याकूब 1:9 - बिलासपुरी नौआं नियम

⁹ सै विश्वासी जे गरीब ये सै इस खातर गर्व करो काँह्भई परमेशर तिन्हांजो खास समझां।

याकूब 1:9 ပူးပေါင်းရင်းမြစ်များ

लूका 1:52

परमेशरे राजयां जो तिन्हां रिया राजगद्दियां ते थल्ले त्वारी दित्या; कने पिड़ितां जो परमेशरे ऊच्चे संघासणां पर बठाल़ीने आदर दित्या।

लूका 10:20

फेरी बी इन्हां गल्लां ते खुश नीं हूणां भई बुरीआत्मां तुहांरे बशा ची आ; पर इस खातर खुश हूणा भई परमेशरे तुहांरे नौं स्वर्गा च लिखी लरे।”

लूका 14:11

काँह्भई सै जे कोई अप्पूँजो महान समझगा, तिसजो परमेशरा नम्र बनाणा, पर सै जे कोई अप्पूँजो नम्र बणांगा, तिस्सो परमेशरा आदर देणा।”

लूका 9:48

फेरी तिन्हांने बोल्या, “सै जे कोई मेरे नौआं ते इस बच्चे जो ग्रहण कराँ, सै मिन्जो ग्रहण कराँ; कने सै जे कोई मिन्जो ग्रहण कराँ, सै मेरे भेजणे औल़े जो ग्रहण कराँ, काँह्भई ये सै आ सै जे तुहां च सबनी ते छोट्टा, सैई महान आ।”

रोमियो 8:17

काँह्भई अहें तिसरे बच्चे, इस खातर सै आशीष जे परमेशर अपणे लोकां खातर रखां तिसजो अहां पाणा, कने मसीह रे खातर बी सै जे परमेशरे रखीरा, तिस्सो बी अहां मसीह ने सौगी पाणा; काँह्भई जे अहें मसीह साई दुख सैं तां अहां बी तिस सौगी महिमा पाणी।

2 कुरिन्थियों 6:10

अहें दुखां रे वगता च बी, हमेशा खुश ये; हलाँकि अहें गरीब ये, फेरी बी बौहत लोकां जो आत्मिकता च अमीर बणाई दें। लोक समझां ये अहांले किछ निआं, जबकि अहांले त सब किछ आ।

फिलिप्पियां 3:14

तां हऊँ ईनाम जितने रे खातर सिधा मकसदा रिया तरफा दौड़ां, सै जे अनन्त जीवना रे खातर यीशु मसीह रे जरिये मिन्जो परमेशरा रा बुलावा।

फिलिप्पियां 3:3

काँह्भई सच्चे खतने औल़े माहणु त अहें सै जे परमेशरा रिया आत्मा री अगवाईया ते अराधना कराँ ये कने मसीह यीशुये पर गर्व कराँ ये, कने अपणिया मेहणता पर भरोसा नीं रखदे।

1 पतरस 2:9

पर तुहें चुणीरे लोक ये कने याजक ये सै जे राजे साई परमेशरा री सेवा कराँ ये, पवित्र प्रजा कने परमेशरा रे लोक ये। तिने तुहांजो अन्धकारा चते अपणी अदभुत ज्योतिया च सद्दीरा ताकि तुहें तिसरे अदभुत कम्मां रा प्रचार करी सक्को।

प्रकाशितवाक्य 2:9

हऊँ तेरे दुख, कने तेरी गरीबिया जो जाणाँ, पर तू अमीर आ! कने हऊँ तिन्हां रिया निंध्या जो बी जाणाँ सै लोक जे अप्पूँजो यहूदी बोलां ये, कने हये नींये, पर शैतान्ना री सभा ये।