याकूब 4:2 - बिलासपुरी नौआं नियम

² तुहें लालसा कराँ ये पर तुहांजो मिलदा नींआ, इस खातर तुहें हत्या कने लालच कराँ ये, फेरी बी सै जे तुहें चाँये सै हासिल नीं करी पान्दे; इस खातर तुहें लड़ाई झगड़ा कराँ ये। फेरी बी तुहांजो नीं मिलदा, काँह्भई तुहें परमेशरा ते नीं मंगदे।

याकूब 4:2 ပူးပေါင်းရင်းမြစ်များ

यूहन्ना 16:24

हूणा तक तुहें मेरा चेला हुणे रे नाते किछ नीं मंगया : परमेशरा ते मंगगे तां पांगे ताकि तुहांरी मौज पूरी हुईजो।

यूहन्ना 4:10

यीशुये जबाब दित्या, “तू नीं जाणदी भई परमेशर तिज्जो क्या देणा चांह, कने तू नीं जाणदी भई कुण तेरते पाणी मंगया रां। जे तू जाणदी, तां तू माहते इस्सो मंगदी कने हऊँ तिज्जो जीवन देणे औल़ा पाणी देन्दा।”

याकूब 1:5

पर जे तुहां चते किसी च बुद्धिया री कमी हो, तां सै परमेशरा ते प्राथना करो, तिस्सो सै मिलणी; काँह्भई सै सारयां जो खुशी-खुशी पूरे दिला ते देआं।

याकूब 5:6

सै लोक जे अपणा बचाव खुद नीं करी सक्कां थे, तिन्हां लोकां जो तुहें दोषी ठैहराया कने मारी बी दित्या।

1 यूहन्ना 3:15

सै कोई जे अपणे साथी विश्वासिये ने दुश्मणी रखां, सै हत्यारा हुया; कने तुहें त जाणाँ ये, भई किसी हत्यारे च अनन्त जीवन नीं रैहन्दा।