याकूब 5:17 - बिलासपुरी नौआं नियम

¹⁷ एलिय्याह भविष्यवक्ता बी त अहां साई दुख-सुख भोगणे औल़ा इक माहणु था, कने तिने पूरे मना ने प्राथना कित्ती भई बर्खा नीं हो कने साडे तिन्हां साल्लां तक धरतिया पर बर्खा नीं हुई।

याकूब 5:17 ပူးပေါင်းရင်းမြစ်များ

लूका 4:25

पर हऊँ तुहांजो सच्च बोल्लां भई, “एलिय्याह भविष्यवक्ते रे बगत ताहली जे साढ़े तिन्न साल्लां तक अम्बरा ते बरखा नीं हुई कने सारे इस्रायल देशा च बड़ा नकाल़ पैया; तां पक्का इस्राएल च येढ़ियां बौहत जरूरत मन्द विधवां थिआं।

प्रेरितां 10:26

पर पतरसे तिस्सो ऊठाईने गलाया, “खड़ा हो, मिन्जो मत्था टेकणा नीं कर हऊँ बी त इक माहणु आ।”

प्रेरितां 14:15

“हे लोको, तुहें क्या करया रायें? अहें बी तां तुहां साई दुख-सुख भोगणे औल़े माहणु ये कने तुहांजो खुशखबरी सुणाया रायें भई तुहें इन्हां बेकार चिज़ां ते लग्ग हुईने जिऊंदा परमेशरा ले औआ, तिने अकाश कने धरती कने समुद्र कने जो किछ तिसच आ बणाया।

रोमियो 11:2

परमेशरे अपणे सै लोक नीं छड्डे, सै जे तिने पैहले ते चुणीरे थे। क्या तुहें नीं जाणदे भई एलिय्याह भविष्यवक्ते रे बारे च पवित्रशास्त्र क्या बोलां; भई जिसा कहाणिया पर सै इस्राएल रे बिरोधा च परमेशरा ने विनती कराँ?

प्रकाशितवाक्य 11:6

तिन्हौं ये अधिकार आ भई अम्बरा जो बन्द करे, ताकि तिन्हांरी भविष्यवाणिया रे वगत बरसात नीं हो; तिन्हांजो सारे पाणिये पर अधिकार आ भई तिस्सो खून्ना च बदली दो, ये बी भई ताहली जे चाओ तां धरतिया पर हर किस्मा री महामारी ल्याओ।