याकूब 3:6 - बिलासपुरी नौआं नियम

⁶ हाँ, ये जीभ; अग्गी री इक लपट साई। ये बुराईया रा इक पूरा संसार आ। ये जीभ अहांरे शरीरा रे अंगाँ च इक येढ़ा अंग आ, सै जे सारे शरीरा जो कलंकित करी देईं कने अहांरे सारे जीवना च आग्ग लाई देईं। ये जीभ नरका री अग्गी ते भड़कदी रैईं।”

याकूब 3:6 ပူးပေါင်းရင်းမြစ်များ

मत्ती 12:24

ताहली जे फरीसियें ये सुणया तां तिन्हें गलाया, “ये शैतान्ना रा सेवक होणे रिया वजह ने बुरीआत्मा जो बाहर कड्डां।”

मत्ती 5:22

पर हऊँ तुहांजो बोलां, भई सै माहणु जे अपणे भाईये पर गुस्सा कराँ, तिसरा परमेशरा न्याय करना, कने सै जे कोई अपणे भाईये जो निकम्मा समझीने तिसरी बेज्जति करगा तिस्सो बड्डिया सभा च परमेशरा बौहत भयानक सजा देणी; कने जे कोई अपणे भाईये जो ‘अरे मूर्ख!’ करीने बोल्लो सै नरका रिया अग्गी च सजा रा हकदार हूणा।

मरकुस 7:15

येढ़ि कोई चीज़ नीं तिसाजो जे माहणु खाईने अपवित्र हुआं; पर सै जे किछ माहणुये रे अन्दरा ते निकल़ां, सै तिस्सो अपवित्र कराँ।

लूका 16:24

तां तिने अमीर माहणुये जोरा ने हाक पाई, पिता अब्राहम, दया करीने लाजरा जो मेरले भेज्जी दे, ताकि सै अपणिया गुट्ठियां जो पाणिये च सेड़ीने मेरिया जीभा जो ठण्डा करी सक्को, काँह्भई हऊँ इन्हां अग्गी रियां लपटां च फुक्खीने तड़फणे लगीरा।”

प्रेरितां 20:30

तुहां बिच्चा ते बी येढ़े-येढ़े माहणु औणे, तिन्हांजे चेलयां जो अप्पूँ खौ खिंजणे खातर गल़त फल़त गल्लां करनियां।

प्रेरितां 5:3

पतरसे गलाया, “हे हनन्याह! सै जे शैताने तेरे मना च पवित्र आत्मा ने झूट्ठ बोलणे रा विचार पाया, कने तुहें अपणी बेच्ची रिया धरतिया रे पैसयां चते थोड़े जे रखी लो?

प्रेरितां 6:13

कने तित्थी तिन्हें झूट्ठे गवाह खड़े कित्ते, तिन्हें जे ये गलाया, “ये माहणु इस पवित्र जगह कने मूसा रिया व्यवस्था रे बरोधा च बोलणा नीं छड्दा।

तीतुस 1:11

इन्हां लोकां जो शिक्षा देणे खातर इजाज़त मत देआं, काँह्भई ये लोक नीच कमाईया खातर गल़त गल्लां सखाई ने पूरे परिवारा रे विश्वासा जो बगाड़ी देआंये।

याकूब 2:7

क्या ये सैई लोक नींये, सै जे मसीह रे तिस उत्तम नौआं री निंध्या कराँ ये, सै जे तुहांजो दित्तिरा?

याकूब 3:7

हरेक किस्मा रे जंगली पशु-पंछी कने कीड़े-मकोड़े, पाणिये च रैहणे औल़े प्राणी माहणुआं रे बशा च कित्ते जाई सक्कां यें कने हुई बी गैईरे।

2 पतरस 3:3

सब्बीं ते पैहले तुहांजो ये समझी लेणा चाहिन्दा भई आखरी दिनां च मजाक डवाणे औल़यां मजाक डवान्दे हुये औणा, कने तिन्हां अपणी बुरी इच्छां रे मुतावक चलना।

3 यूहन्ना 1:10

इसा वजह ने ताहली जे मांह औणा, तां तुहांरे सामणे तिसरे जरिये कित्तिरे सारे कम्मां जो सामणे ल्यौन्गा यनि बुरे-बुरे शब्दां रा इस्तेमाल करीने अहां पर लगाईरे आरोपां रा। इतणा इ नीं पर सै खुद तिन्हां साथी विश्वासियां रा स्वागत नीं करदा सै जे लग-लग जगहां च जाईने खुशखबरिया रा प्रचार कराँ ये, कने सै जे तिन्हांरा स्वागत करना चांह ये, सै तिन्हांजो बी रोकां कने कलीसिया ते बाहर कडी देआं।

प्रकाशितवाक्य 12:9

कने बड्डा अजगर यनि सैई पुराणा सर्प तिस्सो जे इबलिश कने शैतान बोलां ये कने सै जे सारे संसारा रा भरमाणे औल़ा। सै धरतिया पर तिसरे दूतां समेत सट्टि दित्या गया।

प्रकाशितवाक्य 13:14

तिन्हां चमत्काराँ रिया वजह ते, तिन्हौं जे तिस पशुये रे सामणे दसणे रा अधिकार तिस्सो मिलीरा था, सै धरतिया पर रैहणे औल़यां जो इस तरिके ने धोखा देआं था। सै तिन्हांजो ये हुक्म देआं था भई तिस पशुये री मूर्ति बणावा, तिसरे शरीरा पर जे तलवारा रा घाव था कने सै जे फेरी भीं जिऊंदा हुईगरा था।

प्रकाशितवाक्य 18:23

किसी दिऊये रिया लोई फेरी कदीं तुज च नीं चमकणा, कने दुल्हे कने दुल्हना री अवाज़ फेरी कदीं तुज च नीं सुणाई देणी; काँह्भई तेरे ब्यापारी संसारा रे बड्डे लोक थे कने तेरे जादू-टोणे ते सारी जातियां भरमाये गैईरे थे।

प्रकाशितवाक्य 19:20

सै पशु कने झूट्ठे भविष्यवक्ते जो सै जे तिसरे सामणे येढ़े नशाण दस्से थे, तिन्हांरे जरिये तिने तिन्हांजो भरमाया, तिन्हां पर जे पशुये री छाप थी, कने सै जे तिसरी मूर्तियां री पूजा कराँ थे। इन्हां दुईं जो जीते जी तिसा अग्गी रिया झीला च, सै जे गन्धका ने जल़ां इ, पाये गये।