इब्रानियों 6:2 - बिलासपुरी नौआं नियम

² कने बपतिस्मा कने हाथ रखणे रिया शिक्षा रे बारे च, कने मूईरयां चते जिऊंदा हुणे रे बारे च, कने अनन्त न्याय री शिक्षा रे बारे च गल्ल नीं करनी चाहिन्दी।

इब्रानियों 6:2 ပူးပေါင်းရင်းမြစ်များ

मत्ती 28:19

इस खातर तुहें जाईने सारी जातियां रे लोकां जो चेला बणावा; कने तिन्हांजो पिता, पुत्र, कने पवित्र आत्मा रे नौआं ते बपतिस्मा देआ,

मत्ती 3:14

पर यूहन्ने प्रभु यीशुये जो मना करदे हुये बोल्या, “मिन्जो अप्पूँ तेरे हत्थों बपतिस्मा लेणे री लोड़ इ, कने तुहें बपतिस्मा लेणे जो मेरले आये?”

मरकुस 16:16

सै जे विश्वास करो कने बपतिस्मा लओ तिसरा इ छुटकारा हूणा, पर सै जे विश्वास नीं करगा सै दोषी समझया जाणा;

मरकुस 7:4

ताहली जे सै बज़ारा ते औआं थे बिणा हात्थ धोये नीं खान्दे थे; कने बौहत सारियां होर रितियां जो बी मन्नां थे, तियां जे भई कटोरियां, लोटे, ताँबे रे बरतना जो धोणा कने माँजणा।

मरकुस 7:8

काँह्भई तुहें परमेशरा रे हुक्मां रा पालन करना बन्द करितरा कने माहणुआं रियां रितियां रा पालन करां ए।”

लूका 11:38

तिस फरीसिये जो ये देखीने हैरानी हुई भई तिने रोटी खाणे ते पैहले अपणे हात्थ पैर नीं धोये।

लूका 12:50

पर औणे औल़े दिनां च मिन्जो कष्टां येढ़े डुबोई देणा तियां जे बपतिस्मे च पाणी माहणुये जो डुबोई देआं, कने तदुआं तक जे सै पूरा नीं हुई जान्दा, तदुआं तक मेरा मन बड़ा व्याकुल रैहणा।

लूका 14:14

फेरी तिज्जो आशीष मिलणी भई तैं येढ़े लोकां जो सद्दया सै जे तेरा उधार बदला नीं करी सकदे। धर्मियां रे जिऊंदा हुणे पर तिज्जो इसरा फल़ मिलणा।”

लूका 3:16

तां यूहन्ने येढ़ा बोलीने तिन्हारे सवाला रा जवाब दित्या, “हऊँ त तुहांजो पाणिये च बपतिस्मा देआं, पर सै औणे औल़ा सै जे मेरते बी सामर्थी आ; हऊँ तिसरे मुकावले किछ बी नींआ, हऊँ इक्की सेवका रा सब्बीं ते छोट्टा काम्म तिस खातर करना चाओ, तां बी लायक नींआ। तिस तुहांजो पवित्र आत्मा कने अग्गी च बपतिस्मा देणा।

यूहन्ना 1:33

हऊँ त तिस्सो पछयाणदा बी नीं था, भई सै मसीह था, पर तिने जे मिन्जो पाणिये ते बपतिस्मा देणे जो भेज्जिरा, तिने इ माहने गलाया, ‘तिसरे ऊपर जे तू पवित्र आत्मा जो औंदे कने टिकदे देक्खो, सैई पवित्र आत्मा ते बपतिस्मा देणे औल़ा।’

यूहन्ना 5:29

तिन्हेजे खरे काम्म कित्तिरे थे तिन्हां अनन्त जीवन पाणे रे खातर जिऊंदा हुई जाणा, कने तिन्हे जे बुरे काम्म कित्तिरे तिन्हौ बी मूईरयां चा ते उट्ठीने इन्हां बुरयां कम्मां री सजा भुगतणे पौणी।

प्रेरितां 10:47

“क्या कोई इन्हां लोकां जो पाणिये ते बपतिस्मा लेणे ते रोकी सक्कां, तिन्हेंजे परमेशरा ते अहां साई पवित्र आत्मा पाईरा?”

प्रेरितां 13:3

तां तिन्हें उपवास कने प्राथना करीने तिन्हां परा हात्थ रखीने परमेशरा रा काम्म करने जो भेज्या।

प्रेरितां 16:15

तां जे तिसे अपणे घराने समेत बपतिस्मा लया, तां तिसे अहांने विनती किति, जे तुहें मिन्जो प्रभुये री विश्वासी समझां यें तां, चलीने मेरे घरा च रौआ, “कने सै अहांजो मनाई ने लई गई।”

प्रेरितां 16:33

राति जो तिन्हें तिस इ वगत तिन्हांजो नेईने तिन्हांरे जख्म धोये, कने तिने अपणे लोकां समेत ताहलूं इ बपतिस्मा लई लया।

प्रेरितां 17:18

फेरी इपिकूरी कने स्तोईकी दार्शनिकां चते किछ तिसने तर्क करने लगे, कने कईयें गलाया, “ये बकवादी क्या बोलणा चाँह?” पर दुज्जेयां गलाया, “ये होरसी रा प्रचारक लगया राँ” काँह्भई सै यीशुये रा कने भीं ते जिऊंदा हुणे री खुशखबरी सुणावां था।

प्रेरितां 2:38

पतरसे तिन्हांने गलाया, “मन फिरावा, कने तुहां चते सब अपणे-अपणे पापां री माफिया खातर यीशु मसीह रे नौआं ते बपतिस्मा लौ; तां तुहां पवित्र आत्मा रा दान पाणा।

