मसीह रे जरिये राज करगे।

रोमियो 5:2

अहांरे विश्वासा रिया वजह ते मसीहे अहांजो इस अनुग्रह च लन्दया तित्थी जे हुण अहें पुज्जीरे, अहें इसा गल्ला ते खुश हुआं ए भई अहांजो परमेशरा रिया महिमा च भागी हुणे री आशा इ।

रोमियो 5:20

व्यवस्था इस खातर दित्ति गई ताकि सारे लोकां जो पता चली जो भई सै कितणे पापी थे। पर तियां जे लोकें जादा ते पाप कित्ते तियां इ परमेशरा रा अनुग्रह तिसते बी कई मान जादा हुया,

रोमियो 8:9

पर तां जे भई परमेशरा रा आत्मा तुहां च वास कराँ, तां तुहें पापी स्वभावा ने नीं पर पवित्र आत्मा रे मुतावक जीयें। जे किसी च मसीह रा आत्मा निआं तां सै मसीह रा जन नींआं।

इफिसियां 1:23

कलीसिया मसीह री देह इ, कने कलीसिया मसीह रे जरिये ही परिपूर्ण इ, सै जे सारियां जगहां च सब किछ अपणिया मौजूदगिया च पूरा कराँ।

इफिसियां 3:19

कने तुहें मसीह रे तिस प्यारा जो जाणी सक्को सै जे हरेक किस्मा रे ज्ञाना ते ऊपर आ, ताकि तुहांरा चाल-चलण परमेशरा रे चाल-चलना साई बणी सक्को।

कुलुस्सियां 1:19

काँह्भई पिता परमेशरा री खुशी इस ची भई परमेशरा रा सारा स्वाभाव मसीह च वास कराँ।

कुलुस्सियां 2:3

तिसच जे बुद्धि कने ज्ञाना रे सारे भण्डार छुपीरे।

1 पतरस 1:11

मसीह रा आत्मा तिन्हां च था कने तिन्हांजो दस्यारां था भई मसीहे कियां दुख सैहणा कने तिस्सो महान आदर दित्या जाणा। इस खातर तिन्हें ये पता लगाणे री खोज कित्ती भई मसीह कुण हूणा कने ये कदीं हूणा।

1 पतरस 1:2

परमेशर पिता बौहत पैहले अपणे लोक हुणे खातर तुहांजो चुणने खातर तैह कित्या कने तुहांजो पवित्र आत्मा रे कम्मा रे जरिये पवित्र बणाया। तिने ये इस खातर कित्या ताकि तुहें यीशु मसीह जो मन्नी सक्को कने तिसरे खून्ना रे जरिये शुद्ध हुई सक्को। हऊँ प्राथना कराँ भई परमेशर तुहांजो बौहत जादा अनुग्रह कने शान्ति देओ।