याकूब 5:3 - बिलासपुरी नौआं नियम

³ तुहांरा सोना चान्दी जंगा ने खराब हुई चुक्कीरा; तिसरा खराब हूणा इ तुहांरे खलाफ गवाही देंगा, तिस पर लगीरे जंगा तुहांरे शरीरा जो अग्गी साई खाई लेणा। संसारा रे आखरी वगता च तुहें दौलत कट्ठा किति।

याकूब 5:3 ပူးပေါင်းရင်းမြစ်များ

प्रेरितां 2:17

“ ‘परमेशर बोलां, भई आखिरी दिना च येढ़ा हूणा भई मांह अपणा आत्मा सब माहणुआं पर भेजणा, कने तुहांरे मुण्डुआं कने कुड़ियां भविष्यवाणियां करनियां, कने तुहांरे जवानां दर्शण देखणे कने तुहांरे पुरनिये सुखने देखणे।

रोमियो 2:5

पर तुहें पत्थर दिल कने पापी स्वभावा जो छडणा नीं चाहन्दे, येढ़ा करीने तुहें अपणिया सजा जो बधाया राँये कने ताहली जे परमेशरा रा सच्चा न्याय करने रा दिन औणा, तिस दिन परमेशरा तुहांजो बौहत भयानक सजा देणी।

2 तिमुथियुस 2:17

कने तिन्हांरी शिक्षा सड़ीरे जख्मा साई फैलदी जाणी कने आखिर च लोकां रे विश्वासा जो नाश करगी; हुमिनयुस कने फिलेतुस तिन्हां चते दो लोक ये सै जे इस तरिके री शिक्षा दें।

2 पतरस 3:3

सब्बीं ते पैहले तुहांजो ये समझी लेणा चाहिन्दा भई आखरी दिनां च मजाक डवाणे औल़यां मजाक डवान्दे हुये औणा, कने तिन्हां अपणी बुरी इच्छां रे मुतावक चलना।

प्रकाशितवाक्य 17:16

कने सै जे दस सिंग तैं देक्खे, सै होर पशु तिसा वैश्या ते नफरत करगे, तिन्हां तिसाजो लाचार कने नंगा करी देणा कने तिसरा मांस खाई जाणा कने तिसाजो अग्गी च फुकी देणा।

प्रकाशितवाक्य 20:15

कने तिस किसी रा नौं जे जीवना रिया कताबा च लिखिरा नीं मिलया, सै अग्गी रिया नदिया च पाया गया।

प्रकाशितवाक्य 21:8

पर डरपोकां, अविश्वासियां, घिनौनयां, हत्यारयां, व्यभिचारियां, जादूगराँ, मूर्तीपूजकां, कने सब्बीं झुट्ठयां रा हिस्सा तिसा नदिया च मिलणा, सै जे अग्गी कने गन्धका ते भखदी रैयांई: ये दुज्जी मौत इ।”