प्रेरितां 2:41

इस खातर तिन्हें लोकें जे पतरसा रा वचन सुणीने ग्रहण कित्या तिने बपतिस्मा लेआ; कने तिस दिन लगभग तिन्न हज़ार माहणु विश्वासियां रे समूहा च शामिल हुईगे।

प्रेरितां 23:6

तां पौलुसे ये जाणीने, भई किछ सदूकी लोक कने किछ सदूकी लोकां जो सभा च हाक पाईने गलाया, “हे भाईयो, हऊँ फरीसी कने फरीसियां रे वंशा रा, कने मेरा न्याय मरीरयां री आशा कने भीं ते जिऊंदा हुणे रे बारे च हुया राँ।”

प्रेरितां 24:15

कने परमेशरा ते आशा रखां तेढ़ी जे सै खुद बी रखां ये, भई धर्मिये कने अधर्मिये दुईं जो परमेशरा मौती ते जिऊंदा करना।

प्रेरितां 24:21

इसा इक्की गल्ला जो छड्डिने सै जे मैं इन्हांरे बिच खड़े हुईने बोल्ली थी, ‘मूईरेयां चते जिऊंदा हुणे रे बारे पर हऊँ विश्वास कराँ इस खातर आज मेरा तुहांरे सामणे मुक्दमा हुया राँ।’”

प्रेरितां 24:25

ताहली जे सै धर्मिकता, कने संयम, कने औणे औल़े न्याय रे बारे च चर्चा करया राँ था, तां फेलिक्स डरा रे मारे जवाब दित्या, “हुण तू जा; मौका देखीने हऊँ तिज्जो फेरी सदगा।”

प्रेरितां 26:8

तुहां चते किसी जो बी ये गल्ल विश्वास लायक काँह नीं लगदी भई परमेशर मूईरयां जो जिऊंदा करी देआं।

प्रेरितां 4:2

काँह्भई सै बौहत गुस्सा हुये भई पतरस कने यूहन्ना लोकां जो ये प्रचार कराँ थे भई तियां जे परमेशरे यीशुये जो मूईरेयां चते जिऊंदा कित्या, तियां इ मूईरयां लोकां जो परमेशरा जिऊंदा करना।

प्रेरितां 6:6

कने इन्हौं प्रेरितां रे सामणे खड़ा कित्या कने तिन्हें प्राथना करीने इन्हौं सेवकाईया रे कम्मा खातर नियुक्त कित्या।

रोमियो 2:16

ये गल्लां तिस दिन हुणियां ताहली जे परमेशर मेरिया प्रचार कित्ती रिया खुशखबरिया रे मुतावक यीशु मसीह रे जरिये माहणुये रियां गुप्त गल्लां रा न्याय करना।

1 कुरिन्थियों 10:2

कने सब्बीं जणयां बद्दल़ा च कने समुद्रा च मूसे रा बपतिस्मा लैया।

1 कुरिन्थियों 12:13

काँह्भई अहें सब्बीं क्या यहूदी, क्या यूनानी, क्या दास, क्या अजाद, इक्की आत्मा रे जरिये इक देह हुणे रे खातर बपतिस्मा लैया, कने अहें सब्बीं इक इ आत्मा पाईरा।

2 कुरिन्थियों 5:10

अहें सारयां धरतिया पर रैईने सै जे किछ भला या बुरा काम्म कित्या, तिसरा फल़ पाणे रे खातर मसीह रे न्याय आसणा रे सामणे जरूर हाजर हुणे पौणा।

फिलिप्पियां 3:21

अपणी तिसा सामर्था रे जरिये तिसाते जे सारियां चिज़ां जो सै अपणे बशा च करी लेआं, अहांरे कमजोर शरीरा जो बदली देणा ताकि सै तिसरे प्रतापी शरीरा साई हूणा।

कुलुस्सियां 2:12

ताहली जे तुहें बपतिस्मा लेआ था, तां मसीह साई गड्डे गये थे कने मसीह साई तुहें जी उठे थे। ये इस खातर हुया काँह्भई परमेशरे अपणिया सामर्था रे जरिये मसीह जो मरने ते बाद जिऊंदा कित्या।

2 तिमुथियुस 2:18

तिन्हेंजे सच्चाईया जो छड्डीतरा, सै बोलां ये भई मूईरयां चते जिऊंदा हूणा हुई चुक्कीरा, कने सै किछ विश्वासियां रे विश्वासा जो नाश करी राँये।

इब्रानियों 11:35

विश्वासा रे जरिये किछ जनानें अपणे मूईरयां रिस्तेदाराँ जो फेरी भीं जिऊंदा पाया। पर कितणे त विश्वासा जो नीं छडणे रिया वजह ते जेल्ला च मार खान्दे-खान्दे मरीगे कने जेल्ला ते अजाद नीं हूणा चाये, ताकि सै बौहत अच्छा जीवन पाई सक्को, ताहली जे सै मूईरयां चते जिऊंदा हुणे।

इब्रानियों 9:10

परमेशरा जो चढ़ाये जाणे औल़ियां चीजां त सिर्फ खाणे-पीणे कने कई तरह रियां शुद्धीकरण रियां विधियां नेई मतलब रखां। ये सिर्फ शारीरिक नियम ये, ये तदुआं तक लागू हुआं ये तदुआं तक जे परमेशर नया नियम नीं बणाई देन्दा।

2 पतरस 3:7

पर आज्ज का अकाश कने धरती सै जे हुण अस्तित्व ची, तिस इ बचना रे जरिये अग्गी ते नाश हुणे रे खातर सुरक्षित इ। तिन्हांजो तिस दिना तक रखया गईरा ताहली जे परमेशरा हुक्म नीं मनणे औल़े लोकां रा न्याय करना कने तिन्हांरा नाश करना।