इब्रानियों 8:3 - बिलासपुरी नौआं नियम

³ काँह्भई हरेक महायाजक पापां रिया माफिया खातर भेंट कने बलिदान चढ़ाणे जो नियुक्त कित्या जां, इस वजह ते जरूरी आ, भई अहांरे महांयाजक (यीशुये) ले बी चढ़ाणे रे खातर किछ हो।

इब्रानियों 8:3 ပူးပေါင်းရင်းမြစ်များ

यूहन्ना 6:51

जीवना री रोटी सै जे स्वर्गा ते उतरी हऊँ आ। जे कोई इसा रोटिया चते खाओ, तां हमेशा जिऊंदा रैहन्गा; कने सै रोटी जे मांह संसारा रे लोकां रे जीवना खातर देणी, सै मेरा शरीर आ।”

रोमियो 4:25

यीशु मसीह तिस्सो जे अहांरे पापां रे खातर मारने जो सौंपया गया था, कने भीं ते परमेशरे तिस्सो जिऊंदा कित्या, ताकि परमेशर अहांजो धर्मिये रे रुपा च ग्रहण करी सक्को।

रोमियो 5:6

काँह्भई ताहली जे अहें अप्पूँजो बचाणे खातर असहाय थे, तां मसीह अहां पापी लोकां रे खातर तिस वगत मरया, जिस वगता जो जे परमेशरे चुणीरा था।

रोमियो 5:8

पर परमेशर अहां पर अपणे महान प्यारा जो इस तरिके ने परगट कराँ भई ताहली जे अहें पापी थे ताहली मसीह अहांरे खातर मरया।

गलातियां 2:20

हऊँ मसीह सौगी क्रूसा पर चढ़ाया गईरा, हुण हऊँ जिऊंदा निआं, पर मसीह माह च जिऊंदा; कने इस शरीरा च हुण हऊँ सै जिन्दगी जे जी कराँ, सै सिर्फ तिस विश्वासा ने जीवित आ सै जे परमेशरा रे पुत्रा पर आ, तिने जे माहने प्यार कित्या कने खुद अप्पूँजो मेरे खातर अर्पण कित्या।

इफिसियां 5:2

जिस तरिके ने मसीहे अहांने प्यार कित्या कने खुद अप्पूँजो खुशबुदार तेला साई परमेशरा खातर इक भेन्ट कने बलिदान्ना रे रुपा च चढ़ाईत्या, तियां इ प्यार रा जीवन जीओ।

तीतुस 2:14

तिने अप्पूँजो अहांरे खातर बलिदान करित्या ताकि अहांजो हरेक पापा ते छडवाई लो कने शुद्ध करीने अपणे खास लोक बणाई लो, सै जे भले काम्म करने च पूरे समर्पित ये।

इब्रानियों 2:17

इस वजह ते मसीह यीशुये जो सब्बीं गल्लां च माणुआं साई बणना जरूरी था; ताकि सारयां रे पापां खातर सै प्रायश्चित बल़ि हुणे रे खातर परमेशरा रे सामणे दयालु कने विश्वास लायक महायाजक बणो।

इब्रानियों 3:1

मेरे पवित्र साथी विश्वासियो, तुहें सै जे परमेशरा रे जरिये सद्दे गईरे, इस खातर मसीह यीशुये रे बारे च सोच्चा सै जे अहांरे खातर परमेशरा रा सनेहा ल्यौणे औल़ा कने महायाजक बी आ, तिस राजे अहें अंगीकार कराँ ये कने विश्वास बी कराँ ये।

इब्रानियों 5:1

परमेशरे हरेक महायाजका जो इस्राएल रे लोकां रे बिच्चा ते चुणया, कने तिने हरेक महायाजका जो लोकां रिया तरफा ते अपणी सेवा रे खातर नियुक्त कित्या ताकि सै लोकां रे पापां रिया माफिया खातर भेंट कने बलिदान चढ़ाये।

इब्रानियों 7:27

कने दुज्जे महायाजकां साई यीशुये जो जरूरी निआं भई हर रोज पैहले अपणे पापां रे खातर कने फेरी लोकां रे पापां रे खातर बलिदान चढ़ाये; काँह्भई यीशुये अप्पूँजो बलिदान्ना रे रुपा च सारयां लोकां रे पापां खातर इक इ बार बलिदान चढ़ाया।

इब्रानियों 8:4

कने जे मसीह धरतिया पर हुन्दा तां कदीं बी याजक नीं हुन्दा, काँह्भई मूसा रिया व्यवस्था रे मुतावक धरतिया पर भेंट चढ़ाणे औल़े याजक हाये।

इब्रानियों 9:14

तां मसीह रा खून तिने जे अप्पूँजो अनन्त आत्मा रे जरिये परमेशरा रे सामणे निर्दोष बल़िया रे रुपा च चढ़ाया, तां अहां रिया अन्तरात्मा जो पापी कम्मां ते काँह नीं शुद्ध करगा? ताकि अहें जिऊंदा परमेशरा री सेवा करी सक्को।