याकूब 5:20 - बिलासपुरी नौआं नियम

²⁰ तां सै जाणी लो भई सै जे किसी पापिये जो पापा रे रस्ते ते वापस ली औआं सै तिस पापिये रिया आत्मा जो अनन्त काल रिया मौती ते बचां कने परमेशर तिसरे कई पापां जो माफ कराँ।

याकूब 5:20 ပူးပေါင်းရင်းမြစ်များ

यूहन्ना 5:24

हऊँ तुहांजो सच्च बोलां, सै जे मेरा बचन सुणीने मेरे भेजणे औल़े पर विश्वास कराँ, सै अनन्त काल रा जीवन पां; कने तिस पर सजा रा हुक्म नीं हुन्दा, पर सै अनन्त काल रिया मौती ते बचीने पैहले तेई नईया जिन्दगिया च दाखल हुई चुक्कीरा।

रोमियो 11:14

ताकि इस आशा ने भई हऊँ अपणे लोकां च बी जल़ण पैदा करी सक्कूं कने तिन्हां चते कईयां लोकां रा छुटकारा करी सक्कूं।

1 कुरिन्थियों 1:21

काँह्भई तंजे परमेशरा रे ज्ञाना रे मुतावक संसारे ज्ञाना ते परमेशरा जो नीं जाणया, तां परमेशरा जो ये खरा लगया भई इस प्रचारा रिया मूर्खता रे जरिये विश्वास करने औल़यां जो छुटकारा देओ।

1 कुरिन्थियों 9:22

सै जे विश्वासा च कमजोर ये तिन्हांरे खातर हऊँ खुद कमजोर बणया ताकि कमजोराँ जो ल्याई सक्कूँ। हऊँ सब माहणुआं खातर सब किछ बणया भई किसी नां किसी तरिके ने किछ लोकां रा छुटकारा हुईजो।

1 तिमुथियुस 4:16

इस बारे च सावधान रै भई तू कियां जीं कराँ कने क्या सखाया राँ। इन्हां गल्लां जो लगातार करदा रै काँह्भई जे येढ़ा करदा रैंहगा, तां तू अपणा कने तिज्जो सुणने औल़यां रा बी छुटकारा करगा।

फिलेमोन 1:19

हऊँ पौलुस अपणे हत्था ते लिखां भई मांह सै कर्जा चुकाई देणा; कने इसरे बोलणे री किछ जरूरत नीं भई मेरा कर्ज सै जे तेरे परा सै तूई हाया, काँह्भई मैं तिज्जो मसीह पर विश्वास करने खातर तेरी मदद कित्तिरी।

याकूब 1:15

फेरी बुरियां इच्छां गर्भवति हुईने पापा जो पैदा कराँ इ कने ताहली जे पाप बडा हुई जां, तां सै मौती जो जन्म देआं।

याकूब 1:21

इस खातर तुहांरे जीवना च सै जे गन्दगी कने बुराई, तिन्हांजो दूर करीने तुहांरे मनां च सै जे परमेशरा रा वचन बाहीरा तिसजो नम्र हुईने ग्रहण करदे जावा; सै जे तुहांरे प्राणा जो बचाई सक्कां।

याकूब 5:15

विश्वासा ने कित्तिरी तिन्हां रिया प्राथना ते बीमार ठीक हुई जाणे, कने प्रभुये तिसजो खड़ा करना कने जे तिने गुनाह बी कित्तिरे ओ, परमेशरा तिसरे पाप माफ करने।

याकूब 5:19

हे मेरे साथी विश्वासियो, तुहां चते जे कोई सच्चाईया ते भटकी जाओ कने तिस्सो कोई भीं मोड़ी ने रस्ते पर ली औआं,

1 पतरस 4:8

कने सबनीं ते बड्डी गल्ल येई भई तुहें इक्की दुज्जे ने ईमानदारिया ने प्यार रखा, काँह्भई जे तुहें प्यार रखगे तां तुहां लोकां रिया किसी बी गल्तिया जो माफ करने खातर सदा त्यार रैहणा।

प्रकाशितवाक्य 20:6

आशीषित कने पवित्र सै आ सै जे पैहले मूईरयां ते जिऊंदा हुणे च शामिल ये। येढ़यां लोकां पर दुज्जिया मौती रा किछ बी अधिकार निआं, पर तिन्हां परमेशर कने मसीह रे याजक हूणा कने यीशु मसीह सौगी हज़ार साल्लां तक राज करना।