याकूब 3:17 - बिलासपुरी नौआं नियम

¹⁷ पर सै ज्ञान जे परमेशरा रिया तरफा ते औंआं सै पवित्र, मिलणसार, कोमल, दुज्जेयां रे अधीन रैहणे औल़ा। ये दया कने खरयां कम्मां ने भरीरा, इसच कदीं पक्षपात नींआ, कने हमेशा ईमानदार होता है।

याकूब 3:17 ပူးပေါင်းရင်းမြစ်များ

मत्ती 23:28

इयां इ बाहरा ते त तुहें माहणुआं जो धर्मात्मा दिखां ये, पर अन्दरा ते छल कपटा ने कने अधर्मा ने भरीरे।

मत्ती 5:8

परमेशर तिन्हां लोकां जो आशीष देआं, तिन्हारे जे मन साफ ये, काँह्भई तिन्हां परमेशरा रा दर्शण पाणा।

मत्ती 5:9

परमेशर तिन्हां लोकां जो आशीष देआं, सै जे शान्तिया रे काम्म कराँ ये, काँह्भई सै परमेशरा रे बच्चे हुणे।

लूका 21:15

काँह्भई मांह तुहांजो अपणे बचावा खातर विचार कने बुद्धि देणी, भई तुहांरे सारे बरोधी तुहांरा सामना करीने येढ़ा नीं बोल्ली सक्को भई तुहें गल़त ये।

लूका 6:36

तियां जे तुहांरा पिता सबनीं पर दया कराँ, तियां इ तुहें बी दया करने औल़े बणा।

यूहन्ना 1:14

कने वचन शरीरा रा रुप लेईने आया; तिने अनुग्रह कने सच्चाईया ने भरी ने अहांरे बिच बास कित्या, कने अहें तिसरी येढ़ि महिमा देक्खी, तेढ़ी जे पिता रे इकलौते पुत्रा री महिमा हुआं इ।

यूहन्ना 1:47

यीशुये नतनएला जो अपणी तरफ औन्दे देखीने तिसरे बारे च गलाया, “येआ इक सच्चा इस्राएली वंशज तिस्च जे कोई खोट निआं।”

प्रेरितां 11:24

सै इक भला माहणु था, कने पवित्र आत्मा कने विश्वासा ते भरीरा था; कने होर बौहत सारे लोक प्रभुये च आईगे।

प्रेरितां 9:36

याफा नगरा च तबीता नामक विश्वासी थी। यूनानी भाषा च तिसारा नौं दोरकास था। सै बौहत सारे भले-भले काम्म कने मदद कराँ थी।

रोमियो 12:18

जे हुई सक्को, तां सारयां ने शान्तिया ने रैहणे री कोशिश करा।

रोमियो 12:9

तुहांरा प्यार सच्चा ओ; बुराईया ते नफरत करा; भलाई करदे रौआ।

रोमियो 15:14

मेरे साथी विश्वासियो, मिन्जो खुद तुहांरे ऊपर भरोसा भई तुहें भलाईयां कने परमेशरा रे ज्ञाना च पूरे भरीरे, कने इक्की दूये जो सखाई सक्कां ये।

1 कुरिन्थियों 12:8

काँह्भई इक्की जो आत्मा ते बुद्धिया रियां गल्लां मिलां इयां, कने किसी दुज्जे जो तिसा इ आत्मा रे मुतावक ज्ञाना रियां गल्लां।

2 कुरिन्थियों 10:1

हऊँ पौलुस मसीह री नम्रता कने कोमलता च तुहांजो विनती करी रां, हलाँकि मैं महसूस कित्या भई तुहें सोच्चां ये हऊँ तुहांरे सामणे डरपोक आ कने ताहली जे तुहांते दूर आ हऊँ निडर आ।

2 कुरिन्थियों 6:6

पवित्रता ते, ज्ञाना ते, धीरजा ते, दयालुता ते, पवित्र आत्मा ते, सच्चे प्यारा ने,

2 कुरिन्थियों 7:11

देक्खा, सै दुख जे परमेशरा रिया तरफा तेआ तिने तुहांरे जीवना च क्या-क्या बदलाव कित्तिरा, तियां जे भई कितना उत्साह, अप्पूँजो बचाणे री चिन्ता, गुस्सा, डर, मेरने मिलणे री बेचैनी, सेवा रे प्रति तुहांरा जोश, कने पापा रे प्रति न्याय चुकाणे री भावना। तुहें हर गल्ला च ये साबित कित्या भई इस बारे च तुहें पूरी तरह निर्दोष थे।

2 कुरिन्थियों 9:10

काँह्भई परमेशर इ करसाणां जो ब्यू देआं कने खाणे जो रोटी देआं। तियां इ तुहांले सै किछ जे हाया परमेशर तिसजो बधान्गा, ताकि सै जे जरूरत मन्द लोक ये तिन्हांजो तुहें होर बी जादा देई सक्को।

इफिसियां 5:9

काँह्भई ज्योति हर किस्मा री भलाई, धार्मिकता कने सच्चाई पैदा कराँ इ।

फिलिप्पियां 1:11

तियां जे इक पेड़ फल़ देआं तियां इ तुहें यीशु मसीह रिया सामर्था रे जरिये भलयां कम्मां जो करगे, इसच बधदे रौआ तिसते जे परमेशरा री महिमा कने स्तुति हुन्दी रौ।

फिलिप्पियां 4:8

इस खातर साथी विश्वासियो, तिन्हां गल्लां रा ध्यान करा सै जे सच्चियां इ, कने सै गल्लां जे आदर रे लायक इ, कने सै जे किछ ठीक आ, कने सै जे किछ पवित्र आ, सै जे किछ सुन्दर आ, सै जे किछ सराहना रे लायक आ, यनिके कोई बी होर उत्तम गुण या प्रशंसा री गल्लां ओ तिन्हां पर ध्यान लगाया करा।

