इब्रानियों 8:2 - बिलासपुरी नौआं नियम

² कने सै जे महां पवित्र जगह कने स्वर्गा रे तिस सच्चे तम्बुये च सेवा कराँ तिस्सो जे किसी माहणुये नीं पर प्रभुये खड़ा कित्तिरा।

इब्रानियों 8:2 ပူးပေါင်းရင်းမြစ်များ

लूका 24:44

फेरी यीशुये गलाया, “ताहली जे हऊँ तुहांजो इ था, तिस वगत मैं तुहांजो गलाया था भई मूसा री व्यवस्था कने भविष्यवक्तयां रियां कतावां च कने भजन संहिता च मेरे बारे च सै जे लिखिरा, सै सारी गल्लां पूरियां हुणियां।”

रोमियो 15:8

इस खातर हऊँ तुहां लोकां जो दस्सां भई सै वायदा जे परमेशरे अहांरे पूर्वजां सौगी कित्तिरा था, तिसजो पूरा करने रे खातर मसीह खतना कित्तिरे लोकां रा सेवक बणया; तिसते जे सै ये दस्सी सक्को भई परमेशर विश्वासयोग्य।

2 कुरिन्थियों 5:1

काँह्भई अहें जाणाँ ये भई धरतिया पर अहांरा ये शरीर तम्बुये साई आ तिसच जे अहें रैयां ये, जे ये तम्बू नष्ट हुई जांगा, तां अहांजो परमेशरा रिया तरफा ते स्वर्गा च हमेशा खातर इक बणया-बणाया घर मिलणा सै जे माहणुआं रे हत्था ते बणाया नीं गईरा।

कुलुस्सियां 2:11

ताहली जे तुहें मसीह पर विश्वास कित्या, तां तुहांरा खतना माहणुआं रे हत्थां ते नीं हुया था (तियां जे यहूदी कराँ ये) पर खतना सै जे मसीह रे जरिये कित्या गईरा इसते तुहांरा पापी स्वाभाव दूर कित्या गया,

इब्रानियों 10:11

हरेक याजक खड़ा हुईने हर रोज अपणे धार्मिक कम्मां जो पूरा कराँ। सै बार-बार इक जेईयां बल़ियां चढ़ां सै जे पापां जो कदी दूर नीं करी सकदियां।

इब्रानियों 10:21

कने काँह्भई हुण अहांले इक येढ़ा महान याजक आ, सै जे स्वर्गा च परमेशरा रे घराने रा अधिकारी आ।

इब्रानियों 11:10

काँह्भई अब्राहम मजबूत निऊंआं औल़े नगरा च (स्वर्गा च) रैहणे रे खातर इन्तजार करया राँ था, तिस राजे रचणे औल़ा कने बनाणे औल़ा परमेशर आ।

इब्रानियों 9:1

हुण पैहलिया वाचा जो बणाये रखणे रे खातर लोकां जो किछ नियमा रे मुतावक परमेशरा री अराधना करनी थी, कने अराधना करने रे खातर धरतिया पर इक तम्बू बणाया गया था।

प्रकाशितवाक्य 21:3

फेरी मैं किसी जो संघासणा चते ऊच्चिया अवाज़ा च ये बोलदे सुणया, “देख, परमेशरा रा वास लोकां रे बिच आ कने तिस तिन्हां सौगी वास करना, कने सै तिसरे लोक होणे; कने परमेशरा खुद तिन्हां सौगी रैहणा; कने तिस तिन्हांरे परमेशर हूणा।