याकूब 1:8 - बिलासपुरी नौआं नियम

⁸ तिस माहणुये रा मन दुविधा च फसीरा रैयां, सै अपणे सारे कम्मां च टिक्कीरा नीं रैहन्दा।

याकूब 1:8 ပူးပေါင်းရင်းမြစ်များ

मत्ती 6:22

“तुहांरियां आक्खीं तुहांरे शरीरा खातर दिऊए साई आं: काँह्भई ये तुहांजो हर चीज़ देखणे च काविल बणां इयां, (जे ये स्वास्थ ईं कने देक्खी सक्कां इयां) जे तू चिज़ां जो तियां देक्खी सक्कां तियां जे परमेशर देक्खां, तां तुहांरे सारे शरीरा बी ठीक ढंगा ने काम्म करना।

मत्ती 6:24

“कोई बी माहणु इक वगता च दुईं स्वामियां री सेवा नीं करी सकदा, काँह्भई जे कोई येढ़ा कराँ तां तिस इक्की ने नफरत करनी कने दुज्जे ने प्यार, या इक्की रे परति बफादार रैहणा कने दुज्जे रा निरादर करना। तुहें धन कने परमेशर दुईं री इक साथ सेवा नीं करी सकदे।

याकूब 1:7

येढ़ा माहणु ये नीं समझो, भई तिस्सो प्रभुये ते किछ मिलणा,

याकूब 4:8

परमेशरा रे नेड़े औआ, तां तिस बी तुहांरे नेड़े औणा। अरे पापियो! अपणयां पापां जो अपणे जीवना ते दूर करा, कने दोगले माहणुओ, अपणे मना जो पवित्र करा।

2 पतरस 2:14

सै हरेक औरता सौगी व्यभिचार करना चाँएं तिसाजो जे सै देखां ये। सै लगातार पाप करने खातर मौका टोल़दे रैं। सै जे मसीह पर मजबूतिया ने विश्वास नीं करदे तिन्हांजो सै धोखा दें कने पाप करने जो बैहकाई लें। सै हकीकत च बौहत लालची बणीगरे इस खातर परमेशरे तिन्हांजो श्राप दित्तिरा।

2 पतरस 3:16

तियां जे तिने अपणी सब चिट्ठियां च बी इन्हां गल्लां रे बारे च लिखिरा, तिन्हां चिट्ठियां च किछ गल्लां येढ़ियां इ तिन्हांजो समझी पाणा मुश्कल आ। अंजाण कने अस्थिर लोक तिन्हांरे मतलबा जो बगाड़ी देआंये तियां जे सै पवित्रशास्त्रा री होरी गल्लां सौगी बी कराँ ये, तिसते जे सै खुद अपणा इ नाश करी लें।