याकूब 2:19 - बिलासपुरी नौआं नियम

¹⁹ तिज्जो विश्वास आ भई इक इ परमेशर आ; तू ठीक कराँ! बुरीआत्मा विश्वास कराँ इ भई परमेशर हाया; कने सै डरा ने कम्बदी रैंई।

याकूब 2:19 ပူးပေါင်းရင်းမြစ်များ

मत्ती 8:29

सै दोन्नो अचानक यीशुये पर चिल्लान्दे हुए बोलणे लगे, “हे परमेशरा रे पुत्र, अहांते तुहांजो क्या काम्म आ? क्या तू अहांजो परमेशरा रे तैह कित्तिरे वगता ते पैहले सजा देईने तिसरी अवहेलना नीं करीरां?”

मरकुस 1:24

तिने चिल्लाई ने गलाया, “हे यीशु नासरी, अहांजो तेरते क्या काम्म आ? क्या तू अहांरा नाश करने आईरा? हऊँ तिज्जो जाणाँ, भई तू कुण आ, तू परमेशरा रा पवित्र पुत्र आ!”

मरकुस 12:29

यीशुये तिस्सो जवाब दित्या, “सारयां हुक्मा चते ये खास हुक्म आ,” “इस्राएल रे लोको ‘सुणा, प्रभु अहांरा परमेशर इक इ प्रभु आ।

मरकुस 5:7

यीशु तिसने गल्लां था, “बुरीआत्मा, इस माहणुये चते निकल़ी जा!” पर बुरे आत्मे तिसजो जल्दी छड्डया नींआ, सै जोरा ने रड़ान्दे हुये गलाया, “यीशु, हऊँ जाणाँ भई तू महान परमेशरा रा पुत्र आ! तू काँह मिन्जो परेशान करया राँ? तू परमेशरा रे नौआं ते मेरने ये वायदा कर भई तू मिन्जो पीड़ा नीं देंगा।”

मरकुस 7:9

यीशुये तिन्हांजो गलाया, “तुहें अपणियां रितियां जो मनणे खातर बड़िया चलाकिया ने परमेशरा रे हुक्मा जो तोड़ां ये!

लूका 4:34

“हे यीशु नासरी, अहांजो तेरते क्या काम्म आ? क्या तू अहांरा नाश करने आईरा? हऊँ तिज्जो जाणाँ भई तू कुण आ? तू परमेशरा रा पवित्र माहणु आ!”

यूहन्ना 17:3

कने अनन्त जीवन येआ, भई लोक तिस इकलौते सच्चे परमेशरा जो पैहचाणो, कने सै मिन्जो यनि यीशु मसीह जो बी पैहचाणो, तिस्सो जे तिने भेज्जीरा।

प्रेरितां 16:17

सै पौलुसा रे कने अहांरे पिच्छे आईने रड़ाणे लगी, “ये माहणु परमप्रधान परमेशरा रे दास ये, सै जे अहांजो छुटकारे री कथा सुणवांये।”

प्रेरितां 19:15

पर बुरीआत्मे तिन्हांजो जवाब दित्या, “यीशुये जो हऊँ जाणाँ इ, कने पौलुसा जो बी जाणाँ इ, पर तुहें कुण ये?”

प्रेरितां 24:25

ताहली जे सै धर्मिकता, कने संयम, कने औणे औल़े न्याय रे बारे च चर्चा करया राँ था, तां फेलिक्स डरा रे मारे जवाब दित्या, “हुण तू जा; मौका देखीने हऊँ तिज्जो फेरी सदगा।”

रोमियो 3:30

काँह्भई इक इ परमेशर आ, सै जे खतना औल़यां जो विश्वासा ने कने बिणा खतना औल़यां जो बी विश्वासा रे जरिये धर्मी बणां।

1 कुरिन्थियों 8:4

हुण मूर्तियां रे सामणे बल़ि कित्ती रिया चीजां रे खाणे रे बारे च: अहें जाणाँ ये भई संसारा च मूर्तियां रा कोई अस्तित्व नींआ, कने इक्की जो छड्डिने होर कोई परमेशर निआं।

1 कुरिन्थियों 8:6

तां बी अहांरे खातर इक इ परमेशर आ, यनि सै पिता सै जे सारियां चीजां रा सृष्टीकर्ता कने तिसरे खातर जे अहें जींये; कने इक इ प्रभु आ, यनि यीशु मसीह तिसरे जरिये सब्बीं चिज़ां री सृष्टि हुई कने तिसरे जरिये जे अहें जीयें।

गलातियां 3:20

हुण देक्खा, बिचौल़िये रा काम्म त दुईं रे बिच हुआं, पर परमेशर त इक इ हाया।

1 तिमुथियुस 2:5

काँह्भई परमेशर इक इ हाया, कने परमेशर कने माहणुआं रे बिच इक इ बिचौल़िया यनि यीशु मसीह सै जे माहणु बणीने इस संसारा च आया।

याकूब 2:8

तां बी जे तुहें पवित्रशास्त्रा ते मिलणे औल़े वचना रा सच्चमुच पालन कराँ ये, भई “अपणे पड़ेसिये ने अप्पूँ साई प्यार करा” तां तुहें ठीक कराँ ये।

यहूदा 1:4

काँह्भई किछ लोक सै जे परमेशरा जो नीं मनदे कने झूट्ठी शिक्षा देआंये, अहां रिया जानकारिया बगैर चुपचाप अहांरे बिच घुसी चुक्कीरे। ये सै लोक ये तिन्हांजो जे परमेशरे बौहत पैहले पवित्रशास्त्रा च बोल्या था भई तिस तिन्हांजो सजा देणी। ये लोक विश्वास कराँ ये भई सै अनैतिक जीवन जी सक्कां ये, काँह्भई अहांरा परमेशर अनुग्रहकारी आ कने सै अहांरे इकलौते शासक कने प्रभु यीशु मसीह रा इन्कार कराँ ये।

यहूदा 1:6

हऊँ तुहांजो ये बी याद दिलाणा चांह भई सै स्वर्गदूत सै जे अपणे औहदे पर नीं रैं, पर अपणे रैहणे रिया जगहां जो छड्डीत्या। परमेशरे तिन्हौं येढ़ियां बेड़ियां ने जकड़ीने अन्धकारा रिया जगह च रक्खीरा, तिसाजो जे कोई तोड़ी नीं सकदा। तिस तिन्हांजो तदुआं तक तिसा जगह च रखणा तदुआं तक जे न्याय रा सै महान दिन नीं आई जान्दा।

प्रकाशितवाक्य 20:10

कने शैतान सै जे तिन्हांजो धोखे च रक्खां था आग्ग कने गन्धका रिया नदिया च पाया जाणा, तित्थी जे सै पशु कने झूट्ठा भविष्यवक्ता बी हूणा, कने सै रात-दिन युग-युग पीड़ा च तड़फदे रैहणे।