याकूब 1:27 - बिलासपुरी नौआं नियम

²⁷ अहांरे परमेशर कने पिता रे सामणे सच्ची कने शुद्ध भगती सैई तिसच जे अनाथां कने विधवां री तिन्हांरे दुख तकलीफां च मदद करो, कने खुद अप्पूँजो कोई संसारिक कलंक नीं लगणे दित्या हो।

याकूब 1:27 ပူးပေါင်းရင်းမြစ်များ

मत्ती 12:32

कोई माहणुये रे पुत्रा रे बरोधा च जे किछ बोलां, तां तिसरा सै अपराध माफ कित्या जाणा, पर जे कोई पवित्र आत्मा रे बरोधा च बोलगा, तिसरा अपराध न त इस वगता च कने न औणे औल़े वगता च माफ कित्या जाणा।

मत्ती 5:8

परमेशर तिन्हां लोकां जो आशीष देआं, तिन्हारे जे मन साफ ये, काँह्भई तिन्हां परमेशरा रा दर्शण पाणा।

लूका 1:6

जकर्याह कने इलिशिबा ये दोन्नों जणे परमेशरा री नज़राँ च धर्मी थे, सै बड़े ध्याना ने प्रभुये रे हुक्मा जो कने विधियां जो मन्नां थे।

रोमियो 12:2

हुण होर अग्गे इस संसारा रिया रीता पर मता चलदे; पर परमेशर तुहांरे मना जो बदलने रे जरिये तुहांजो नया दिल देओ। ताकि तुहें परमेशरा रियां इच्छां जो जाणी सकगे, यानि सै जे भली, सै जे तिस्सो खुश कराँ इ कने सै जे उत्तम इ।

रोमियो 2:13

काँह्भई सै लोक जे मूसा रिया व्यवस्था जो कथा साई सुणां यें, सै परमेशरा रिया नजरा च धर्मी नींये, पर सै जे व्यवस्था रा पालन कराँ ये सै परमेशरा रिया नज़राँ च धर्मी समझे जाणे।

गलातियां 1:4

अहांरे परमेशर कने पिता रिया इच्छा रे मुतावक मसीह यीशुये खुद अप्पूँजो अहांरे पापां रे खातर बलिदान करित्या ताकि सै अहांजो अजकला रे इस बुरे संसारा ते छडवाये।

गलातियां 3:11

पर ये गल्ल साफ हुईगी भई व्यवस्था रे जरिये परमेशरा रे सामणे कोई धर्मी नीं ठैहरदा, काँह्भई पवित्रशास्त्रा रे मुतावक “धर्मी माहणु विश्वासा रे जरिये जिऊंदा रैहणा।”

गलातियां 5:6

जे तुहें मसीह यीशुये रे चेले हो, तां चाये तुहें खतना या बगैर खतने औल़े हो इसरा कोई फर्क नीं पौन्दा, पर मसीह पर विश्वास करना इ मायना रखां सै जे परमेशर कने दुज्यां लोकां रे परति प्यारा रे जरिये दिखां।

गलातियां 6:14

पर येढ़ा नीं हो भई हऊँ सिर्फ अहांरे प्रभु यीशु मसीह रे क्रूसा ते इलावा किसी होरी गल्ला पर घमण्ड करूँ। काँह्भई तिस क्रूसा रिया वजह ने हऊँ संसारा रे खातर कने संसार मेरे खातर मरया।

इफिसियां 2:2

तिन्हां च जे पैहले तुहें संसारा रिया रितिया रे मुतावक कने तिसा बुरी आत्मा रा अनुशरण करदे हुये जीआं थे सै जे इसा धरतिया रे उपरा री आत्मिक शक्तियां रा मालक आ। सैई बुरी आत्मा हुण तिन्हां माहणुआं च काम्म करी राईं सै जे परमेशरा रा हुक्म नीं मनदे।

1 तिमुथियुस 1:5

तिज्जो ये हुक्म देणे रा मेरा मकसद येआ भई तू इक्की दूये जो साफ दिला ते कने शुद्ध अन्तरात्मा ने कने बिणा कपटा औल़े विश्वासा ते प्रेम करगा।

1 तिमुथियुस 5:4

पर जे किसी विधवा रे बच्चे या नाती-पोते हो, तां सै पैहले अपणे परिवारा रे प्रति अपणी जिम्मेवारी निभाणा सिखो तियां जे इक मसीह विश्वासिये जो करना चाहिन्दा, कने ये करने रे जरिये सै अपणे माता-पिता कने दादा-दादिया रे उपकारा जो चुकाई सक्कां ये, काँह्भई ये परमेशरा जो खरा लगां।

तीतुस 2:12

परमेशर अपणे अनुग्रह रिया वजह ते अहांजो सिखां भई तेढ़ा वर्ताव करना बन्द करा सै जे तिस्सो खुश नीं करदा कने तिन्हां चीजां रा लालच नीं करो तिन्हांरी इच्छा जे अविश्वासी लोक करां ए, कने जबकि अहें हल्तियें इसा इ पृथ्विया पर ए, तां समझदारिया ने कने धार्मिकता सौगी इस तरीके ने काम्म करा सै जे परमेशरा जो खुश करां।

याकूब 3:17

पर सै ज्ञान जे परमेशरा रिया तरफा ते औंआं सै पवित्र, मिलणसार, कोमल, दुज्जेयां रे अधीन रैहणे औल़ा। ये दया कने खरयां कम्मां ने भरीरा, इसच कदीं पक्षपात नींआ, कने हमेशा ईमानदार होता है।

याकूब 3:9

कदी-कदी ये अहांरे प्रभु पिता री बडयाई कराँ इ कने परमेशरा रे रुपा च बणाईरे लोकां रे खलाफ जैहर उगल़ां इ।

याकूब 4:4

विश्वासघाती लोको, क्या तुहांजो ये पता नींआ भई संसारा री दोस्ती तुहांजो परमेशरा रा दुश्मण बणां ईं? हऊँ भीं बोलां भई जे तुहांरा मकसद इस संसारा रा मजा लुटणा इ हाया, तां तुहें परमेशरा रे दोस्त नीं हुई सकदे।

2 पतरस 1:4

इन्हां सब्बीं रे जरिये परमेशरे अहांजो बौहत महान कने बौहत कीमती बरदान दित्ते, तिन्हांजो देणे रा जे तिने वायदा कित्या था, ताकि इन्हां बरदान्नां रे जरिये तुहें संसारा रियां बुरियां इच्छां ते बची सक्को सै जे लोकां जो नाश कराँ इयां कने तुहें परमेशरा रे अपणे स्वभावा च शामिल हुणे खातर आई सक्को।

2 पतरस 2:20

इस खातर जे ये अहांरे प्रभु कने छुटकारा करने औल़े यीशु मसीह जो जाणने रे जरिये संसारा रे खोटा ते बचणे ते बाद फेरी तिन्हां च फसीने हारी गरे, तां तिन्हांरी पिछली दशा पैहले ते बी बुरी हुईगरी।

2 पतरस 3:14

इस खातर मेरे प्यारे मित्रो, तियां जे तुहें तिस दिना रा इन्तजार करया राँये पूरी कोशिश करा भई तुहें शान्तिया ने परमेशरा रिया नज़राँ च निष्कलंक कने निर्दोष पाये जाओ।

1 यूहन्ना 5:18

अहें जाणाँ ये भई सै जे कोई परमेशरा बच्चा, सै पाप नीं करदा; पर परमेशरा रा पुत्र यीशु मसीह तिसजो बचाईने रक्खां, कने शैतान तिसजो छुई नीं पान्दा।