इब्रानियों 8:11 - बिलासपुरी नौआं नियम

¹¹ कने हरेक अपणे पड़ोसिये जो कने अपणे रिश्तेदारा जो ये शिक्षा नीं देंगा, भई तू प्रभुये जो जाण, काँह्भई छोट्टे ते बड्डे तकौ सब्बीं मिन्जो जाणी लेणा।

इब्रानियों 8:11 ပူးပေါင်းရင်းမြစ်များ

यूहन्ना 6:45

भविष्यवक्तयां रे लेक्खां च ये लिखिरा : भई ‘सै सारे परमेशरा रे सखाईरे हुणे।’ तिन्हे किन्हिये जे पिता ते सुणया कने सिक्खया सै मेरले औआं।

1 यूहन्ना 2:27

पर तुहांरे खातर यीशु मसीह पवित्र आत्मा दित्तिरा कने सै पवित्र आत्मा तुहां चा; इस खातर सच्चाईया रे बारे च कोई होर माहणु तुहांजो सखाओ इसरी जरूरत नीं। बरन पवित्र आत्मा सारी सच्चाईया रे बारे जाणने च तुहांरी मदद करो। जो किछ पवित्र आत्मा तुहांजो सखां सै विल्कुल सच्च आ, तिसच कोई झूट्ठ निआं। इसी खातर तियां जे पवित्र आत्मा तुहांजो बोलीरा, तियां इ तुहें मसीह च बणीरे रौआ।

1 यूहन्ना 5:20

पर अहांजो पता भई परमेशरा रा पुत्र यीशु मसीह संसारा च आईरा कने तिने अहांजो ये समझाईतरा भई अहें तिस सच्चे परमेशरा जो पछयाणी लो; कने अहें तिस चे सै जे सच्चा, यनि तिसरे पुत्र यीशु मसीह च रैं, सैई सच्चा परमेशर कने अनन्त जीवन आ।

प्रेरितां 8:10

तित्थी सारे लोक, दोयो आम लोकें कने खास लोकें तिसरी गल्ल सुणी। सै बोलीराँ थे, “ये माहणु परमेशरा री महान सामर्थ इ।”