कुलुस्सियां 1:10

ताकि तियां जे प्रभु चाँह तुहें तियां जी सकगे, कने तुहां हरेक गल्ला च प्रभुये जो खुश करना, कने तुहां हर तरिके रे भले काम्म करदयां रैहणा, कने तुहें परमेशरा जो अच्छे तरिके ने जाणगे।

1 थिस्सलुनीकियां 2:7

अहें मसीह रे प्रेरितां रे रुपा च अपणा हक जताई सक्कां थे, पर अहें तुहांरे बिच तियां इ नम्रता ने रैये तियां जे इक मौ अपणे बच्चे जो दुध प्याईने तिसरा पालन-पोषण कराँ इ।

1 तिमुथियुस 5:21

परमेशर कने मसीह यीशु कने चुणीरे स्वर्गदूतां जो हाजर जाणीने हऊँ तिज्जो हुक्म देआं भई तू बिणा भेदभावा ते इन्हां गल्लां जो मन्नया कर, कने कोई काम्म भेदभावा ने नीं कर।

2 तिमुथियुस 2:24

कने प्रभुये रे सेवका जो त झगड़ना इ नीं चहिन्दा, वल्कि तिस्सो त सब्बीं पर दया कने परमेशरा रे वचना जो ठीक ढंगा ने सखाणे रे काविल हूणा चाहिन्दा, तिस्सो सैहनशील हूणा चहिन्दा।

तीतुस 1:15

तिन्हां लोकां खातर सब चिज़ां शुद्ध इयां तिन्हांरे मन जे शुद्ध ये, पर अशुद्ध कने अविश्वासी लोकां खातर किछ बी शुद्ध निआं, काँह्भई तिन्हांरे मन कने अन्तरात्मा दोन्नों अशुद्ध ये।

तीतुस 3:2

किसी जो बदनाम नीं करो, झगड़ने औल़े नीं बणो; पर दुज्यां लोकां रे प्रति दयालु हो, कने सब्बीं माहणुआं ने बड़िया नम्रता सौगी रौ।

इब्रानियों 12:11

जिस वगत सै अहांजो सुधाराँ ये तिस वगत सै सुधार अहांजो ठीक नीं लगदा, वल्कि बुरा लगां, तां बी सै जे सुधारा जो सैहन्दे-सैहन्दे पक्के हुईगरे, बाद बिच तिन्हांजो शान्ति कने धार्मिकता रा ईनाम मिलां।

इब्रानियों 12:14

सब्बीं ने शान्तिया ने रैहणे, कने पवित्र हुणे रे खातर हर तरह री कोशिश करदे रौआ, काँह्भई पवित्रता ते बिणा कोई प्रभुये जो कदीं बी नीं देखी सकदा।

याकूब 1:17

काँह्भई हर इक खरा कने हर इक उत्तम बरदान समाणा रियां जोतियां रे बनाणे औल़े परमेशर अहांरे पिता रिया तरफा तेई मिलां। परमेशर सदा इक्को जेआ रेआं कने सै छौंवा साई कदीं नीं बदलदा।

याकूब 1:5

पर जे तुहां चते किसी च बुद्धिया री कमी हो, तां सै परमेशरा ते प्राथना करो, तिस्सो सै मिलणी; काँह्भई सै सारयां जो खुशी-खुशी पूरे दिला ते देआं।

याकूब 2:13

इस खातर जे तुहें दुज्यां पर दया नीं करदे, तुहां पर बी दया नीं किति जाणी; जे तुहें दुज्यां रे प्रति दयालु रै, तां परमेशरा तुहांरे खातर बी दयालु रैहणा ताहली जे तिस न्याय करना।

याकूब 2:4

तां क्या इसते साफ-साफ भेद-भाव नीं दिखदा भई तुहांरे विचार कितणे खराब ये?

याकूब 3:15

येढ़े ज्ञाना रा स्रोत परमेशर नींआ, ये दुनियावी आ, शारीरिक कने शैतान्नी आ।

याकूब 4:8

परमेशरा रे नेड़े औआ, तां तिस बी तुहांरे नेड़े औणा। अरे पापियो! अपणयां पापां जो अपणे जीवना ते दूर करा, कने दोगले माहणुओ, अपणे मना जो पवित्र करा।

1 पतरस 1:22

हुण तुहें सच्चाईया जो मनदे हुये अप्पूँजो परमेशरा रे जरिये पवित्र करील्या, ताकि तुहांरा प्यार साथी विश्वासियां रे प्रति सच्चा हो। कने लगातार इक्की दुज्जे जो दिला ते प्यार करा,

1 पतरस 2:1

इस खातर हरेक बुराईया ते दूर रौआ। दुज्यां जो धोखा मत देआ कने कपटी मत बणा, जल़ण करने औल़े मत बणा कने किसी री बेईज्जति मत करा,

1 पतरस 2:18

अरे सेवको, पूरे आदरा ने अपणे मालकां रे अधीन रौआ, न सिर्फ भले कने नम्र मालकां रे, पर निर्दयी मालकां रे प्रति बी।

1 यूहन्ना 3:18

मेरे प्यारे बच्चो, अहांरा प्यार सिर्फ मुँआं ते गलाई रियां गल्लां तक इ सीमित नीं रैहणा चाहिन्दा, पर कर्म करने औल़ा कने सच्चा हूणा चाहिन्दा।

1 यूहन्ना 3:3

कने सै जे कोई यीशु मसीह पर ये आशा रक्खां, सै खुद अप्पूँजो तियां इ पवित्र कराँ, तिआं जे मसीह पवित्र आ।