यूहन्ना 1:13 - बिलासपुरी नौआं नियम

¹³ तिसरे अन्दर नांत खानदानी खून था, नां तिसरे जमणे च माता-पिता री कोई योजना थी, कने नांई मर्दा री कोई इच्छा थी, पर परमेशरा री इच्छा थी।

यूहन्ना 1:13 ပူးပေါင်းရင်းမြစ်များ

मत्ती 3:9

इसा गल़तफैहमिया च मत रौआ भई अब्राहम तुहांरा पिता; काँह्भई हऊँ तुहांजो बोलां भई इन्हां पत्थराँ ते परमेशर अब्राहमा रे खातर बच्चा पैदा करी सक्कां।

यूहन्ना 3:3

यीशुये तिसजो जबाब दित्या, हऊँ तुहांजो सच्च बोलां, भई कोई बी परमेशरा रे राज्जा जो देक्खी नीं सकदा, तदुआं तक जे सै दोबारा जन्म नीं लौ।

1 कुरिन्थियों 3:6

जे हऊँ इक्की बगीचे ने तुहांरी तुलना करूँ, तां हऊँ इक येढ़े माहणुये साई आ तिने जे ब्यू बाहया कने अपुल्लोसे पाणी दित्या, पर परमेशरे इसजो बधाया।

फिलिप्पियां 2:13

काँह्भई परमेशर इ तुहां च काम्म करया राँ कने सैई तुहौं परमेशरा जो खुश करने री इच्छा कने शक्ति देईराँ।

तीतुस 3:5

तां तिने अहांरे पापां रिया सजा ते अहांजो बचाया; कने ये भलयां कम्मां रिया वजह ते नीं, सै जे अहें अप्पूँ कित्ते थे, पर अपणी दया रिया वजह ते। परमेशरे अहांजो नया जीवन दित्या कने तिने अहांरे पापां जो अहांते दूर करीने इक नये तरिके ने बर्ताव करने खातर अहांरी मदद कित्ती; तिने अहांरे अन्दर पवित्र आत्मा जो रखणे रे जरिये ये कित्या।

याकूब 1:18

तिने अपणिया इ इच्छा ते अहांजो सच्चे वचना रे जरिये नया जीवन दित्या, ताकि अहें तिसरी बणाई रियां सारियां चिज़ां च पैहले फल़ा साई ओ।

1 पतरस 1:23

काँह्भई तुहें परमेशरा ते नया जीवन पाईरा। तुहें ये जीवन येढ़ियां चीजां ते नीं पाईरा सै जे नाश हुई जाणा, पर येढ़ियां चीजां ते पाईरा सै जे सदा रे खातर हूणा यनि परमेशरा रा जीवित कने अनन्तकाल रे वचना ते।

1 पतरस 1:3

परमेशर कने अहांरे प्रभु यीशु मसीह रे पिता रा धन्यवाद हो, तिने जे यीशु मसीह रे मूईरेयां चते जिऊंदा हुणे रे जरिये अपणी बड़ी दया ते अहांजो नया जीवन दित्या। हुण अहें बडिया आस्सां ने जीयें,

1 पतरस 2:2

पर तियां जे नये जम्मीरे बच्चे अपणिया मौआ रे असली दुधा खातर तरसां ये तियां इ तुहांजो बी परमेशरा रे वचना जो सिखणे खातर तरसणा चाहिन्दा, ताकि तिसरे जरिये पूरे तरिके ने छुटकारा पाणे खातर तुहें बधदे जाओ।

1 यूहन्ना 3:9

सै जे कोई परमेशरा रा बच्चा, सै पाप नीं करदा; काँह्भई परमेशरा रा स्वाभाव तिसच बणीरा रैयां: इस खातर सै पाप करी नीं सकदा, काँह्भई सै परमेशरा रा बच्चा।

1 यूहन्ना 4:7

प्यारे मित्रो, अहांजो इक्की दूये ने प्यार रखणा चाहिन्दा; काँह्भई प्यार परमेशरा ते मिलां कने सै जे कोई दुज्यां ने प्यार कराँ, सै परमेशरा रा बच्चा, कने सै परमेशरा जो जाणाँ।

1 यूहन्ना 5:1

सै जे कोई ये विश्वास करां भई यीशु इ मसीह आ, सै परमेशरा रा बच्चा; कने सै जे कोई पिता परमेशरा ने प्यार रक्खां, सै तिसने बी प्यार रक्खां, सै जे तिसरा बच्चा।

1 यूहन्ना 5:18

अहें जाणाँ ये भई सै जे कोई परमेशरा बच्चा, सै पाप नीं करदा; पर परमेशरा रा पुत्र यीशु मसीह तिसजो बचाईने रक्खां, कने शैतान तिसजो छुई नीं पान्दा।

1 यूहन्ना 5:4

काँह्भई परमेशरा रा हरेक बच्चा संसारा पर जय पाई लेआं, कने सै विजय तिसते जे संसारा पर जीत मिलां इ, सै अहांरा विश्वास आ।