याकूब 5:9 - बिलासपुरी नौआं नियम

⁹ साथी विश्वासियो, अप्पूँ चियें इक्की दूये री शकैतां मता करदे, नैत परमेशरा बी तुहांजो सजा देणी; देक्खा, न्याय करने औल़ा त अन्दर औणे रे खातर दरवाजे पर खढ़िरा।

याकूब 5:9 ပူးပေါင်းရင်းမြစ်များ

मत्ती 24:33

तियां इ ताहली जे तुहें इन्हां गल्लां जो हुन्दे हुये देक्खो, तां समझी जायों भई मेरे वापस औणे रा बगत नेड़े आई गरा।

मरकुस 13:29

इयां इ तंजे तुहें इन्हां गल्लां जो हुन्दे हुये देक्खो, तां जाणी लौआ भई मेरे वापिस औणे रा वगत नेड़े आ, तियां जे हऊँ पैहले तेई स्वर्गा रे दरवाजे पर त्यार खढ़िरा।

मरकुस 6:19

इस खातर हेरोदियास यूहन्ने ने बैर रखां थी कने तिस्सो मरवाई देणे चाँह थी; पर येढ़ा नीं हुई सक्कया,

1 कुरिन्थियों 10:11

पर ये सब गल्लां, सै जे तिन्हां पर हुईयां, उदाहरणां रे तौरा पर थिआं; कने सै जे अहांरे खातर चेतावनिया रे रुपा च लिखी रियां, काँह्भई अहें तिस जुगा चे सै जे अन्त रे करीव आ।

1 कुरिन्थियों 4:5

इस खातर तदुआं तकौ जे प्रभु नीं आओ, बगता ते पैहले किसी गल्लां रा न्याय नीं करा, सैई अन्धेरे रियां छिपि रियां गल्लां जो लोई च दसगा, कने माहणुये रे दिला रियां गल्लां जो प्रगट करगा, तां तिस वगत हरेक माहणुये परमेशरा रिया तरफा ते अपणी प्रशंसा पाणी।

2 कुरिन्थियों 9:7

हर कोई बिणा किसी दुखा ते, या बिणा किसी जबरदस्तिया ते, उतणा इ देओ जितना तिसरे मने सोचया; काँह्भई परमेशर खुशिया ने देणे औल़यां ने जादा प्यार रखां।

गलातियां 5:14

काँह्भई सारी व्यवस्था इसा इक्की हुक्मा च पूरा हुई जाईं, “तू अपणे पड़ेसिये ने तियां प्यार कर, तियां जे तूं खुद अप्पूँ ने प्यार कराँ।”

गलातियां 5:26

अहें घमण्डी नीं हो, अहांरा इक्की दूये ने चिड़-चिड़ा स्वाभाव नीं हो, कने नांई अहें अप्पूँ चियें नफरत करो।

याकूब 4:11

मेरे साथी विश्वासियो, इक्की दुज्जे री बुराई मत करा। सै जे अपणे साथी विश्वासियां री बदनामी कराँ या तिन्हां पर इल्जाम लगां, सै व्यवस्था री बदनामी कराँ; कने जे तू येढ़ा कराँ, तां तू व्यवस्था रा पालन करने औल़ा निआं, पर तिसरा न्याय करने औल़ा बणी जां।

याकूब 4:12

व्यवस्था रा देणे औल़ा कने तिसरा न्याय करने औल़ा त इक इ हाया सै जे परमेशर आ, तिस्सो इ बचाणे कने बर्बाद करने रा अधिकार आ। इस खातर तू कुण आ, सै जे अपणे पड़ेसिये पर दोष लगां?

याकूब 5:10

मेरे साथी विश्वासियो, तसल्लिया ने दुख सैहणे रे सम्बन्धा च तिन्हां भविष्यवक्तयां जो याद करा, तिन्हें जे प्रभुये रिया तरफा ते तिसरे सन्देशा जो बोल्या था।

याकूब 5:7

मेरे प्यारे साथी विश्वासियो, प्रभु यीशुये रे औणे तक धीरज रखा। देक्खा करसाण धरतिया री कीमती फसला खातर तदुआं तक तसल्ली रक्खीने इन्तजार कराँ तदुआं तक जे सै शुरु री कने आखरी बरखा नीं देक्खी लेन्दा।

1 पतरस 4:5

पर तिन्हांजो अपणयां कम्मां रा लेखा परमेशरा जो देणे पौणा सै जे जिऊंदा कने मूईरयां लोकां रा न्याय करने जो त्यार आ।

1 पतरस 4:9

बिणा शिकायत कित्ते इक्की दूये रा आदर-सत्कार करा।

प्रकाशितवाक्य 3:20

देख, हऊँ दरवाजे पर खड़ीने भित ठल़काँ; जे कोई मेरी अवाज़ सुणी ने खोलगा, तां मांह अन्दर आईने तिसने सौगी रोटी खाणी कने तिस मेरे सौगी रोटी खाणी।