याकूब 4:17 - बिलासपुरी नौआं नियम

¹⁷ इस खातर सै जे भलाई करना जाणाँ, पर करदा नींआ, तिसरे खातर ये पाप आ।

याकूब 4:17 ပူးပေါင်းရင်းမြစ်များ

यूहन्ना 13:17

हुण तां जे तुहें इन्हां सब गल्लां जो जाणाँ ये, तां तिन्हांरा पालन करा, ताकि तुहांजो आशीष मिलो।

यूहन्ना 15:22

जे हऊँ नीं औन्दा कने तिन्हांने गल्लां नीं करदा, तां तिन्हां चते किसी बी पापी नीं हूणा था। पर हुण अपणे पापां खातर तिन्हाले कोई बी बहान्ना निआं।

यूहन्ना 9:41

यीशुये तिन्हांने गलाया, “जे तुहें अन्हे हुन्दे तां पापी नीं ठहरदे; पर तियां जे तुहें बोल्लां ये भई तुहें देक्खी सक्कां ये, इस खातर तुहांजो माफ नीं कित्या जाणा।”

रोमियो 1:32

इयां त सै परमेशरा री विधि जाणाँ ये भई येढ़ि जिन्दगी जीणे औल़े मौती रिया सजा रे हकदार ये, तां बी न सिर्फ सै अप्पूँ इस तरिके रे काम्म कराँ ये, पर येढ़े काम्म करने औल़यां ते सै बड़े खुश हुआं ये।

रोमियो 7:13

तां फेरी इसरा क्या ये मतलब आ, भई सै जे व्यवस्था खरी थी, सैई मेरिया मौती री वजह बणी? बिल्कुल नीं! पर पाप तिस खरे रे जरिये मेरे खातर मौती री इस खातर वजह बणया भई पापा रा सही स्वभाव परगट हुई सक्को, कने हुक्मा रे जरिये पाप हद ते बी जादा दिखणे लगो।

2 पतरस 2:21

काँह्भई तिन्हांरे खातर ये भला हुन्दा भई तिन्हें भलाईया रे रस्ते जो कदीं जाणया इ नीं हुन्दा, बजाये इसरे तिस्सो जाणने ते बाद सै जे पवित्र हुक्म तिन्हौं सौपे गये थे तिन्हांते मुँह मोड़दे।