इब्रानियों 6:5 - बिलासपुरी नौआं नियम

⁵ तिन्हें महसूस कित्या था भई परमेशरा रा वचन उत्तम आ कने तिन्हें औणे औल़े युगा री सामर्था जो बी महसूस कित्या था।

इब्रानियों 6:5 ပူးပေါင်းရင်းမြစ်များ

मत्ती 12:32

कोई माहणुये रे पुत्रा रे बरोधा च जे किछ बोलां, तां तिसरा सै अपराध माफ कित्या जाणा, पर जे कोई पवित्र आत्मा रे बरोधा च बोलगा, तिसरा अपराध न त इस वगता च कने न औणे औल़े वगता च माफ कित्या जाणा।

मरकुस 6:20

काँह्भई हेरोदेस यूहन्ना जो धर्मी कने पवित्र माहणु जाणीने तिसते डराँ था, कने तिस्सो बचाई रखां था, हर बार ताहली जे हेरोदेस यूहन्ने जो बोलदे हुये सुणां, सै बौहत घबराई जां, पर फेरी भीं तिस्सो सुणना पसन्द करां था।

लूका 8:13

किछ लोक येढ़े तिन्हांरी बराबरी तिन्हां ब्यूआं ते कित्ती जाई सक्कां इ सै जे पत्थरीली जमीन्ना पर पैया। ये सैए सै जे परमेशरा रा बचन खुशिया ने सुणां ये कने इकदम ग्रहण बी कराँ ये। पर वचन तिन्हांरे दिलां री गहराईया तक नीं जान्दा, काँह्भई सै सिर्फ थोड़े इ वगता तक विश्वास कराँ ये; सै तिन्हां पौध्यां साई ये तिन्हांरियां जड़ां जे डुग्गियां नीं हुन्दियां। ताहली जे परमेशरा रे सन्देशा पर विश्वास करने रिया वजह ने तिन्हां पर दुख कने तकलीफां औईयां, तां सै विश्वासा ते भटकीने पाप कराँ ये।

इफिसियां 6:17

कने छुटकारे रा टोप, कने पवित्र आत्मा री तलवारा जो, सै जे परमेशरा रा वचन आ, लैई लो।

इब्रानियों 11:3

विश्वासा तेई अहें जाणाँ यें भई संसारा री सृष्टि परमेशरा रे वचनां रे जरिये हुई थी। इस खातर अहें जो बी देक्खां ये सै तिन्हां चीजां ते बणीरा तिस्सो जे अहें देक्खी नीं सकदे।

इब्रानियों 2:5

परमेशरे अहांजो औणे औल़े तिस संसारा जो तिसरी चर्चा जे अहें करया रायें, स्वर्गदूतां रे अधीन नीं कित्या पर प्रभु यीशुये रे अधीन कित्या।

इब्रानियों 4:12

काँह्भई परमेशरा रा वचन जिऊंदा, सामर्थी, कने हरेक दोधारी तलवारी ते बी बौहत पैना; सै अहांरे प्राण कने आत्मा जो गहराईया तक बिन्हां, तियां जे इक तेज तलवार अहांरे हरेक जोड़ां जो, कने गुदे-गुदे जो लग करीने आर-पार बिन्ही देईं, कने मनां रियां भावनां कने विचाराँ जो परखी लेआं।

1 पतरस 1:25

पर प्रभुये रा वचन जुगां-जुगां तक बणीरा रैआं।” कने येई वचन खुशखबरी सै जे तुहांजो सुणाई गईरी।

1 पतरस 2:3

काँह्भई तियां जे पवित्रशास्त्र बोलां, “तुहें तजरबे ने जाणील्या भई प्रभु भला।”

2 पतरस 2:20

इस खातर जे ये अहांरे प्रभु कने छुटकारा करने औल़े यीशु मसीह जो जाणने रे जरिये संसारा रे खोटा ते बचणे ते बाद फेरी तिन्हां च फसीने हारी गरे, तां तिन्हांरी पिछली दशा पैहले ते बी बुरी हुईगरी।