इब्रानियों 7:11 - बिलासपुरी नौआं नियम

¹¹ ये लेवीय याजका रे अधारा पर व्यवस्था इस्राएली लोकां जो दित्ति गई थी। हुण, जे लेवीय याजकां रा काम्म ठीक था, तां अलग तरह रे याजका रे प्रगट हुणे री जरूरत नीं थी, सै जे मेलिकिसिदक साई आ, पर हारून साई नींआ।

इब्रानियों 7:11 ပူးပေါင်းရင်းမြစ်များ

गलातियां 2:21

हऊँ परमेशरा रे अनुग्रह रा इन्कार नीं करी रां; काँह्भई जे लोक व्यवस्था रा पालन करने रे जरिये धर्मी हुन्दे, तां मसीह रा मरना बेकार हुन्दा।

गलातियां 4:3

तियां इ अहें बी, ताहली जे बच्चयां साई थे, तां दास्सां साई संसारा रे बेकार नियमां रा पालन कराँ थे।

गलातियां 4:9

पर हुण परमेशरा सौगी तुहांरा रिश्ता, कने मिन्जो बोलणा चाहिन्दा भई परमेशरे तुहां सौगी रिश्ता बनाणे च पैहल कित्ती, तां तुहें तिन्हां कमजोर कने नकम्मी परम्परा खा जो कजो वापस जाया राँये? क्या तुहें भीं ते तिन्हांरे दास बणने री इच्छा कराँ ये?

इब्रानियों 5:10

कने परमेशरे तिस्सो मेलिकिसिदक याजका साई महायाजक हुणे रे खातर घोषित कित्या।

इब्रानियों 5:6

इयां इ परमेशर तिस्सो दुज्जिया जगह च भीं बोलां, “तू मेलिकिसिदक याजका साई सदा खातर याजक आ।”

इब्रानियों 6:20

तित्थी जे यीशुये मेलिकिसिदक याजका साई सदा काल रा महायाजक बणीने अहां खातर अगुवे साई प्रवेश कित्तिरा।

इब्रानियों 7:10

काँह्भई ताहली जे मेलिकिसिदके लेवी रे पूर्वज अब्राहम ने भेंट कित्ती, तिस वगत लेवी पैदा नीं हुईरा था।

इब्रानियों 7:12

काँह्भई ताहली जे याजका रा पद बदलया जां, तां व्यवस्था रा बी बदलना जरूरी आ।

इब्रानियों 7:13

अहें ये सारियां गल्लां समीह रे बारे च बोल्या राँये सै जे दुज्जे गोता रा, कने तिस गोता चते किन्हिये कदीं याजका साई बेदिया री सेवा नीं कित्तिरी।

इब्रानियों 7:15

मेलिकिसिदक साई इक दुज्जे याजका रे औणे ते ये होर बी साफ हुई जां,

इब्रानियों 7:21

काँह्भई होर याजक त बिणा कसमा ते याजक बणाये गये, पर यीशु कसमा सौगी परमेशरा रिया तरफा ते नियुक्त कित्या गया, तिने जे तिसरे बारे च गलाया, “हऊँ, प्रभु कसम खां, भई तू युगानुयुगा रा याजक आ कने मांह अपणा मन कदीं नीं बदलना।”

इब्रानियों 8:7

काँह्भई जे, सै पैहली वाचा निर्दोष हुन्दी, तां दुज्जिया वाचा री जरूरत नीं हुन्दी।

इब्रानियों 9:6

सब्बीं किजि रे इस तरिके ने त्यार हुणे ते बाद याजक तम्बुये रे पैहले हिस्से च हर रोज जाईने अपणिया सेवा रा काम्म कराँ थे,