इब्रानियों 5:8 - बिलासपुरी नौआं नियम

⁸ परमेशरा रा पुत्र हुणे पर बी तिने दुखां रे जरिये हुक्म मनणा सिखया,

इब्रानियों 5:8 ပူးပေါင်းရင်းမြစ်များ

मत्ती 3:15

यीशुये तिस्सो ये जबाब दित्या, “हुण तू येढ़ा इ हुणे दे, काँह्भई सै जे परमेशर चाँह तिस्सो पूरा करने खातर अहांजो येई करना ठीक आ।” फेरी यूहन्ने तिसरी गल्ल मन्नी ली।

यूहन्ना 10:18

इस्सो माह्ते कोई लेन्दा निआं, पर हऊँ इस्सो अपणिया इच्छा ने देआं। मिन्जो अपणी जान देणे रा बी अधिकार आ, कने तिस्सो फेरी भीं लेणे रा बी अधिकार आ; ये हुक्म मिन्जो मेरे पिता परमेशरा ते मिलीरा।”

यूहन्ना 15:10

जे तुहें मेरयां हुक्मां जो मनगे तां तुहां मेरे प्यारा च बणीरे रैहणा। तियां जे हऊँ पिता परमेशरा रे हुक्मां रा पालन करीने तिसरे प्यारा च बणीरा रैआं।

यूहन्ना 4:34

यीशुये तिन्हांजो गलाया, “मेरा खाणा तिस परमेशरा रिया इच्छा रा पालन करना हया तिने जे मिन्जो भेज्जिरा, कने तिसरे कम्मा जो पूरा करना सै जे तिने मिन्जो सौंपीरा।

यूहन्ना 6:38

काँह्भई हऊँ स्वर्गा ते इस खातर नीं आईरा, भई अपणी इच्छा पूरी करूँ, पर हऊँ इस खातर आईरा भई अपणे भेजणे औल़े परमेशरा री इच्छा जो पूरा करूँ।

फिलिप्पियां 2:8

कने तिने माहणुये रे रुपा च प्रगट हुईने अप्पूँजो नम्र कित्या कने परमेशरा रा आज्ञाकारी हुईने सै मरने रे खातर त्यार हुआ, कने अपराधिये साई क्रूसा पर मरया।

इब्रानियों 1:2

इन्हां दिनां रे आखिर च परमेशरे अहांने अपणे पुत्रा रे जरिये गल्लां कित्तियां, तिसजो जे परमेशरे सारियां चिज़ां रा बारस बणाया कने तिसरे जरिये जे परमेशरे सारे संसारा जो रचीरी।

इब्रानियों 1:5

काँह्भई परमेशरे कदीं किसी स्वर्गदूता जो ये नीं बोल्या भई, “तू मेरा पुत्र आ; आज्ज हऊँ ये घोषित करा भई तू मेरा पुत्र आ” कने फेरी परमेशरे किसी स्वर्गदूता जो ये नीं बोल्या “मांह तिसरा पिता हूणा, कने सै मेरा पुत्र हूणा।”

इब्रानियों 1:8

पर परमेशर पुत्रा रे बारे च बोलां, “परमेशर, तेरा संघासण युगां-युगां तकौ रैहणा: कने तुहां न्याय ने राज करना।

इब्रानियों 3:6

पर मसीह पुत्रा साई परमेशरा रे लोकां खातर बफादार आ; कने सै अहें लोक ये। जे अहें लगातार हिम्मत रखिये कने आशा रे बारे च घमण्ड करो।