इब्रानियों 9:7 - बिलासपुरी नौआं नियम

⁷ पर परमपवित्र स्थाना च सिर्फ महायाजक साल्ला च सिर्फ इक बार जां था। सै बिणा तिस खून्ना ते कदीं अन्दर नीं जान्दा था तिस्सो जे सै खुद अपणे जरिये कने लोकां रे जरिये अनजाणे च कित्‍तीरे पापां खातर परमेशरा जो भेन्ट चढ़ां था।

इब्रानियों 9:7 ပူးပေါင်းရင်းမြစ်များ

इफिसियां 4:18

सै परमेशरा रे बारे रियां गल्लां जो साफ तौर पर समझी नीं सकदे कने सै परमेशरा ते मिलणे औल़िया जिन्दगिया ते दूर ये, काँह्भई सै परमेशरा जो जाणदे नींये कने तिन्हांरे मन कठोर ये।

इब्रानियों 10:3

पर ये बल़ियां त हर साल लोकां जो अपणे पापां रे बारे च याद दिलां इयां।

इब्रानियों 6:19

अहांरी आशा मजबूत इ कने ये हिल्ली नीं सकदी कने ये अहांजो परमेशरा ते भटकणे नीं देन्दी, वल्कि ये अहांजो परमेशरा रे मन्दरा रिया पवित्र जगह तक लेई जांई,

इब्रानियों 7:27

कने दुज्जे महायाजकां साई यीशुये जो जरूरी निआं भई हर रोज पैहले अपणे पापां रे खातर कने फेरी लोकां रे पापां रे खातर बलिदान चढ़ाये; काँह्भई यीशुये अप्पूँजो बलिदान्ना रे रुपा च सारयां लोकां रे पापां खातर इक इ बार बलिदान चढ़ाया।

इब्रानियों 9:3

दुज्जा हिस्सा परदे रे पिच्छे था, तिस्सो जे परम पवित्रस्थान बोलां ये।